Beliebte Verse in ZAWHÂNA 14

Teilen

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

Ahy rai ei biepiepazy hnei ta, a zyhpa cha, ano cha kyh nâ pachâtuhpa a châ. Ahy rai kyh nâ pachâpa cha ei Paw ta a kyh a pachâ aw. Kei chhao ano kyhpachâ aw na ta, a hnohta ei luah aw,” tah ta.

Paw lâ hiah aw na ta, chhâzaw ta nama hnohta y awpa ta, Thlapalôhtuh hropa a cha pie aw ei. Cha cha biehmeiseihpa Thlahpa, khizaw ta a hnei leipa a châ. Khizaw ta ano cha hmô leipa ta, pahno vei. Nâmo deikua ta cha, nama hnohta y ta, a y lymâ awpa vâta, ano cha nama pahno.

Paw cha Sawchapawpa liata parônahsapa ta a y thei nawpa ta, ei moh ta nama hiapa maih ei tao lymâ aw. Khâpa rai ei moh ta nama hia khiahta cha, ei tao lymâ aw.

“Kyh eina pachâ khiah ei chi ta cha, ei biepiepazy nama zyh aw.

Ei Paw o liata yna hluhpi a y. A y vei khiahta cha, ei cha chho ha awpa ei a châ. Nama châta su a chhuahdy awpa ta ei sie aw.

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

Thawma ta a hnohta, “Abeipa, na sie nawpa pahno ma pi. A lâpi cha kheihta ma eima pahno thei aw,” tah ta.