Beliebte Verse in Yauhaas 14

Teilen

“Kuv muab kuv txujkev kaaj sab rua mej; txujkev kaaj sab kws kuv muab pub rua mej, kuv tsi muab rua mej le tuabneeg nplajteb muab. Mej tsi xob txhawj, tsi xob nyuaj sab hab tsi xob ntshai.

Yexus teb Thaumas has tas, “Kuv yog txujkev, yog qhov tseeb, hab yog txujsa; tsi muaj leejtwg moog cuag tau leej Txiv, tsuas yog moog ntawm kuv moog xwb txhaj tau.”

Yexus has rua nwg cov thwjtim has tas, “Mej tsi xob txhawj hab tsi xob nyuaj sab, mej ca le ntseeg Vaajtswv hab ntseeg kuv.

Tug paab kws yog Vaaj Ntsujplig tug Dlawbhuv kws kuv thov kuas leej Txiv khaiv lug, nwg yuav qha txhua yaam rua mej hab paab kuas mej ncu txhua yaam kws kuv tau qha rua mej lawm.

“Tug kws leeg yuav kuv tej lug qha hab ua lawv le tej lug ntawd, tug ntawd yog tug kws hlub kuv. Tug kws hlub kuv, kuv Txiv yuav hlub tug ntawd; kuv yuav hlub tug ntawd hab qha kuv rua nwg paub.”

Kuv yuav thov leej Txiv, hab nwg yuav khaiv dlua ib tug paab lug, tug ntawd yuav nrug mej nyob moog ibtxhis. Nwg yog Vaaj Ntsujplig, nwg yuav qha Vaajtswv zaaj kws yog qhov tseeb rua mej. Tuabneeg nplajteb tsi leeg yuav nwg, rua qhov puab tsi pum nwg lossis tsi paub nwg. Tabsis mej paub nwg, rua qhov nwg nrug mej nyob hab nwg yuav nyob huv mej lub sab.

Hab yog mej tuav kuv lub npe thov ib yaam dlaabtsi kuv yuav muab yaam ntawd rua mej, tej kws leej Tub ua ntawd yuav ua rua leej Txiv tau ntsejmuag. Yog mej tuav kuv lub npe thov kuas kuv ua ib yaam dlaabtsi, kuv yuav ua yaam ntawd rua mej.

“Yog mej hlub kuv, mej yeej yuav ua lawv le kuv tej lug saamfwm.

Huv kuv Txiv lub tsev muaj ntau chaav, hab kuv taabtom yuav moog tu chaw rua mej. Yog tsi muaj le ntawd, kuv yeej yuav tsi qha le nuav rua mej.

Thaus kws kuv tu tau chaw rua mej lawm, kuv yuav rov qaab lug hab tog mej moog nrug kuv nyob, kuv nyob qhov twg mej yeej yuav nrug kuv nyob qhov ntawd.

Thaumas has rua Yexus has tas, “Tug Tswv, peb tsi paub sov koj yuav moog qhov twg; yog le ntawd, peb yuav ua le caag paub kev moog?”