Beliebte Verse in Oknayene Ibo 11

Teilen

Udre, ye yegl dugwa, Yoba i we, ye swara moglsre, ka swara keme digwa. Ye mabuno bogl kogon erikwa igne taragl podo yegl erikwa. Ana okuo we, ye siragl taragl eramnedi praiglkwa i, eraiglkwa kuno erabuka. Ana nono we, nono ede yugu keimara atne pidre, ye kano ere pere pere ede tenamga. Ede tomun, yoba tau ka dibi, tau ye ta prikraiglmiwe dugwa.

Yoba brik garamniwe didre, ye ama ere mogl, yegl digwa, Nono taun podo ta kenamga. Kemun, taun kenamnara nono ama yugu swara ta kei ede mitna kaima, kamun mina ibo enamga. Yegl oromun, nono kagnono wanan, nono akie mogl, ede dumo bage bage uglo koglo koglo ta pikramniwe di, yegl digwa.

Yawe yegl mere yoba kano ere pere pere ede tedre, yoba uglo koglo koglo bage bage moraiglmedi si pere pere edugwa pre dumo i Babel we digwa.

Okna ibo yoba mudu ka pere pere dikre, ka swara keme digwa.

Ana Yawe ere mogl, yoba taun ya yugu podo keigwa i kanagledi ede atne ugwa.

Ana Yawe yegl didre, ye yegl mere ersre, yoba si pere pere edugwa. Si pere pere edugo, ye taun ere keigwa ikra kide kodo, akie moglkre, yoba ede dumo bage bage uglo koglo koglo pi kipai meglkwa.