Beliebte Verse in यूहन्‍ना 17

Teilen

तिनीहरूलाई सत्‍यद्वारा तपाईंकै पवित्र सेवकहरू बनाउनुहोस् किनभने तपाईंको वचन सत्‍य हो।

अनन्त जीवन भनेको तपाईं एक मात्र साँचो परमेश्‍वरलाई चिन्‍नु र तपाईंले पठाउनुभएको येशू ख्रीष्‍टलाई पनि चिन्‍नु हो।

“म यिनीहरूका लागि मात्र होइन, तर यिनीहरूका शिक्षाले गर्दा ममाथि विश्‍वास राख्‍नेहरूका लागि पनि प्रार्थना गर्दै छु। तिनीहरू सबै एक हुन सकून् भनेर म बिन्‍ती गर्दै छु। हे पिता, तपाईं ममा र म तपाईंमा भई हामी एक भएजस्‍तै तिनीहरू पनि हामीमा भएर एउटै हुन सकून् र तपाईंले नै मलाई पठाउनुभएको हो भनी संसारले बुझ्‍न सकोस्।

तिनीहरूलाई संसारबाट लैजानुहोस् भनेर म बिन्‍ती गर्दिनँ, तर तिनीहरूलाई दुष्‍टदेखि बचाउनुहोस् भनी म बिन्‍ती गर्दछु।

तपाईंले मलाई जुन महिमा दिनुभएको छ, त्‍यही महिमा मैले अहिले तिनीहरूलाई पनि दिएको छु, जसरी तपाईं र म एक हौं, त्‍यसरी नै तिनीहरू पनि एक हुन सकून्। म तिनीहरूमा र तपाईं ममा हुनुहुन्‍छ। यही रीतिले तिनीहरू पनि पूर्णरूपमा एक हुन सकून्। यसैबाट तपाईंले नै मलाई पठाउनुभएको हो र तपाईंले मलाई प्रेम गर्नुभएजस्‍तै तिनीहरूलाई पनि प्रेम गर्नुहुन्‍छ भनी संसारले जान्‍न सकोस्।