Beliebte Verse in Mateo 8

Teilen

Nazapa Zeso pouadeniza uati tarrari: —Nerrecotoui ticappinemanarraro? Tiadenipe ouaza: “Rrehe, Zesopa ia touacaua-baqquiuiuarrine parrireui” tiquenerrerarrarorane? −naui nade. Nazapa totemaza rrorrodeza, passoza uati tarrari: —Peperri tarri! −naui nade. Nezape rrorrode, passo rriba rriba narraro naqui zamarrima narraro. Zamarrima nezape passo pozippanissa tarraro.

Naraha isso teppeppe zossede attipa: —Rrehe oua Zozossede, tiape nauatorride tirrirani neraha ouape arrimani, ssamo onani. Occa ozauarri ticcaniuarrine nacassera tinanitide, onarraro. Neraha arriza uati tinezape nani occa ozauarriccaraha, occa zozosse tettiza tinanomiuiuarrine tiparrireni nauato onani −narrari nade.

Narraro uima Zeso mittazapa uatizeza poua bodi: —A, pouapa nauato taua −narrari. Nazapa poua nattiuarri rrauimissarrarideniza uati tarrari: —Ouape parrissehera tiadeniza uati onana: Arrarrari bodi namanahapa parrissa nauissa tarrari! Tiadeni Izarraeo potemauideni bazimape tettideni ohomitta neraha arrarrarissa narrari tiadenizapa noueraui. Parrissa tiquenanissa tani ohomitta nerrerani −naui nade Zeso.

Nazama rromanodenicca isso teppeppe zossedeza Zesopa: —Rrehe, peperriua! Tiape tibodi parrissa tanissa tezape ticca ozauarri ticcanina. Nani bacco tinanizape tibodi touini tanicca tiaza onanani qqui tinanitoui −naui nade Zeso. Nanarra uati uati toquenaraha isso teppeppe zossede pocca ozauarri pocca zozosse amazati tonomirrari quenade.

Nazapa pocca mamari tabaqqui bazima: —A nerreco madirra? Arrina, rrorrode passo rribabani tazarrani poua attiza ibora taua −quenaui nade.