Beliebte Verse in Kejadian 18

Teilen

Asipdeyukce, ayupu ton nyabuk. “Yata deiyok ning do nirya, yata mambul weik ning winiptuba, Allah el si Yahweh arye tenelye touk, bisipturye malye kum uptu do? Aning ara, ikin kum upnutue. Aning ara, kum winipmanto. Arup nyapmakin touk, orketeng tamun noutam, awala atonun tamubuka yanyopura, an kil Sarah arye, sal mi deipnamkile,” nyabuk.

Ara, ‘Nara, pia wisi dase kil ununa ati, ato kilapu ara, mapu ton kum delinyaka anya arye, yata wiribuka arye mi deiptinye do? Tonda, na dopnuknye babye, pia wisinye ati ara, aning ara kum winipmanto,’ tenebukce, akutubuk.

Kume, na mikip arye meliamni bukni, Abraham arye deipliba, dadeipdanin banamak nang yala-yala weik unamake. Elda, sik apu koproba unamle. El mapu silip, el yala nang ara, mikip weik nang unamake. Sik ti melilamnye ani, sik unamak deice arye, yuk mutuku nang mutuku-mutuku nirya, teleb kipdeipnamsine. Ara, Abraham deice aryuka.

Banmarik buk, Abraham arye Allah ati asipdeyuk. “Naie, omutuku unyak ninye noutamak ara, malye wininyak ninye babye, teleb wininyak nang babye, atonunuk wenebuka opnamalam do? Na walwal bukni, amutuku noutamak ara, teleb wininyak nang, yupa weik 50 nang ton uptopura, anang mangkau kanye bobuka, teleb wininyak nang ati, ‘Amutuku kum kipdeipnune,’ tenepmalam ning ara, bataktum do? Kum do?

Abraham arye nyabuka asipdeyukura, Allah el si Yahweh arye tamubuka nyabuk. “Ura, Sodom mutuku unyak nang dipdenirye, talye mangkau kanye bobuka, teleb wininyak ninye 50 upting toura, sik lyena ati amutuku nirya kum, kum kipdeipnamane,” nyabuk.