Beliebte Verse in Mwanzo 17

Teilen

Wakathi Eburamu afiiyeevo nyaakha tiisiini na tiisiya, Nnyizinku anteeliye khusala amuuza araka: “Miiyo ki Nluku Nwahi zooshi. Weettettele mwentto kintakhaaye miiyo, wiiye ntthu nkemaani

Waaza leelo nzina lawo khahiyo Eburamu, ila Eburahiima ti linttelaaye wiiya nzina lawo, mwaasa yoori kinttela wuuretta opaapa wa khapila za waatta.

Wahati opu kinrettaaye khwa weeyo na ojama awo, onttela wiiya wa mileele. Miiyo ki Nluku awo na wa ojama awo.

“Wahati opu kinrettanaaye weeyo, phantte yaka kiniwaahiti yoori onteela wiiya paapa wa khapila za waatta.

Ila Nluku khunjipu: “Miiyo kiniwuuza khweele yoori, muukhaawo Suhura onteela ompattha mwaana, ontthaje nzina la Esiyaakha. Kinteela oshuka wahati aka na ye, na ojama awe ontaaye khwa mileele.

Kinteela owinkha tuniya eti oniikhalaaye, weeyaru pure mmalapo. Tuniya yooshi ya Kanaani kinteela winkha ojama awo mileele, na miiyo kinteela wiiya Nluku aya.”

Aphano Eburahiima khukokhora khusijiti, ila khusala ajitheyela nroho mwawe ajuuzelaka toono: “Nlume wa nyaakha miiya eeyane mwaana? Khi Suhura ariina nyaakha tiisiini ate ampatthe mwaana?”

Nluku khumuuza Eburahiima theenya yoori: “Muukhaawo khanteela wiitthiwa theenya Suhuriiya, ila nka eetthiwaka Suhura.

Okhiriya waya opo, alama ya wahati aka miiyo na mweeyo.

Ila wahati aka kinteela oshuka mmakhono wa Esiyaakha, otu anttelaaye ovokoliwa ti Suhura wakathi otthuupu wa mwaakhani.”

Wakhula mwaana anvokoliwaaye wanlume vakatthi wa ojama awo, noofiya siikhu yanaane ona yookhiriyisiwa, hatha nkhama karumeya woovokoliwa vaje vawo, mpakha amwiitthwaana amalapo a wuuzanyiwa na apale ohiiyi a ojama awo. Hatha nkhama pi apa oovokoliwa vaje vawo mpakha apa a wuuzanyiwa ana yookhiriyisiwa. Alama eti yookhiriya vamwiili venu, enthoonyeza wahati aka na mweeyo khwa mileele.