Beliebte Verse in NDS 2

Teilen

Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

Bɛa minin kɛn lɛn man nə́ goã woe dia dí-a wolen minin daraa ǹ bǎã-n kun, ǹ nə́ goã dɔɔ̃nbaa ǹ kɔn-narɛɛ we, ǹ nə́ goã màn bii ǹ nə́ Lawa nyankoe kun.

Lawa a Yiri Fu daa ǹ tumaa kũ, yǎa ǹ mɛ la ǹ nə́ bɔlɔ kɔsɔn pii, a n kɔnpii ka Yiri Fu lɛ din a boo wɔ ǹ lɛ-n nɛ.

Bǎã goon ne, màn wuu bɔ lon ka piɛ̃ gole wuu bɛ́ boe lɔn. Ǹ lɛ bɛ́ soe-n kɔn kion mɛn nɛ lɛn, bɛ́ pã ka màn wuu lɛ nɛ. Ǹ yii mànan kɔnɔn yɛ ka tɛ lɛwɔnɔn bɛ́ lɔn. Bɛa tɛ lɛwɔnɔn lɛn nə́ n gigii kɔn, ǹ nə́ mɛ kialandɛnan lɛn gogoonmaa mìi la. Lawa a Yiri Fu daa ǹ tumaa kũ, yǎa ǹ mɛ la ǹ nə́ bɔlɔ kɔsɔn pii, a n kɔnpii ka Yiri Fu lɛ din a boo wɔ ǹ lɛ-n nɛ.

Ǹ goã nyaabiɛ Lawa a kion wa. Maǹ nə́ goã n lɛ kiɛ kun bɛ̀ ǹ wo baraabaraa. Maǹ nə́ goã màn bii kɔn a piɛn nɛ kun, ka nyɛnyɛɛ nɛ ka foo sonbore ne. Maǹ nə́ goã Lawa tɔ boe, min tumaa dɔ goã boo sonbore diɛ ǹ wɔ gɔn la. Lawa bɛ́ min mɛnɛn kirisibiɛ, a na á goã bɛn kiɛ a din a zaman lɛ li baraabaraa.

A màn mɛn pɛ, bɛ n ka kɛ nɛ Lawa pɛ: «Biikoo a nya waáraa ma á re ma yiri kɛ koe min tumaa la. Kaa nɛgiĩn laanka kaa nɛlɔn tá re maa boo gii diɛ. Ma á re boo diɛ kaa min golen manɛ ka narɛɛn nɛ, ma á re boo diɛ kaa nɛ tenən manɛ ka sii-yɛn nɛ.

Min mɛnɛn tumaa golee Lawa li, bɛn man nə́ goã kun, maǹ nə́ goã ǹ màn tumaa kiɛ kun. Maǹ nə́ goã ǹ wurun siɛ̃ ka ǹ gɔn mànan nɛ, ǹ ná a giɔ̀mɔ gii kɔn, a n kɔnpii ka didie laadoo ne.

Sɛnɛ, min woo min bɛ́ re Dɛnaa Lawa tɔ bíi, bɛa dɛnaa á re kirisibiɛ.»

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.