Beliebte Verse in ዋ̈ኒ̇ሳ 16

Teilen

ዪኖ̇ ቴ ዪንታ̇ብ ሶ̈ሊኖንዳ̇ ዪንቲ̇ ታባር ዶኤጌይን ሳሪቲ ዪንታ̇ብ ዶኣምፔ̈ኔ። ዪንቲ̇ ኣላሚን ጋልዳ ዎምባራ ሜታ ዪንታ̇ብ ዎ፤ ዎቲናካሬ ዓይዞ ኢ̈ጫ̇ፒ̇ቴ! ታ̈ኒ ኣላሚን ጋሚኔ” ጌይዴ።

ዎቲናካሬ ጾ̈ሳ̇̇ ኪንባር ኢ ኦ̈ናኮ ኢ̈ኮን ኤሪሲዝ ኣያ̇ና ዬ̈ዬጌዪንዶ ኢ ኪን ጎይ ዎይ ዪንታ̇ ቲ̈ኒሬ። ኢ ሶ̈ላዚንዳ ፌ ሲስኪ̇ኖ ባዚንዶዶኬ ፌ ጋልዳፖ̇ ኬሲ̇ ሶ̈ሊባሴ፤ ኢ ቢርት ቲ̈ን ዬይዝ ባዝ ዪንታ̇ብ ሶ̈ሊ̈ሬ።

ዪንቲ̇ ዓኖ̇ ዬላ̇ር ቴ ሱምባራ ኣባካር ጌሻካ̇ዬ። ጌሺብቴ̇ ዪንቲ̇ ኤኪ̇̈ሬ፤ ዪንታ̇ ኡፋይሲንዳ̇ሬ ፎቲ ማ̈ቃ̈ሬ።

ዎቲናካር ቴ ዪንታ̇ብ ኪን ጋ̈ሬ፥ ቴ ሉካ̇ዚንዳ̇ ዪንታ̇ብ ኮሼ̇። ቴ ሉካ̇ካይ ኣቴጌይን ዪንታ̇ ሚንዛ ዪንታ̇ክ ዬ̈ባሴ፤ ቴ ሉኬ̇ጌይን ኢያ ዪንታ̇ብ ሚሻንዳ̇። ኢ ዬ̈ሪ ኣላሚን ጋልዳ ዎ ኣሳን ናጋራ ጎይ፥ ጺሊ̇ቲ ጎይኬ ጾ̈ሳ̇̇ ፊርዲን ጎይ ኢንታ̇ብ ዎ ኢ̈ቲኖ ቆፊን ፋላ̇ ጋልዳ ኬሳ̇ር ኢንታ̇ ቤይሲ̈ሬ።

ዪንታ̇ሬ ዪና̇ ኢዝፌ̈ን ዓት ሙዲዲ̈ርዶ̈ን ማ̈ቃ̇ር ቴ ዪንታ̇ ቤቂ̇ዛኮታ̇ቦ ዪንቲ̇ ኡፋይቲ̇̈ሬ፥ ዪንታ̇ ኡፋይሲ̇ንዳሬ ዪንታ̇ ጋልዳፖ̇ ኦ̈ናካር ኤኪ̇ዝ ኣሲ ባዬ̇። ዪና̇ ኢዝ ቃሚ̇ንባራ ዪንቲ̇ ቴ ጋልዳ̇ፖ̇ ኣባካር ጌሺባ̈ሴ። ቴ ዪንታ̇ክ ኪን ጋ̈ሬ፥ ቴ ባ̈ባ̈ዲ ዪንቲ̇ ቴ ሱ̈ምባር ጌሻዝ ባዚን ዎይ ዪንታ̇ብ ኢሚ̇̈ሬ።

ቴ ዪንታ̇ብ ኪን ሶ̈ላ̈ሬ፥ ኣላሚን ጋልዳ ዎ ኣሳን ኡፋይታ̇ምባራ ዪንቲ̇ ዬ̈ኪ̈ሬ ማ ሙዲዲ̈ሬ፤ ዪንቲ̇ ሙዲዲ̈ርዶ̈ን ዪንታ̇ ሙዲዲንዳ̇ ኡፋይስ ላ̈ሚንታ̇̈ሬ።