Beliebte Verse in Sơnròp Gơlik Gơs 27

Teilen

Dan Yàng Tom Trồ ai mê in dà mơryuh bơh trồ. Ù gơs bơkah tiah lơngồt. Kòi mơ tơrnòm gơs tơngkah tơngkañ. Ală làng bol rơp dòn duh mê, ală lơgar pal cùn gơltang di đap mê. At bồ tĕ ală oh mi mê dê, Ală kòn klau mè mê pal cùn gơltang di đap mê. Cau lơi srat rma mê rơp kong srat rma wơl, Cau lơi ai lơngai mê in rơp geh lơngai wơl.”

Esau đơs lah: “Bơh cau sơnđan khai la Jakôp gen khai neh tòmpìt gơnoar añ jê bàr dơ̆ do rau. Khai neh kơñau gơnoar kòn tơnhoa añ, mơ tai tŭ do kung tòmpìt bơta lơngai lơngò añ jê sơl. Bèp ò lòi bơta lơngai añ in ò ơ?

Isak bèp khai, đơs lah: “Do, di tiah mê ơm ò gơs ù bơkah tiah lơngồt, Mơ ò tơl dà mơryuh bơh đang trồ. Mê rơp kơnòm di đào sồng kis, Mơ rơp duh broă oh mê in; Mơ tòm tŭ mê lòt nrah nring tềng do tềng dă, Mê rơp dơrpă yô oh mê dê bơh di ngko mê.”

Esau lùp Lah: “Ơ bèp! Bèp mìng gơs dô bơta lơngai hơ̆ lơm ơ? Ơ bèp! Dan ai lơngai añ in tai!” Mơ Esau nggà ñìm.