Beliebte Verse in Luk 7

Teilen

Naku fa'arongo 'oe, na liothaua ba'ita na 'e faatania, na garolaa 'oro nia ki kera manatalubea te'efau na'a. Sui ta, ni tei na kera manatalubea na garolaa fa'ekwa nia ki, na liothaua nia 'e fa'ekwa la'u bo'o.” Sui tha Jisas ka ba'e 'una 'eri fana kini 'eri, “Nau ku manatalubea na'a na garolaa 'oe ki.”

Tha Jisas ka ba'e 'una 'eri la'u fana kini 'eri, “Na fiito'oa 'oe 'e fa'amaruki 'oe, 'o lae na'a 'ana enenoa.”

Nia 'e kotho kau 'i luma, maka takwe 'i buira tha Jisas otofana 'aena, ma 'e angi maka fa'agwinaa 'aena tha Jisas 'ana kafona maana. Sui, ka usua 'ana ifuna gwauna, maka nono'ia 'aena. Sui nia ka 'ikia na waiwai makwa le'a 'eri fafona 'aena tha Jisas.

Ma nau mena kwasi faarana la'u bo'o ura laelaa kau 'i samu. 'Oki sore'a bamu'a ba'elamu fasi wanenira nau kai 'akwaa. Sulia nau la'u bo'o ku raa faara 'abana wane ba'ita ki, ma kwa lio sulia wanenifiru ki na kera raa 'i faara 'abaku. Ma laalae ku ba'e 'una 'eri ura wane ne'e, ‘'O lae,’ nia ka lae bona'a. Ma laalae ku ba'e 'una 'eri fana wane lakoo, ‘'o lae mai,’ nia ka lae bona mai. Ku ba'e ura wanenira nau, ‘'O ilia si doo ne'e,’ nia ka ilia bona'a.” Si manga tha Jisas 'e rongoa si ba'ea 'eri, nia ka kwele 'asiana'a. Ma ka abula, ka ba'e 'una 'eri ura imole ki na kera lae bii nia, “Nau ku sore'a 'i samulu'a, nau kwasi rikia 'uu ta fiito'oa 'una 'eri, 'i Israel mena ka a'i.”

Ma 'ana si manga 'eri la'u bo'o, tha Jisas 'e fa'a'akwaa imole mata'i 'oro ki, maka arasia na ano'edo ta'a faasia imole ki, maka fa'a'akwaa imole ki na maada 'e rodo. Tha Jisas ka ba'e 'una 'eri 'i sadaro'a, “Moro oli kau ma moko fa'arongoa tha Jon 'ana doo ne'e ki na moro rikia, ma moko rongoa 'itara'ena. Imole maada rodo ki kera lio na'a, ma imole 'aeda mae ki kera fali na'a. Ma imole ki na uru 'e thaungida kera 'akwaa ma kera faalu na'a. Imole ki na alingada 'e boko keki rongo na'a, ma imole mae ki kera maruki na'a, ma si fa'arongoale'a ku fa'ataloa na'a fana to'a siofa'a ki.