Beliebte Verse in Filíppaiól 2

Teilen

Nizor fáidar niyote yáh barík kúwalai bolla kessú no goijjó, bólke niróc ói oinno zon ore nizor túaro uttom báfiyo. Siríf nizor fáida no saiyó, oinno zon or fáida yó saiyó.

Tuáñrar bútore e kíyal rakó ziyán Mosih Isá ttu yó accíl

Íba toh Allar súrote accíl de óile yo, Allar fúainnagiri re sibi dóri rakídito nó saá, bólke Íba ye Nizoré háli gorífelail, gulam boni, insán ísafe zonom loi yore. Íba ye insáni cokóle táki, moot foijjonto, hoitó sailé, kúruc or uore more foijjonto fórmadar ói yore Nizoré niróc goijjíl.

kiyólla-hoilé tuáñrar bútore toh Alla ye éna ham gorér, tuáñra re Íba ye kúci ó de erada fura goríbar mon edde amól dí bolla.

Hétolla bóuli toh Alla ye yó Íba re bicí uñsol tokkat tuillé, aar Íba re nam waán diiyé ziyán hárr nam or túaro ḍoóñr, zeéne Isá nam ot hárr kiyé añṛú féla, híin asman ot tóuk yáh zobin ot, yáh zobin or nise; aar hárr zobane zen Baf Allar mohíma ói bolla cíkar goré de, Isá Mosih óilde Malik.

Hárr kessú cékayot sára edde torkatorki sára goijjó, zeéne tuáñra behosúr edde maasum boni, e zobanar ṭeṛá edde báañra maincór dormiyan ot Allar dak sára fuain ṭóoro, zetarár mazé tuáñra duniyait serak or ḍóilla zoloór

Hétolla, ó añr adorja ókkol, zendilla tuáñra siríf añr cáikkat no, bólke añr gairházirit hámica aró fórmadar accíla, héndilla tuáñra yala ḍoore edde hafanir sáañte nizor nejat or ham gorízo