Beliebte Verse in Mateo̱ 24

Teilen

Tuxi xaba kuma xu̱ta̱ nga kjín ku̱ma xi kite tsitjojí xinkjin. Ta̱nga án ꞌbatsjengiꞌan xi tjimatjengina ku sꞌejínre án janda nga kju̱etꞌa.

Fe nga̱sunde nga je jiꞌí en tjatseꞌe xi tsuya kju̱a̱texumaꞌe̱n Namiña Diuu̱ nga ngieje nangi, ku nga je tsitꞌe ngieje xu̱ta̱.

»Sinuꞌyájnu en nga kꞌue na̱xi̱nanda jma kju̱a̱bixkán tsꞌiju̱n xikjin, ku nga kjaꞌi xi je inchaꞌbendá yajo̱ꞌe nga kján. Ta̱nga tu̱ tkunjínjnu; tuxá ku̱a̱cha ku̱ma, ta̱nga kje fejí nga̱sunde.

Nga̱tꞌa ndsi̱nji̱n kjaju̱n xikjin na̱xi̱nanda, kꞌuejíre̱ xi chine xu̱ta̱, ku kjín nga̱nde nga kju̱a̱ꞌa chaon. Tu̱ nga kuaꞌangítsere̱ nga ku̱a̱cha ku̱ma, ta̱nga tsé kju̱a̱ꞌón xi kjueyáre̱.

Je kite kꞌueji ndiu̱jmi kju̱ nangi, ta̱nga énná najmí ni̱tjin nga kju̱e̱.

Kjín xi kjuaꞌi, ku ku̱i̱tsu̱ nga ngajoꞌna tjima, ku kuitsure xu̱ta̱: “Án xi jajínna Namiña Diuu̱ nga ꞌbatsjengijnu”. Jínꞌna tsichjen ku kjín ku̱ma xi kꞌu̱a̱nachajú.

»Jun kuaijuꞌñújnu xu̱ta̱, ku tsikasꞌenjnu ngaya tsja jaxá xi tsꞌiónjnu, xi tsikjesúnjnu. Ngieje nga̱sunde xi chꞌao kuasejnu nga̱tꞌa án ikuyájnu. Kjín xu̱ta̱ xi tjimatjengina xi kite sꞌejinjínreꞌan; tjin xi kjabe nga̱tun xi kjaꞌi ku ontakún ku̱ma nga̱tꞌaꞌe. Ku kjín ku̱ma chji̱ne̱ꞌen ndesu xi kjaꞌikꞌanacha̱ju xu̱ta̱.

Ku̱i̱cha skengire Jesuu̱: —¡Chuyárajnu! Ngátu̱ najmí xi ngatꞌanachajújnu.

Ku tekuácha jún, tsubáre̱ nga chaséjnu ku mijñandájnu, nga̱tꞌa án, Kjindiꞌe xu̱ta̱ nga̱sunde, janda yajíjnu mí ni̱tjin nga faꞌiꞌan.

Kui kju̱a̱, nga ndá chaséjnu, nga̱tꞌa jun yajíjnu, nga Ndia̱jnu án, mí ni̱tjin nga faꞌiꞌan, ngi ngu ndiyá.

»Najmí xi bé mí ni̱tjin ku mí chuba̱ nga faꞌiꞌa̱n; janda xi inchatsixandaire Namiña Diuu̱ xi chja̱ ndiu̱jmí bejí. Ku a̱n, tekuácha bejíꞌa̱n. Tujma Namiña Diuu̱tse, Namiꞌna xi bé.

Nga̱tꞌa kju̱a̱ꞌí xi tsuya Enꞌen Namiña Diuu̱ xi ndesu kju̱ xi kuitsu án xi jajinna Namiña Diuu̱ nga ꞌBatsjengijnu, xi tekuácha ndesu, ku tsiꞌín ngixku̱n xu̱ta̱ najmi xi tsjua kumáña ku kꞌu̱a̱na̱cha̱juña. Kutsa ma xi tsiꞌín, tekuácha kꞌu̱a̱nachajú xu̱ta̱ xi je tsichjare Namiña Diuu̱ nga kui faitjengíre̱.

»Nga án xi te̱ faꞌiñan, Kjindiꞌe xu̱ta̱ nga̱sunde, tuku ku̱a̱cha tsiꞌín kꞌuema xu̱ta̱ xuku ni̱tjin nga kisꞌebixi Noe. Kui ni̱tjin tuku ku̱a̱cha inchatsiꞌín xu̱ta̱ nga inchakjen, nga inchaꞌbi ku nga inchabixantsja janda nga tsasꞌen Noe ngaya niꞌya xi kjitje̱nsún; ku kjia kunanga̱ ndijua. Kubejí xu̱ta̱ najmi xi kjima, janda nga tsaꞌaꞌñú tsi ku ngieje nga jesún kitindá. Tu̱mejen ku̱a̱cha kuma nga án, Kjindiꞌe xu̱ta̱ nga̱sunde, xi te̱ faꞌiñaꞌan.