Beliebte Verse in 1 Xa̱bo̱ Korínto̱ 9

Teilen

Jámba̱a̱ xa̱bo̱ tsí naꞌtsín naꞌnii̱ gakhe̱ a̱kuii̱n inuu mbá xúgíí. Ikhii̱n nune̱-ngíná-mijnée̱ rí mu̱dríguíi̱ mbá rí tsígajyúu. Xómáꞌ ikháánꞌlóꞌ nu̱ꞌne̱-ngíná-mijnálóꞌ rí mu̱drígúlóꞌ mbá rí nagajyúu jámuu. Ikhaa jngó, ikhúúnꞌ na̱ga̱yúꞌ xáꞌnii, ra̱ꞌkhá xómá xa̱bo̱ tsí tsíꞌyoo náá numuu igáyuu. Ikhúúnꞌ na̱xna̱-mína̱ꞌ xáꞌnii, tsíxi̱díí ski̱yu̱ꞌ ná inuu gíñá.

A̱ꞌkhue̱n gakon, na̱ne̱-ngínáa xuyuꞌ jamí na̱xu̱ꞌdáa ne̱ rí mañajun ne̱, ra̱ꞌkhá ma̱ꞌne rí jmínu̱úꞌ máꞌ ikhúúnꞌ, tsúún ni̱tha̱n-múꞌúún i̱ꞌwíin xa̱bo̱, ma̱xáꞌngo̱ꞌ gáꞌne.

Ndu̱ya̱álaꞌ máꞌ rí xa̱bo̱ tsí nune̱ gitsín rí nagáñúú xa̱bo̱, mbá xúgíi̱n nagáñúu̱ rí ma̱ꞌngúu̱n, i̱ndo̱ó máꞌ numuu rí mbáwíi tsí na̱ꞌngo̱o̱ na̱grui̱gú gamaku. Ikhaa jngó, u̱ga̱yálaꞌ rí ma̱ꞌnga̱ꞌlaꞌ kajngó mu̱drígúlaꞌ rí jaꞌyoo ma̱janálaꞌ.

Ne̱ne̱-waba-mina̱ꞌ ná inúú tsí wabiin kajngó ma̱mbáñúu̱ rí ma̱jáwíi̱n. Mbá xúgíí ne̱ne̱-mina̱ꞌlo̱ꞌ ná inúú mbá xúgíin xa̱bo̱, kajngó ma̱mbáñúu̱ rí ma̱jáwíi̱n maske asndo mbá tikhuun.