Beliebte Verse in Joni 16

Teilen

A veika o qo kaʼu sa tukuna vei kemudou, mo dou rawata na vakacegu e na vukuqu. Dou na kunea e vuravura na rarawa; ia mo dou vakacegu; au sa vakamalumalumutaki vuravura.

Ia ni sa lako mai ko koya, na Yalo na vu ni ka dina, ena tuberi kemudou ki na ka kecega e dina: ni na sega ni vosa vakai koya: ia na ka kecega ena rogoca, ena vosataka: ia ena vakatakila vei kemudou na veika ena yaco maimuri.

Dou a sega ni kerea eliu e dua na ka e na yacaqu: dou kerekere, dou na qai rawata, me sinai na nomudou marau.

Ia kaʼu sa tukuna vei kemudou na ka dina: E yaga vei kemudou meʼu lako yani: ni na sega ni lako mai vei kemudou na Dauveivakacegui, kevaka kaʼu sa sega ni lako yani: ia kevaka kaʼu sa lako tani, kaʼu na talai koya mai vei kemudou. Ia ni sa lako mai ko koya, ena vakatakila kivei ira na kai vuravura nai valavala ca, kei na ka dodonu, kei na lewa

Ia sa qai rarawa edaidai na lomamudou: ia kaʼu na raici kemudou tale, ena qai reki na lomamudou, a sa sega e dua ena kovea na nomudou marau. Ia e na siga ko ya dou na sega ni tarogi au e na dua na ka. E dina, e dina, au sa kaya vei kemudou, A ka kecega dou na kerea vei Tamaqu e na yacaqu, ena solia vei kemudou ko koya.

E dina, e dina, au sa kaya vei kemudou, Dou na tagi ka tagiyaso, ia ko vuravura ena reki: ia ena rarawa na lomamudou, ia na rarawa ni lomamudou ena vuki me reki.