Beliebte Verse in Jɔ̃́ɔ́ 17

Teilen

Nyuɛ ɓɛ́ wa ké nì nyɔ ɓě jǔ dyììn ɖé jǎàɔ̀ mú. Nì wuɖuɔ̀ mɔ̀ jǎà.

Ké sè-ná-sèɛ̀ fɛ̀ɛ̀ɔ̀ kɛà kɛ̀. Ɔ mɔ̀, ɓɛ́ nyɔǔn ɓě ké mɔ̀ mɔ̀à jǎà Gèɖèpɔ́ɔ̀ dyúáɖòɔ̀ kɛɛ dyí dyuò, ɔ kè ɓɛ́ wa ké mɔ̄ mɔ̀à Jízɛ̀ Kɛ́ɖɛ́ì ɓɛ́ m̀ ɖoɓoà kɛɛ dyí dyuò.

“Ḿ se wa ɖòùn jè ɓaà, kɛɛ ḿ ɓaà ɓó nyɔ ɓě ɓɛ́ wa taɓa ḿ hwìɖǐǐ dyììn ɖé waà wuɖu ɓěɔ̀ múɛɛ jè ɖekè. Ḿ ɓaà ɓɛ́ wa séín ké nyɔ dyúáɖò jǔ. Ḿ Ɓǎ, wa mɛ nì ɖé à mú kà ɓɛ́ m̀ nìà ɖé mɔ́ún mú, ké ḿ nìà ɖé mɔ̀ùn múɛ. Wa mɛ jǔ nyɔ dyúáɖò, ɓɛ́ ɓóɖó-kpàà nyɔ ɓě kéɛ jǎà po kà ɓɛ́ m̀ tò ma ḿ wɛ̃.

Ḿ seɛ cɛ̃iń nì, ɓɛ́ m̀ ké wa ɓóɖó-kpàà kɔ̃ zà, kɛɛ ḿ nìɛ̀ cɛ̃iń, ɓɛ́ m̀ ké wa dyí gmɔ̀, ɓɛ́ Ɖɛ-gbà-nyu-nyɔ̀ɔ̀ ní kɔ̃̀ ɖà wa ɖɛ ɖò bũ̌ nyu.

Ḿ nyí wa dĩ́ín-dĩ̀ìn dyúáɖò ɓɛ́ m̀ nyí ma kà ḿ wɛ̃, ɓɛ́ wa ké nyɔ dyúáɖò jǔ kà ɓɛ́ ḿ kè mɔ̀ mɔ̀à nyɔ dyúáɖò kɛ. Mɔ́ún nì wa mú, ké mɔ̀ùn nì ɖé ḿ mú, ɓɛ́ wa ké nyɔ dyúáɖò jǔ cá, ɓɛ́ ɓóɖó-kpàà nyɔ ɓě kéɛ dyí dyuò kà ɓɛ́ m̀ tò ma ḿ, ké m̀ ɖɛ̀ɓɛ̀ wa mú kà m̀ ɖɛ̀ɓɛ̀à ḿ múɛ.