Beliebte Verse in Mataayo 10

Teilen

Yëësu akaghëndërrya ukushumaasha na abheegha abhaaye, akabhatëëbhya igha, “Mwangarre, okobhatoma kono nkobhatoma mo-bhantö, n-kya hano amangʼöndi ghaahirwa mu-sishuushë ghatë. Ku bhuyö ni-igha mongʼainihe kya inshoka. Ghwiki ni-igha mobhe abhahaabhu kya ibhighuuti.

Ömöntö wowonswe ono araaronerre öbhöhöru ubhwaye ubhwa ko-kebhara kono, uyö narisirya öbhöhöru ubhwaye ubhwa mu-ryobha. Kasi ömöntö wowonswe ono araaruusi öbhöhöru ubhwaye ubhwa ko-kebhara kono, uyö narinyoora öbhöhöru ubhwaye ubhwa amakora ghonswe igho.”

Motakoobhoha abhantö. Keno bhakotora ukwita, nö-möbhërë ughwënyu ughwene igho, kasi tebhakotora ukwita öbhöhöru ubhwa umwika ughwënyu hë. Waryobha we uwa ukwobhoha, ko bhoora umwene aratora ukusikya ömöbhërë na umwika ughwa ömöntö mo-morro ghotakurima.

Ömöntö wowonswe ono ataikërri ukunyoora inyanko iya okonsoorana, uyö taingʼarëëyë okobha umwegha uwaane hë.

“Ömöntö wowonswe ono arinyikërrya mo-bhantö igha nu-uwaane, öni wonswe nindimwikërrya ko-Taata uwa mu-ryobha. Kasi hano ömöntö arinyikaana mo-bhantö igha, tu-waane hë, öni wonswe nindimwikaana ko-Taata uwa mu-ryobha.”

Muhwëni abharööyë, muryöki abhaku, mosaabhuure abhaghenge, mwate amasambwa ko-bhantö. Mbahaayë bhosa obhotoro bhuyö, ku bhuyö na bhëënyu bhonswe mötörri abhantö bhosa.

ku bhuyö motakoobhoha. Ko bhoora bhëënyu mmoona ubhwera bhököngʼu ku-Waryobha okokera ibhinyönyi ibhyaru.

Yëësu akaghëndërrya okoghamba igha, “Motakaakanya igha naasha ko-kebhara kono okohaana abhantö omorembe. Ti-igho hë! Kasi ni-rinyaraghania naareeta ko-kebhara kono.