Beliebte Verse in Oknayene Ibo 35

Teilen

Ana God yegl didre, ye ama ere mogl, ka ta yegl dugwa, Na God Yobuglna Podo Paugwa moglka. Ene gak mere kide kuglo! Ene gawanma yugobuno pere ta moraiglkwa. Te, gawanma tau yugobuno pere pere meglbi, gawanma tau ama yoba kade king moraiglkwa. Na makan gaba Abraham ya Aisak teiga i, na ene ya ene gawanma okuo moraiglkwa tenaluwe di, yegl dugwa.

Nono ede dumo Betel enamniwa. Omun, na kobuglo bogl ta kugl, God tawa tenagledi ere yenaglka. Na okna yubun podo iga igne, God na kamage ere teiga i prisre, na dumo aglo ta eiga i ye akie pidre, na ake ple di narumiwe di, yegl dugwa.

Ene kagn Jekop we digwa ba yoba kagn i kide kodidre, kagn Israel we dinaiglmiwe dugwa. Yegl mere God ye kagie Israel yei togwa.

God yegl dugwa pre Jekop ye nem agiglema ya yobama mudu akie meglkwa i di te, yegl dugwa, Nono pi, God tawa tenamga pre erme we, yoba yugobuno pere meglkwa god kibi bekigwa ene tau yeigwa i, kide kodidre, nigl padre, kugugl gagl deglbi yekrukwa edio!

Ana God ere mogl, Jekop yegl di togwa, Erme ene ede dumo Betel pi kipadre, kobuglo bogl ta kuglsre, tawa naragledi ere yeo! dugwa. Na God moglka. Ene agitn moglmara kide kodidre, teke enga igne ikra na ene motnara u plau diwe di, yegl dugwa.

Yegl dugo, Resel goragledi ersre, yagl gak i kagie Benoni we dugwa. Yegl dugwa ba ye wie ere mogl, yagl gak i kagie kor yei, Benjamin we dugwa.