Beliebte Verse in XÓ NI̱GI̱ꞋDU̱U̱N-MUU 37

Teilen

A̱ꞌkhue̱n rí mbá mbiꞌi nigundaa José, jamí ni̱gu̱wí-jnga̱a̱ xnuꞌndaa inúú dxíyo̱o̱. Xómáꞌ ikhii̱n i̱tháan najiꞌníi̱ juyáa̱ xóó

Xómáꞌ Israél ja rá, phú nando-jaꞌyoo̱ i̱tháan José xó rí mbá xúgíin i̱ji̱i̱n, numuu rí ni̱gi̱ꞌdaa̱ ído̱ rí xi̱ꞌñú máꞌ ñajuu̱n. Ikhaa jngó niꞌnii̱ mbá xtíñuu rí phú mitsaan rí mbaꞌa mixtiúu.

Jamí ído̱ ndiyáá dxíyo̱o̱ rí i̱tháan nando-jiꞌyáa̱ ikhaa̱ eꞌne anu̱u̱ xóo rí mbá xúgíi̱n ikhii̱n, a̱ꞌkhue̱n rí najiꞌníi̱ juyáa̱, jamí nánguá itháa̱n ga̱jma̱á ajngáa máján wáa.

Nigundaa̱ xóó i̱mba̱ xnuꞌndaa, jamí ni̱gu̱wí-jnga̱a̱ ne̱ inúú dxíyo̱o̱: ―Xúge̱ꞌ ni̱gúndaa-lá i̱mba̱ mbu̱jú rá. Ndi̱yo̱o̱ a̱kha̱ꞌ ga̱jma̱á go̱nꞌ xúꞌkhue̱n máꞌ mbá gue̱mba̱ a̱ꞌgua̱án rí nduya̱-makui̱ꞌ-lá méꞌ.

Tsí dxíyo̱o̱ naxígu̱ún juyáa̱, xómáꞌ anu̱u̱ nandxaꞌwá-mina̱ꞌ ga̱jma̱á numuu rúꞌkhue̱n.

numuu rí niꞌthúu̱n: ―Gu̱dxawíínlaꞌ xúge̱ꞌ rí ni̱gúndaa jún rá. Ná xanáá kacháánlóꞌ nuruꞌwáálóꞌ xtaꞌdu̱u̱ ra̱xo̱o̱ ixí iña. A̱ꞌkhue̱n rí xtaꞌdu̱u̱ drígo̱ꞌ ni̱we̱je̱ jmbu ne̱, xómáꞌ xtaꞌdu̱u̱ dríga̱ꞌlaꞌ ni̱ge̱ꞌe̱ jndi ná inuu drígo̱ꞌ jamí ndiya-makuíi̱ ne̱.

Xúge̱ꞌ rí ni̱ga̱nú mbiꞌi rá. Awalaꞌ mu̱xíya̱a̱lóꞌ jamí gu̱xpa̱tuáꞌáa̱nlóꞌ ná awúun mbá iñá drígo̱o̱ iya. A̱ꞌkhue̱n mu̱ꞌthánlóꞌ: “Mbáa xu̱kú-xáná wanitsíi̱ neꞌne”. A̱ꞌkhue̱n mbu̱ꞌyáá dí gáꞌne xnuꞌnduu̱ xúꞌkhue̱n rá.

Jamí ído̱ nigánújngúún mbo̱ madianíta̱ tsí nagóó ra̱ngu̱jua̱, a̱ꞌkhue̱n ni̱ri̱ya̱a̱ꞌ José ná iñá, jamí ni̱ngu̱jua̱a̱ inúú xa̱bo̱ tsúꞌkhue̱n. Mbá skíñú mbúkha̱a̱ ajua̱nꞌ miꞌxá jámaa̱ rí ni̱ngu̱jua̱a̱. Xkuaꞌnii neꞌne rí nigó juya̱a̱ José ná Ejípto̱.

Xáꞌnii nithee̱n: ―A̱gu̱ya̱xíí-lálaꞌ rí a̱ꞌkhue̱n i̱ꞌkha̱ xa̱bo̱ xnuꞌndaa rá.

Jamí ído̱ ndiyáa̱ rí na̱ꞌkha̱ tsíngua̱ꞌ José, rí xóó máꞌ tága̱níi̱ mijngi ná rí kachúu̱n, a̱ꞌkhue̱n nithan-mi̱jne̱e̱ xáne rí mu̱xi̱ya̱a̱.

―Jamí niꞌthúu̱n xóó―: Ma̱xúxi̱díílaꞌ iꞌdi. I̱wa̱á máján gu̱xpa̱tuáꞌáa̱nlaꞌ ná iñá drígo̱o̱ iya rí ꞌgí ná mbaa niníí ge̱e̱, jamí ma̱xúne̱ ngínáa̱laꞌ. Niꞌthée̱n rúꞌkhue̱n numuu rí ma̱goo ma̱ꞌne-jríya̱a̱ꞌ José ná ñawúún dxíyo̱o̱, jngó xúꞌkhue̱n ma̱xuꞌma̱a̱ inuu anu̱u̱, i̱ju̱mu̱u̱.