Beliebte Verse in ꤗꤢꤞꤢꤧ 18

Teilen

ꤗꤢ꤬ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤞꤤꤔꤣꤧ꤭ꤖꤢꤧ ꤙꤢꤩ꤬ꤙꤢꤩ꤬, ꤞꤤꤞꤥ꤭ꤖꤢꤧ ꤙꤢꤩ꤬ꤙꤢꤩ꤬, ꤛꤢꤩ꤬ꤞꤤ꤭ ꤊꤢꤩ꤬ ꤥ꤬ꤒ꤫ꤣ꤬ꤥ꤬ꤕꤜꤢꤪ ꤜꤢꤨ꤭ ꤘꤣ ꤠꤢꤧ꤭ꤗꤝꤤ꤭ ꤢ꤬ꤊꤢꤨ꤭ ꤊꤢꤩ꤬ꤟꤢꤩꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤥ꤬ꤒ꤫ꤣ꤬ꤥ꤬ꤕꤜꤢꤪ ꤊꤣꤧ꤭ꤘꤢꤦ꤬ ꤔꤢꤧ ꤛꤢꤩ꤬ꤞꤤ꤭ ꤕꤢ꤭꤯”

“ꤠꤢꤧ꤭ ꤟꤢꤩ ꤕ꤫ꤥ꤬ ꤕ꤫ꤢꤩ꤬ ꤞꤤ꤭, ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤞꤤꤔꤣꤧ꤭ ꤊꤢꤩ꤬ ꤞꤤꤕꤜꤢꤪ꤬ ꤞꤢꤧꤜꤢꤨ꤭ ꤟꤢꤩꤚꤣꤧ꤬ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤒꤢꤩ꤬ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ꤔꤣꤧ꤬ ꤠꤢꤧ꤭ꤖꤢꤩ꤭ ꤘꤣ ꤗꤢꤪꤋꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤘꤣꤧꤕ꤫ꤢꤩ꤬ ꤜꤢꤪ꤭ ꤜꤢꤪ꤭ ꤛꤢꤩ꤬ꤞꤤ꤭ ꤊꤝꤤ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢꤩ ꤖꤢꤨꤡ꤫ꤢꤩ꤬ꤟꤢꤨ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤔꤢꤪ꤭ꤟꤢꤧ꤭ ꤊꤣꤧ꤬ꤓꤢꤪ꤬ꤥ꤬ ꤜꤢꤨ꤭ ꤘꤣ ꤛꤢꤩ꤬ꤞꤤ꤭ꤊꤜꤢꤩ꤭꤯ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭꤮, ꤞꤤ꤭ ꤊꤢꤩ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ ꤞꤤ꤭ ꤞꤤꤕꤜꤢꤪ꤬ ꤒꤥ꤬, ꤞꤤ꤭ ꤊꤢꤩ꤬ ꤓꤝꤢ꤭ꤓꤢꤧ꤬ ꤞꤢꤧꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬ ꤟꤢꤩꤔꤣꤧ꤬, ꤞꤤ꤭ ꤔꤥ꤭ꤔ꤫ꤤ꤬ ꤡ꤫ꤢꤧ꤬ ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤒꤣꤧ꤬ꤋꤢꤧ꤮ ꤒꤥ꤬꤯

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤢꤧ꤬ꤜꤢꤧ꤬ ꤢ꤬ꤞꤤꤕꤜꤢꤪ꤬ ꤟꤢꤨ ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤗꤢ꤬ ꤢ꤬ꤘꤢꤨ꤬ꤜꤣꤢꤨ꤭ ꤟꤣꤧ꤯

“ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤧ ꤠꤢꤧ꤭ꤕꤣꤧꤞꤢꤩ꤬ ꤚꤣꤧ꤬ ꤢ꤬ ꤊꤢꤩ꤬ ꤢꤩꤗꤥ꤬ꤏꤢꤦ꤬ ꤖꤢꤨꤡ꤫ꤢꤩ꤬ꤟꤢꤨ ꤞꤢꤧꤔꤢꤧ ꤣꤧ꤭ꤒꤣ꤬ꤖꤚꤢꤩ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ꤔꤣꤧ꤬ ꤢ꤬ ꤢꤩꤗꤥ꤬ꤏꤢꤦ꤬ ꤟꤣꤧ ꤠꤢꤧ꤭ ꤟꤣꤧ꤯”

“ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤞꤤ꤭ ꤡꤢꤪ꤭ꤊꤜꤢꤪ꤬ꤗꤢ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤘꤣ ꤗꤢꤪꤋꤢꤨ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤡꤢꤪ꤭ꤊꤜꤢꤪ꤬ꤗꤢ꤬ ꤊꤣꤧ꤭ꤘꤢꤦ꤬ ꤟꤢꤨꤔꤣꤧ꤬ ꤕꤢ꤭꤯ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬ ꤞꤤ꤭ ꤏꤤ꤬ꤜꤥꤕꤜꤝꤢ꤭ꤊꤢꤧ꤭ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤏꤤ꤬ꤜꤥꤕꤜꤝꤢ꤭ꤊꤢꤧ꤭ ꤊꤣꤧ꤭ꤘꤢꤦ꤬ ꤘꤣ ꤗꤢꤪꤋꤢꤨ꤬ ꤕꤢ꤭꤯

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤒꤣꤧ꤬ꤘꤢꤦ꤬ꤊꤢꤧ꤭ ꤘꤣꤋꤛꤢ꤭ ꤔꤢꤧ, “ꤞꤤ꤭ ꤊꤢꤩ꤬ ꤕꤜꤝꤢ꤭ꤊꤢꤧ꤭ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤗ꤫ꤢ꤬ꤔꤤꤔꤢꤧ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤢ꤬ꤒꤢꤩ꤬ꤞꤢꤦ ꤒꤥ꤬ ꤟꤢꤩꤔꤣꤧ꤬ꤗꤢ꤬, ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤗꤢꤪꤋꤢꤨ꤬ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤗꤢꤩ꤬ ꤊꤣꤧ꤭ ꤞꤤ꤭ ꤞꤢꤧꤟꤢꤨꤔꤣꤧ꤬ ꤕꤢ꤭꤯”

“ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤔꤢꤪ꤭ꤗꤢꤩ꤬ꤞꤢꤦ ꤖꤚꤢꤩ꤬ꤕꤣꤧ꤬ꤒꤤꤜꤣ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤠꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤟꤢꤩꤔꤣꤧ꤬, ꤡꤢꤪ꤭ ꤜ꤫ꤢꤪ꤬ꤘꤢꤨ꤬ ꤘꤣ ꤢ꤬ ꤊꤢꤧ꤭ꤙꤥ꤭ꤜꤥ꤬ꤔꤣꤧ꤬ ꤚꤣꤧ꤬ ꤒ꤫ꤢ꤬ꤒꤢ꤭ꤊꤢꤧ꤭ ꤢ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ꤊꤢꤨ꤭ ꤔꤣꤧ꤬ꤗꤢ꤬ ꤢ꤬ꤚꤢꤧꤜꤣ ꤕꤢ꤬ ꤡꤣꤧ ꤘꤣ ꤜꤢꤨ꤭ꤑꤢꤩ꤭ ꤡꤣꤧ꤯

“ꤞꤤ꤭ ꤒꤣꤧ꤬ꤔꤢꤩ꤬ ꤗꤢꤧꤗꤢꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤊꤢꤩ꤬ ꤢ꤬ꤞꤤꤗꤤ꤬ ꤥ꤬ ꤢ꤬ꤘꤥ꤭ ꤒꤣ꤬ꤛꤢꤩ꤬, ꤚꤣꤧ꤬ ꤢ꤬ ꤊꤢꤩ꤬ ꤡꤝꤢꤕꤢꤩ꤭ ꤗ꤫ꤢꤩ꤬ꤊꤢꤧ꤭ ꤒꤣ꤬ꤘꤥ꤭ ꤊꤢꤩ꤬ꤟꤢꤩꤚꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧ꤬ꤊꤢꤧ꤭ ꤢ꤬ꤘꤥ꤭ ꤜꤝꤤ꤭ꤞꤝꤢꤒꤣ꤬ꤏꤣꤧ꤭ ꤔꤢꤧ ꤜꤝꤤ꤭ꤞꤝꤢ ꤒꤣ꤬ꤘꤥ꤭ ꤣꤧ꤭ꤔꤣꤧ꤬ ꤘꤣ ꤢ꤬ꤏꤢꤩ꤬ꤢꤩ꤬ꤋꤢꤨ꤬ ꤚꤣꤧ꤬ ꤢ꤬ ꤊꤜꤢꤩ ꤓꤢꤩ꤬ꤡꤝꤢ ꤗꤢꤧꤕꤢꤨ꤭ ꤔꤢꤧ꤭ꤖꤢꤧ ꤢ꤬ ꤡꤝꤢꤕꤢꤩ꤭ ꤗ꤫ꤢꤩ꤬ꤊꤢꤧ꤭ ꤣꤧ꤭ꤒꤣ꤬ꤘꤥ꤭ ꤔꤣꤧ꤬ꤖꤢꤧ ꤗ꤫ꤢ꤬ꤒꤥ꤬ ꤟꤢꤧ꤭?