Beliebte Verse in Xa̱bo̱ Róma̱ 15

Teilen

Ana̱ꞌlóꞌ tsí mbá jañii a̱kia̱nꞌlóꞌ guáꞌthi̱ínlóꞌ inuu gáꞌne rí ma̱juwalaꞌ gagi mi̱ndaꞌkho jamí tsímáá, awúun máꞌ rí nanimba̱ꞌlaꞌ ju̱yáa̱. Xkuaꞌnii kajngó asndo ma̱ga̱dí-rígúu rí ga̱jma̱á mbá jañii a̱kia̱nꞌlaꞌ guáꞌthi̱ínlaꞌ ga̱jma̱á majñu̱u̱ ski̱yu̱u̱ꞌ Xu̱u̱ꞌ Ana̱ꞌlóꞌ.

Mbá xúgíí rí waꞌtháán wajyúú, waꞌtháán ne̱ kajngó maꞌsngálóꞌ ne̱. Ikhaa jngó ga̱jma̱á majñu̱u̱ i̱yi̱i̱ꞌ ajngóo Ana̱ꞌlóꞌ ma̱ꞌne mba̱a̱ a̱kia̱nꞌlóꞌ jamí mu̱drígúlóꞌ tsiakhe̱, xkuaꞌnii kajngó ma̱mba̱núu rí ga̱jma̱á mbá jañii a̱kia̱nꞌlóꞌ guáꞌthi̱ínlóꞌ.

Ana̱ꞌlóꞌ tsí naꞌne rí ma̱ꞌngo̱o̱ a̱kia̱nꞌlóꞌ jamí naxnálóꞌ tsiakhe̱ gáꞌne rí mu̱wa̱a ju̱ma̱ꞌlaꞌ, xómá rí nandoo Krísto̱ Jesús. Kajngó mbá xúgiáanꞌlaꞌ, mbóó a̱ꞌwálaꞌ gúne̱-mba̱a̱laꞌ Ana̱ꞌlóꞌ, tsí ñajuun Anu̱u̱ Tátiálóꞌ Jesukrísto̱.

Ikhaa numuu rúꞌkhue̱n, gu̱drígú-mijná májánlaꞌ xómá rí Krísto̱ ni̱grui̱guáanꞌlóꞌ, kajngó ma̱gu̱ma-mba̱a̱ Ana̱ꞌlóꞌ.

Mbámbáa tsí ikháánꞌlóꞌ jaꞌyoo ma̱ꞌne rí na̱ni̱gu̱u̱ꞌ dxájuu, kajngó ma̱ꞌga-ragaja̱a̱ awúun rí máján.