Beliebte Verse in Mateo 2

Teilen

Tede eda wãutade warra chak'e chi nae María ome bɨ unusidama. Maapae bedabari k'op'aneenak'ari warra chak'ea pia pedeasidama. Maapae ãchicha ne yaapariidepema ewadak'ari ãchiichia warra chak'ea nee, ãp'o k'era mãɨnepa mirra k'era teasidama.

Jesú Belén p'uurude Judea tuade t'õside Herode chi Minachia K'awa bɨ apataɨ chi poro jũra jɨ̃parí jɨ̃ bɨ pasima. Mãɨ ewaride minachia k'awa berã ɨmata ochiaparidepa chesidama Jerusalén p'uurudea. Mãɨrãpa k'ãk'ãi ak'ɨ p'anɨnepa ne k'awapachidama. Mãɨne ãchia idisidama: —Nãɨ tuade warra t'õsima judiorã poro jũra jɨ̃parí jɨ̃ bɨ pai k'orea. Ichi ¿sãma bɨma? Taipa ɨmata ochiaparieri ichi k'ãk'ãi unusidama. Nãmá che p'anɨma ichiá pia pedeadai k'orea.

Herodepa mãɨya jarak'ari ãchi wãsidama. Maapae k'ãk'ãi ɨmata ochiaparieri unu p'anana mãicha unusidama. Mãɨ unusidaɨde minachia sõ arapá nɨp'aneesidama. Chi k'ãk'ãi ãchi naa wãpodok'ari aba chi warra chak'e bɨmá k'ĩrap'it'a bari k'obeesima.

Mãɨya bak'ari k'ãmok'araade Tachi Ak'õrepa jarasima waa wãpidaemaapa Herodemá. Mãɨneepuru o awaraɨde wãsidama ãchi tuadea. Ãchi wãnak'ari, Tachi Chiparipa ɨt'aripa peedapa k'ãmok'araade Josea chek'ari jarasima: —Herodepa pɨ warra chak'e jɨrɨ bɨma peai k'orea. Mãɨ p'irabarik'ari pɨ warra chak'e mãɨnepa chi nae ateewãse Egito tuadea. Mãma beese aba mɨa jararumá.