Beliebte Verse in Oknayene Ibo 32

Teilen

Yegl dugo, yagl i aglke kor di ikne ede, Ene kagn erme Jekop we dikre, kagn kor ta daraiglkwa. Israel we dinaiglkwa. I siragl pre ene God bogl kuda boglsre, yoba bogl kuda boglsre, yobuglo etniwe dugwa.

Jekop ogane debruko, yagl i ere mogl, yegl dugwa, Kamun tagumiwa, na edo! dugwa. Yegl dugwa ba Jekop di ikne ede, yegl dugwa, Ene na di wakai yei natn, ene edenaglka. Ba ta manan, ene edekraluwe dugwa.

Jekop ye dedugo, taraglmo mudu i ede eigo, ye swara koglo ya moglkwa. Ye swara moglko, yagl ta u, ye si padragledi erukwa. Eruko, Jekop ama yagl i si padragledi erukwa. Ye ikne ikne si padrabugledi ere miurko, kamun tagugwa.

Ana Jekop ere mogl, Na God guma dra kaniga ba ye na si goglkrume di prisre, dumo i kagie Peniel we dugwa.

Kamun tagugo, yagl i yobuglo erekriedi prisre, ye Jekop ogane yobuglo si debruko, Jekop ogane debrukwa.

Jekop yegl dugwa pre yagl i Jekop di te, Ene kagn daglo! dugwa. Dugo, Jekop ere mogl, Na kagna Jekop we dimiwe dugwa.

Yegl dugo, Jekop ye ama kira pogl, Ene kagn dagl naratnedi prie dugwa. Yegl dugwa ba yagl i di ikne ede, Ene siragl pre na kagna dagl ene tenabedi pitne? dugwa. Yegl didre, ye di wakai yei tedre, ede ogwa.

Na we, na ene nigl kogonen yoba moglka ba na yagl wakai moglkrika. Na wakai moglkrika ba ene dinara adigl moglsre, na ake ple di natnga. Na okna nigl Jordan bai ede koglo eiga igne, na muglbo swara akidre ede eiga ba erme na yobanama ya taragl ere kuglka i, mere kide meglko, na buno di bage suo ediga.

God ye Jekop ogane yobuglo si debrukwa pre Israel yoba okuo aglno buglano si ke neigwa igne, ye gogono ogane yobuglo i mina paugwa i nekrikwa. Okna nekre, ede u erme ama meglkwa i, nekrikwa.

Jekop yobama ya aglmo buglamo buno di bage suo edidre, ye Yawe kamage ere te yegl dugwa, Yawe yo, ene nina Aisak Godmo moglsre, yagl awana Abraham Godmo motnga. Enene na di nare, Ede ikne dumon kaminen, nen agiglnma meglmara po! dinga. Yegl didre, ene ama na di nare, Ene en, na ene ere wakai ere tenaluwe dinga.

Ana na kudugl goglka pre erme ene di prika, ene ake ple di notn, Iso u na ebina gagrama bogl no sikrabedi ene di prika.