Beliebte Verse in Mateus 16

Teilen

Jesus h’ota rombuere aarongua je: Omuntu, ng’a hara a randure ndje, ni iciminike, i itshike omutshigakano gue, nde ta randura ndje.

Nd’otii ku rombuere: Onguee Petrus. Ko kemanja ndika ote ka tungira ko Eklesia rjandje, nd’itari ka sindika nandoodiro kiijeero joheri.

Ngueje otii ku pe eeshapi dotshirongo tsheguru. Atshishe shi to ka manga komband’evi, no meguru atshi kara tsha mangua uo; natshishe shi to ka mangurura mo komband’evi, no meguru atshi kara tsha mangururua uo.

Oshoka ngu a hara a hupice omuenjo gue, ote ke gu kanica po, nde ngu ta kanica omuenjo gue morua ndje, ote ke gu mona.

Oshoka otatshi kuaca tshike omuntu, nge ta jugu uujuni aushe, nde nani komuenjo gue ta mono iishuna? Nenge omuntu ota gandja tshike a rande omuenjo gue?

Nde Jesus te ja pura: Ne nduno otamu ti ndje omumua re? Simon Petrus ta jamukura: Onguee Kristus, Omumua Karunga munamuenjo.

Jesus ta ti ku he: Omunerago onguee Simon, omumua Jona, oshoka ka njama nombinzi he tshi ku ororere shi, aaue, oTate, ngu e ri meguru.