Beliebte Verse in 1 Xa̱bo̱ Korínto̱ 11

Teilen

Xúꞌkhue̱n máꞌ mangaa, ído̱ wámbo̱o̱ nikueꞌtso-añuu̱, a̱ꞌkhue̱n niwatuu̱n rgúxi̱ rí gajno̱ꞌ iyoo úba̱ rí ni̱ga̱yu̱u̱ꞌ, jamí niꞌthée̱n: «Ikhaa iyoo úba̱ rí ni̱ga̱yu̱u̱ꞌ ríge̱ꞌ ñajuun awan nuxe̱ꞌ rí na̱gu̱ma ga̱jma̱á iꞌdiuꞌ. Gu̱ne̱-ri̱ya̱aꞌlaꞌ ríge̱ꞌ, jamí mbámbá rí nawanlaꞌ iyoo úba̱ rí ni̱ga̱yu̱u̱ꞌ, ga̱rmáꞌáan a̱kia̱nꞌlaꞌ ju̱yo̱ꞌ». Ikhaa jngó, jámba̱ miꞌtsú rí napholaꞌ guma ríge̱ꞌ, jamí nawanlaꞌ iyoo rgúxi̱ ríge̱ꞌ, nu̱tha̱nlaꞌ rí nijáñuu Táta̱ ga̱jma̱á numalaꞌ, asndo mbiꞌi rí ikhaa̱ ma̱ꞌkhaa̱.

Numuu rí ikhúúnꞌ ni̱sngálaꞌ ikhaa máꞌ rí niꞌsngéꞌlo̱ꞌ Táta̱: Rí mbroꞌon rí waxnáxi̱i̱ Táta̱ Jesús, niwatuu̱n mbá guma bopho. Ído̱ wámbo̱o̱ niríguu̱ la gamaku inuu Ana̱ꞌlóꞌ, a̱ꞌkhue̱n nixpíꞌthángaa̱ ne̱, jamí niꞌthée̱n: «Gu̱drígúlaꞌ jamí apholaꞌ. Guma ríge̱ꞌ ñajuun xuyuꞌ rí kixnáxe̱ ga̱jma̱á numalaꞌ. Gu̱ne̱-ri̱ya̱aꞌlaꞌ ríge̱ꞌ kajngó ma̱rmáꞌáan a̱kia̱nꞌlaꞌ ju̱yo̱ꞌ».

Ikhaa jngó, wapha gáyaxe̱-mina̱ꞌ mbámbáa kajngó mba̱ꞌyoo xí máján o ra̱máján eꞌne. A̱ꞌkhue̱n rí ma̱goo mi̱khui̱i̱ guma, jamí ma̱goo ma̱ga̱a̱n iyoo rgúxi̱. Tsí naꞌkho̱ guma jamí naꞌña̱a̱ iyoo rgúxi̱, jamí tsífroꞌo̱o̱ rí xa̱bo̱ tsí nawi̱in ñajúún xuyuu Táta̱, ikhaa̱ máꞌ iꞌyée̱ rí mbayée̱ xkuíya̱ gáꞌne Ana̱ꞌlóꞌ.

Ikhaa numuu rúꞌkhue̱n, asndo tsáa máꞌ tsí naꞌkho̱ guma o naꞌña̱a̱ ná rgúxi̱i Táta̱, jamí tsíꞌnii̱ ga̱jma̱á gamaku, naxuda-mine̱e̱ꞌ aꞌkhán ga̱jma̱á numuu xuyuu jamí iꞌdiuu Táta̱.

Gu̱ya̱ri̱dáálaꞌ rí na̱ne̱ ikhúúnꞌ, xómá rí ikhúúnꞌ nda̱ya̱ri̱doꞌ rí naꞌne Krísto̱.