Beliebte Verse in मत्‍तयाल 18

Teilen

बारित्‍ते बगा अय्ते नावा पोरोलते इव्वुर-मुव्वुर उंदगा जमा आंतुरो, अगा ओरा नड्‍डुम नना मनांतन,” इंचि येसु इत्‍तोर.

अचोने आयका नना वेहनद निजम बतल इत्‍ते, ई बूमिपोर्रो मीवा लोप्पोटाल बोरन्‍ना इव्वुर उंदि आसि मीकु बतल अय्ते गावालेनो अद तल्कानय्ते स्वर्गमते मनना नावा पेनबाबाल तप्‍पाकोंटा हींतोर.

अस्‍के येसु वरोर सिन्‍ना पेडन केय्‍सि, ओरा नड्‍डुम निलाहचि इल्‍हा वेहालय दल्‍गुतोर. “नना निजम वेहांतन, मीवा गुनाल्‍कुन मार्सकुंचि मिमेट पेडनलेसीं आयवा, स्वर्ग राज्येमते बस्‍केने होना परिर.

दानहाटीं बोर अय्ते ओनाद ओरे ई सिन्‍ना पेडन लेह्का सादा-सिंपल मनांतोर, ओरे स्वर्ग राज्येमते पेहरोर आंदुर.

बोर अय्ते नापोर्रो विस्वासम कियना ई सिन्‍ना पेडनसंटोन बेस हूळांतोर, ओर नाकुन बेस हूळतापे.

“नना मीकु निजम वेहांतन, मिमेट बूमिपोर्रो बदुन अय्ते दोहंतिरो, अदुन स्वर्गमतेगुडा दोहमळ जर्गंता, मिमेट बूमिपोर्रो बदुन अय्ते लेहांतिरो, अदुन स्वर्गमतेगुडा लेहामळ जर्गंता.

इल्हेने मिमेटगुडा मीवा तम्मुन आयि दादान आयि मनसुनाल मापि कियाकोंटे ई राजाल बल्हा कीतोरो अल्‍हेने नावा स्वर्गमते मनना बाबालगुडा मीकुन मापि किय्योर.

गानि नापोर्रो विस्वासम कियना ई सिन्‍ना पेडानसंटोन बोरन्‍ना पापमते अरहते, ओना बोंळगेक जोत्‍ता बंडा दोहाचि ओन समुद्रमते लोतु एते ओसि मुळुहमळे बेस मनंता.

“ओक्‍कला वरोर मनकानगा नूर गोर्रें मंतां इनकुंटु. अवुनाल उंदि गोर्रे तप्‍पिस होनानय्ते, कळमता टोंबै तोम्मिद गोर्रेन ओर अग्गेन होळसिसि, तप्‍सोत्‍ता आ उंदि गोर्रेतुन पहकालय होन्‍नोरा? दांतोर.