Beliebte Verse in KINAWANSAYAN 21

Teilen

Om barakatai noddi do TUHAN i Sara do miagal di nakabatos mantad dau.

Nga' norongou i' do Kinorohingan i tihad di Ismail, om boro-boros noddi o moloikat do Kinorohingan do mantad hilo'd tawan dot id di Hagar do poingkaa, “Nunu o katangkabaan nu, oi Hagar? Kada' no kooris tu' norongou nod Kinorohingan o tihad dilo tanak nu. Ingkakat nogi', om ngoyon i' kibito' ilo tanak, om insasamadan no iyau. Om silihon ku i' do bansa' dot agayo o sinakagon dau,” ka dau.

Om ponontian no i Sara om kosusu no iyau do tanak do kusai, do tontok di molohing no i Abraham. Iri nopo tanak diri om nosusu do tontok di maso di nokoboros mantad do Kinorohingan do kosusuan dau.

Om boros ka di Sara, “Noonuan oku no do Kinorohingan do kataadan om koirak oku noddi. Om isai nopondo o korongou'dti om kongoirak no do miagal doho',” ka dau.

Nga' boros kaddi do Kinorohingan dot id di Abraham, “Kada' katangkabo do momusorou di tanak diri om i Hagar, i turipon nu. Pohubayaan nopo i pinoboros di Sara dot id diya', tu' id di Isak no o koonuan nu'd sinakagon di nakabatos mantad ku diya'ddi.

Om ilo tanak dilo turipon nu nga' onuan ku i' do sinakagon dot ogumu', om osiliu indo iyolo' dot iso' o bansa'. Tu' ilo' nga' tanak nu i',” ka dau.