Beliebte Verse in Aposel 14

Teilen

yegl dibrika, Yagl wagle, ene siragl pre yegl erime? Kodio! dibrika. No muglka i, ene yoba meglmere yegl, muluwe dibrika. No ene ka mabuno wakai di tedre, ene god kibi pre mediglkwa i kide kodo, God kaima kor moglkwa i ene pre medraiglkwa pre di tobuglka. God kaima pre dubuglka i, ye kamun mitna ya kamun atne ya mudi nigl ya te, taragl mudu kamun mitna ya atne ya mudi nigl paigwa ya meglkwa i ye ere yomiwe dibrika.

Ana aglke ta Pol ya Barnabas ye wan ede pi taun Listra suna ebriko, Pol ere mogl, yoba ka mabuno di te moglkwa. Ye di te moglko, yagl kagle mawa sugwa ta ama suna i mogl, Pol ka dugwa i pre moglkwa. Yagl i, ye mam kugl edumara kagle mawa sugo, ye ege swara ta konbauna wan kankrukwa. Ye Pol ka dugwa i pre moglko, Pol ye kanugwa. Kandre, yagl i Yagl Kade ye kagle ere wakai erabuka kuno erabedi pre meduglkwa mere kandre, ye ka muglkude di, yegl dugwa, Ene adiglo! dugo, ye si puglo di, tabre kaima adiglsre, konbauna ede ogwa.

Ana Pol ya Barnabas ye yoba taun suota meglkwa i ka yegl di tedre, kogon swara ta ama yegl eribrika, ye Jisas yugobunomo dumo swara ta akie makai si meglmara i, yoba tau ye suglno moraiglmedi i nogugl ede tebrika. Yegl ersre, ye kaya mokna mawagl ere, kamage ersre, Jisas pre mediglkwa yoba dumo swara ta meglkwa i, Yagl Kade Jisas ye swara bitno morabedi ogo mina yedre, ede ebrika.