Beliebte Verse in Ratokenti 8atio 24

Teilen

Nok tsi natenȣareni ne kariȣaiesatsera, kentiokoȣanen nentsiakoȣistoten nakotanitenrat. Nok tanon onka iatenharionkote neh enhania-kenne.

Nehoni kehiken Oriȣatokenti Karonhiake nitioteriȣinon Onȣenisiakȣekon enkarihoȣanaton, ȣeno aiakaonniaten nonkȣeokon; ethone onen enȣaȣe tsi iotokte.

Enseȣariȣaronkanion iakoteriio, oni ionteriiosere, tosa tanon seȣateronhienten: Aseken iatekakonte neneh tsi eh nenhiaȣenne; iah ki tanon, areko oni neh teken ne tsi iotokte.

Aseken tenhotiriȣarheseron ne tehontonȣen-tsianekhaon tsinonkȣati ne raotisastensera: nok enhiontonkariakon, enkannratarineseron nok ten-hiaonȣentsishonkȣanion. Akȣa sane neneh neok tsi tiotasaȣakȣen naieron-hiaken takȣe.

Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Aseken kentiokoȣanen enthonne nenhionksen-nenhaȣi rontonne: ii ne Keristos, nok kentiokoȣanen ensakotinikenrenhaȣe.

Ethone oni onen onhietsiiena, enhietsironhia-kente, enhietsirio, aksekon ok oni nonkȣe enhietsisȣa-takȣe nʼaksenna. Kentiokoȣanen neh nonȣe nenhotiriȣanoron, tenhiontastsȣenseron, tenhiontatatenninonnion oni. Kentiokoȣanen oni ehnonȣo nenhotiketote ne Rotitokensetseraksen nok kentiokoȣanen ensakotini-konrakarhatho.

Tontaȣakoȣennaȣeron ne Iesos, Sahenron: Seȣatatenikonrarak tosa onka aiotsinikonrakarhatho

Neh kati oni niso ȣaonni Seȣatateȣeiennenta-honhak: Aseken tsi nonȣe ne iah teseȣarhare nonraȣe nʼOnkȣe Roienha.

Seȣatennikonraren kati: iah se ȣahi teseȣate-rientare toh nenkahaȣi tentre ne Etsiseȣaianer.

Kenh kaien tsinonȣe niȣenniseronte, tsi oni niioȣistahe iah onka teioterientare, iah oni ne Raoronhiakeronon, raonhatsiȣa ok roterientaro no Rakoniha.

Asoken enhatinakerenne nethone ne Keristos enhontatonni, Oni ne Rotitokense, ioriȣanerakȣa-tenion, teiotieronnionhaton oni tsi nenhatiieranion, aontonseke oni asakotinikonrotako ne iontatiatarakȣen.

Tsiki tanon niiotonne sihotenniseratenion ne Noè, eh oni neneh nenhitiȣenne nohnen tentre nʼonkȣe Aseken, tsiniiotonne ohenton sahonnotonkoȣa, skennen tatehonaslskaonkȣe, ratinekirhakȣe oni, rotiniakonskȣe, tsikiniiore iahatita ne Noè raohonȣa-kon. Nok iah othenon tehonnerhakȣe enȣennoton ken, tsiki niiore onen iahonnoton akȣekon oni iaha-koiatonhaȣo; Etho kati oni neneh nonhiaȣenno nʼonen tentre nʼOnkȣe Roienha.