Beliebte Verse in MATIU 24

Teilen

Ko yama ma mɔɛ n mbe kɔkoa‑a wan kan kɔ kan dunya ɔ. Ni chɛ sin ma‑a, mɔ gbu sɛsɛ ee to‑a to a fian mɔ gbu a. Chɛɛ i wɛn mbe i faa bia‑a aan a danka a, Yataa ɛ i baun‑da wan.

Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

Wo e chɛɛ ma tɔɛ a min‑da wan wo a tindanɛ, wo ni chɛɛ ma tɔɛ a min pɔɔ. Koe chɛ n mbe ma‑a wan, chɛɛ wo ma chian. Chɛ ni ma wɛɛ, a ee a ɔ yian, mbɛ tima che‑a dunya ban koe a.

A yɛ to, chɛnyɛ n mbe butuinɛ chɛ‑a wan an nyɔn na, mbɛ chɛnyɛ mɔɛ dɔndɔɛ n‑na chɛɛ chɛ an bɛ chɛnyɛ mɔ dɔ mende n na. Kɔnkɔ ma chianden ba ɛ ma‑a wan chɛnyɛ sɛsɛ ɔ, a sin to, duu gboo wɛɛ ɛ samba‑a wan chɛnyɛ sɛsɛ ɔ, dɔndɔ dɔndɔɛ a. Ko yawaenɛ saa n fan nɛ ka miin mbe ma‑a. Ko yawaenɛ chenama n mbe gbaa, miin mbe na tena ma‑a chɛ n gbakɔ.

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

Koe min na mu, mɔ sɛsɛ n mbe na‑a wan n tɔɛ ɔ. An mbe a fɔ‑a wan, an dɔ, an fan mu Chasi a, kunka mansa. A sin, an mɔɛ chɛ n mbe mɔ sɛsɛ sɔ‑a wan chia yama ma.

“Mɔɛ nu dunya gbɛɛ ɔ, an mbe too‑a wan wo a, a mu min na, n fɛ mɔɛ mu wo a. An mbe wo bia‑a wan, mbɛ an‑na ko ma gbaaenɛ sa wo ma, mbɛ an‑na wo fa. N fɛ mɔɛ n sɛsɛ mbe ka‑a wan n fɛ a tima chɛ a. An mbe too‑a wan an nyɔn na, mbɛ an‑na an nyɔn ma tachɛ ya ɔ sɔɛ n ma. A tima chɛ a, mɔ sɛsɛ n mbe fania fɔ‑a wan, mbɛ Yataa 'a gbonka chɛ mɔɛ mu an na. An sin mbe mɔ sɛsɛ n sɔ‑a wan chia yama ma.

Mbɛ Chisɔsi ɔ, “Wo wo kun ma fɛn, an ma na wo woo.

Chɛ an‑na a fɔ, wo ma bɛndenɛ ni ma tima ɔ tima ko a. A mu min na, wo ee na‑a tee sɔn‑da, n fan, Mɔ Gbu 'a Denɛ, n mbe na‑a tee min ma.”

“Chɛ an‑na a fɔ, wo wo kun ma fɛn, a mu min na, wo ma tee sɔn, tee min na, wo 'a mansa ɛ na‑a.

Chisɔsi ɔ, “Chɛɛ mɔ ɔ mɔ ma a tee gbu sɔn, a basan a tima a, n na koe a. N fan, Yataa 'a denɛ wɛɛ, n ma a ɔ sɔn, ni n mbe na‑a tima min na. Maeka n bɛɛ, an ma a ɔ sɔn. Fa Yataa dɔndɔ gbe, an‑na a ɔ sɔn.

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

Tima min na, n fan, Mɔ Gbu 'a Denɛ, n mbe yɛ‑a dunya chɛ ɔ to, koe n mbe ma‑a ka wan, yɔ an ni buɛ min dɔ Nowa 'a tima a. Mɔɛ n ni wan ko ɔ ko ma‑a Nowa 'a tima a, yɔ mɔ gbu kan kɔ kan mbe min ma. An ni daun fenɛ n daun fan, a yɛ to, an mbe an min. Mɔɛ n ni musu n fuu wan, musu n sin ni be wan kai n ma. Chɛ an ni a a, yii nii ma dunya ya ni tima min na, mbɛ Nowa sɛ‑a dɛndɛ wa dɛgbɛ ɔ. A sin, mɔɛ chɛ n nii ma ko ɔ ko ɔ sɔn ni, aan yii‑a dunya gbɛɛ a tunɛ, mbɛ a‑a an gbɛɛ fa. Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe na‑a tee min na.