Beliebte Verse in Kejadian 22

Teilen

Aning nirya winibuka ati, Abraham birye, amutuku si ara, “Allah el si Yahweh arye, nun patasulul ning aresulule,” nyabuka si dobuk. Abraham birye nyapdeibuk touk, wini talak babye ninye nirya arye tuba nyanyake. Ara, “Nun ni koproba Allah, el si Yahweh, el mutuku ara, nun patasulul ning aresulule,” tuba nyanyake.

Nyabukura, Allah arye nyabuk. “Ura, ance deiplumce, ‘Na mi koprop’ tenen, pia bico tenelyam mi, an mi tonok Isak bobuka, Moria mutuku dup bobinulyame. Bobiminyeura, narye, ‘Amutuku dup asukumak,’ nyapnamkin sukumuk, na si erena ap, na arena ap ati, an mi opmince, arepnamnilyame,” nyapdeibuk.

Nyabukura, Allah arye Abraham biti, nyabuk. “An mi ona meme. An mi ara, tonok ulul ati, ance, ‘Kume, elda na mi koprop ati, Allah arye nyapnila babye, kum arepnamne’ tenen, kum batakmalamce, ‘Ami opnun’ tenen, kintinipmalam deice arye, pia moubuka dipkoprob kel bikmakine. Anda, ‘Allah ara, weik mambulnye anya arye, el siuk erebuka, el nyanilye yupu nirya kekenamne,’ tenenilyamnye ulyama ak, kel bikmakine,” Allah arye, Abraham biti nyabuk.

Asipdeyukura, Abraham birye tamubuka nyabuk. “Yo, na mio, Allah el si erena ati, uku dapnamanam domba mi ara, nun ni koprop Allah, elce arepnamasile. Aning ara, tenena kume, na mio,” Abraham arye, Isak biti nyabukce, sik tuba bisik banmarik.

Ara, pia dipkoprob nyapkine. Narye anti, pia teleb kipdeipkiniba, ance deipminyeba, aminyan elce deipliba, dadeipdanin, balamica ani, aminyan talak unamak ninye ara, yupa pia weik unamake. Ara, lukunyan talak im deice kurya, pia kum nukmanto tikilamle touk, tonda weik laut mek wininga, pia weik tonok-tonok nukmanto kum ulamle touk, an mapu pia weik upnin banamake. An deipkirik danin binamak ninye ap, ara an yala nang, aminyan talak unamak ninye arye, yuk asik nang obuka sirya dakikirye, amutuku alubuka dopropnamake. Ara, yuk mutuku nang arye, ‘Abraham el deipkirik danin binamak ninye ara, obuka sirya daknamap,’ tenepnamak ninye ati, sik asik nirya, an deipkirik danin binamak ninye arye, dopropnamaka ati, nyapkine. Tonda, ance deiplum mi arye deipliba, dadeipdanin balamica ani, pia dodeipdanin binamak nang ati, narye teleb kipdeipnamne. Teleb kipdeipnyopura, anang arye dodeipdanin balamica ani, aminyan deipnamak nang deice arye, mutuku sirya, im sirya nirya, unamak ninye ati, teleb kipdeipnamne. Deiyok ara, narye nyapmakunuba ance, na yupu kekemomce, aninguk winipmalam ati, ayupu nyapkine,” Allah arye, Abraham biti nyabuk.

Abraham bira, amutuku pia daulamuka ani, aminyan talak ara, Allah arye, ‘Abraham bira nati, pia dipkoprob tenelamnil do? Na nyapnye touk aninguk winipnamnil do, kum do?’ tenen, asipdeyuk. Asipnamok ati, yukubuk. “Abraham, Abrahamo,” nyabuka yukubukba, Abraham birye, “Naie, na aunmane,” nyabuk.

Taruk ereptalibuk bukni, Allah el si Yahweh arye, im deice pil donanye, Malaikat tonoknye dopdeibukba, im deice arye, Abraham biti yukubuk. “Abraham, Abraham,” nyabuka yukubukba, Abraham birye tamubuka, “Na aunmana atia,” nyabuk.

Ura, Abraham birye, amutuku tuba pil dolamuk talak ara, Allah el si Yahweh arye, im deice pil donanye Malaikat dopdeibuknye birye, tonok talak arye, Abraham biti yukubukce, nyabuk. Nara Allah, na si Yahweh arye nyapkine. “Na nong ap, na si deice ap arye nyapkine. An mi tonok ulul bukni, ance, ‘Na mi ara, tonok ati kum opnamne,’ kum tenepmomce, na yupu batakana kumce, na nyapmakin touk akunum winipmalama ati, ayupu ton nyapkine.

Allah arye Abraham biti, “Asukumuk binamalyame,” nyabuka, lak nyapdeipmok sukumuk birik. Birikopura, Abraham birye, ‘Allah el arin ning adeice deipnamane’ tenen, keil dobuka, yangabukce, kintinibuk. Kintinibukura, sik boyanmarik yo ton dobuka, akeil yangapmarik deice deibukura, el mi Isak dobuka, tapu koubukce, Isak babye akeil yangapmok deice mapdeibuk.