Beliebte Verse in MAKI 6

Teilen

A tima chɛ a, mɔ sɛsɛ ni na wan, an mbe Chisɔsi tan, an mbe yɛ, an mbe na. Chɛ na‑a a ma wan, an bɛ a fɛ denɛ n na, tima wɛɛ gbu nii nɔ, daun chɛ koe wɛɛ a. Mbɛ a ɔ, “Mmɔ ta kaina, mmɔ dechee, mmɔ ɛ mmɔ suin kaina, tima kunduen ko a.”

Chɛɛ Chisɔsi ɔ an ma, mbɛ, “Mɔɛ n mbe basɔmaya be wan Yataa 'a gbonka chɛ mɔɛ ma kaina dɔ mende nu. Chɛɛ basɔmaya ee a ma, a ta suun duu ɔ, a ee ma a ma, a tuna tuna n tena, ni a suun chenɛ wandi gbu da a.”

Chisɔsi bɔ‑a dɛndɛ ɔ kɛn, mbɛ a‑a mɔ fanka wa chɛ yen. Mbɛ chinchimaya koa‑a a faa ɔ, an ko a. Koe min na mu, a na‑a an yen fan, yɔ sa nu, miin kun ma fɛn mɔ ee. Mbɛ a bun‑da an kan‑da ko sɛsɛ a.

A nii ma kun ni, kamaya ko kan kɔ kan ma koe a nɔ. A‑a min ma dechee, a na‑a a boo bun gbandi mɔɛ dɔ n fan ma, mbɛ an baun‑da. A ɔ sɔn koe Chisɔsi boo ɔ, mbɛ a 'a mɔɛ n ma dan ni a a podon, tɛnɛ ko wa ni. Mbɛ Chisɔsi ta‑a duu n dɔ, nɔ a a tindanɛ. A ta‑a mɔɛ n kan koe a, a si Yataa ma.

Mbɛ a‑a biidi duu chɛ ya, a basan nyɛ fea chɛ a, a‑a a ya a si banda a, mbɛ a‑a tando be Yataa ma daun fen chɛ ko a. Mbɛ a‑a biidi chɛ ɔ kai kai, mbɛ a‑a a be a fɛ denɛ n ma, a du du koe a mɔɛ chɛ n ma. Mbɛ a fɛ den chɛ n‑na a ɔ du du mɔɛ chɛ n ma. Nyɛ fea chɛ wɛɛ, a‑a a ɔ du du wan mɔɛ gbɛɛ ma. Mɔ ɔ mɔ‑a daunɛ chɛ wan, a bu fa‑a gban. Mbɛ a fɛ denɛ n‑na an da tɔɛ a sɔn. An da tɔɛ chɛ, biidi basan nyɛ a, a bɛn‑da wan samba fa tan kun ma fea.