Beliebte Verse in Kubhoka 2

Teilen

Chapanga akajowini chilelu chabhu cha muntima, najombi akakombwiki lulaghilu lwaki loakatendiki na Ibulahimu, Isaka na Yakobo. Bhela, Chapanga akabhalingalili Bhaizilaeli na kubhabhonela chiha. Panihapa akaweni kubha impalika kubhajangatila.

Hyaka yamaheli yakapetike, nkolongwa wa ku Misili akapotile, Bhaizilaeli bhakaleliki cha muntima kwa ndandi ja utumwa wabhu. Bhakundelili Chapanga nahuli kulobha ujangatilu, na chilelu chabhu chakunhikili Chapanga.

Mwana paakajomwili kujonga, mabhu waki akumpeliki kwaka mwali waka nkolongwa Falao, najombi akunjopiki na kuntenda kubha mwana waki. Akundohiki lihina laki Musa, akapwaghaje, “Maghambu numbohiki mu machi.”

Mwali waka Falao akumpwaghili mabhu jola, “Untolaje mwana jonjoni unyangatyaje kunjongeha kwa ndandi jangu, nanatu ananukulepaje.” Bhela mbomba jola akuntoliki mwana jola na kundela.

Bhela, mwali waka Falao akahelili ku nkoka Naili kujogha, na bhatumika bhaki bhakabhi bhajendajenda munkeghi ja nkoka. Mwali jola akachiweni chikapu pachilanda ja mateti, akuntumiki mtumika waki kujenda kundetela.

Musa paakabhi akolike, akapiti kubhabhona Bhaebulania bhajaki, ntundu mobhahengela lihengu linonopi. Akumbweni Mmisili akundapulaje Muebulania, jumu wa bhalongu bhaki. Musa akalingiki koni na koni, na paakaweni kubha njeta mundu, akundapwili na kunkoma Mmisili jola, na kunhiya muluhanga.