Beliebte Verse in Matyu 23

Teilen

A̱tyu a̱ swak mi̱ shi ma̱ nyin a̱ni, ku yet ta hwa gu yet a̱khwo nyin.

A̱wot á̱niet ba̱ byia̱ gba̱p a̱pyia̱ a̱ni, á̱ na jhyuai mbaa. A̱wot á̱niet ba̱ ghyuai á̱pyia̱ mba a̱ni, á̱ na nwuak ba shi.

“Ku swan nyin á̱niet tyiet doka ma̱ng A̱fa̱risawa! Nyin á̱bubuk á̱niet! Mat nyi ni̱ ta̱bam nyi nwuat A̱gwaza a̱nyiung mami swak mi̱ kurum lyiai nkyang na̱ byia̱ lyen a̱ni. Ni̱nia yet, sunswam, shita, ma̱ng kuut. A̱wot nyi ni̱ ghwon nkyang na̱ swak mi̱ yet a̱tsatsak mi̱ doka A̱gwaza ji a̱ni. Ni̱nia yet, nyia̱ tsotswat, fwuong kunak, ma̱ng nwuak a̱chuchuk. A̱tsak a̱lyiat, ku myim nyi nwuak a̱nyiung mami swak mi̱ kurum nkyang huni. A̱wot nyi yok ghwon nyia̱ á̱kum a̱tsatsak nkyang nani bah.

“Ku swan nyin á̱niet tyiet doka A̱gwaza ma̱ng A̱fa̱risawa! Nyin á̱bubuk á̱niet! Nyi ni̱ ta̱bam, nyi kwi nta a̱kashyi ji ma̱ng a̱ka̱gba wu. A̱wot nyi ghwon mami ka ma̱ng a̱na̱ndyung. Ma a̱nia wa, nyi ngyet a̱sham ka nta. A̱wot a̱mami nfwuo nyin na, na̱ nhyat tyentyang ma̱ng wuwok ma̱ng chat a̱pyia̱!

“Urusha̱lima, ka̱a̱t nyin á̱niet Urusha̱lima! A̱keang ka̱ hyaai a̱yaata̱m a̱kwonu A̱gwaza ba. A̱wot ka̱ si̱ mang a̱yaata̱m A̱gwaza ba ma̱ng nfang a̱ni! A̱ka̱mang kya n ka̱n chat tung mman ang na dundung, ma̱nang a̱yang nywan ni̱ nkup mman nggu na tafa nfeap gu a̱ni. A̱wot nyi si̱ lak nung dyo.

Ma a̱nia wa, nyi li nang á̱tsotswat á̱niet bya a̱ni nta. A̱wot nfwuo nyin na nhyat tyentyang ma̱ng á̱bubuk nyia̱ ma̱ng a̱ka̱kpa̱t.