Beliebte Verse in Xa̱bo̱ Róma̱ 9

Teilen

Ikhaa jngó, Ana̱ꞌlóꞌ naraꞌwíi̱ tsí ikhaa̱ nañáwíin a̱kuii̱n jaꞌyoo̱, ra̱ꞌkhá numuu rí mbáa xa̱bo̱ nandoo o naxná-mina̱ꞌ tsiakhe̱ kajngó mi̱traꞌwíi gáꞌne Ana̱ꞌlóꞌ.

Numuu rí Ana̱ꞌlóꞌ niꞌthúun Moisés: «Ma̱ñáwíin a̱kui̱nꞌ ja̱yo̱o̱ tsí nandoꞌ rí ma̱ñáwíin a̱kui̱nꞌ ja̱yo̱o̱, jamí ma̱ne̱ mba̱a̱ a̱kui̱nꞌ ja̱yo̱o̱ tsí nandoꞌ rí ma̱ne̱ mba̱a̱ a̱kui̱nꞌ ja̱yo̱o̱».

Jamí ikhúúnꞌ ma̱riꞌñaaꞌ: «Tsáa najwaanꞌ ikháánꞌ kajngó ma̱tra̱xi̱í Ana̱ꞌlóꞌ ga̱jma̱á numuu rí naꞌne róꞌ». Xa̱bo̱ tsí naꞌne daan ju̱ba̱ꞌ na̱nguá nitraxíi̱ eꞌne daan: «Náá numuu kajngó xáꞌnii nithane̱-ku̱múú róꞌ».

Ikhaa jngó, Ana̱ꞌlóꞌ nañáwíin a̱kuii̱n jaꞌyoo̱ tsí nandoo̱ rí ma̱ñáwíin a̱kuii̱n jaꞌyoo̱, jamí naꞌne-gúkuíi̱ a̱kui̱in tsí nandoo̱ rí ma̱ꞌne-gúkuíi̱ a̱kui̱in.

Xa̱bo̱ tsí naꞌne daan ju̱ba̱ꞌ gíꞌdoo̱ tsiakhe̱ rí ma̱ꞌnii̱ asndo dí máꞌ iyoo̱ ga̱jma̱á mbóó ikhaa máꞌ ju̱ba̱ꞌ. Ikhaa máꞌ ju̱ba̱ꞌ ma̱goo ma̱ꞌnii̱ mbá daan rí gíꞌdoo guéño numuu o ma̱ꞌnii̱ mbá daan rí na̱nguá máꞌ gíꞌdoo numuu mbo̱ꞌ.