Beliebte Verse in Matiyo 24

Teilen

Wɩɛ asʋbʋɛ fɔɩ dʋɔ, bakpa fɔɩ baa dɩlɛ ja ba dɔŋa a. Ama wʋŋ wʋ a sɩŋ na doŋ ga tala dɩtamtɩŋ na, wʋ a yu nkpa.

Baa tawɩ Ɩsʋɔ juori gaa wɩɛ abama ŋii fa atawɩ yɩrɩ kpiniŋ pɔɩ na dulunya dɩtamtɩŋ a tala.

Ɩ nyii yuo gaa ga tirina amɩɛ na yuo gaa ga wɩɛ taŋasɛ wɩɛ na, n baa yela na amɩɛ agela a kʋlʋ. Akala takɩɛ ŋɩ tiri gʋ ŋina a tibi, ama ŋii kalaa sɛ dulunya dɩtamtɩŋ talɛ ɛ.

Dɩɛsɛ aja yuo dɩɛsɛ na juori a yuo juori. Dusoŋ ŋii ŋɩ nʋɔ wɩɛ doŋ aja kɔŋ na tibi a jigisi akpie dʋɔ-akpie dʋɔ. Ŋina kpiniŋ kɩɛna bɛ takɩɛ dʋŋɩwʋ ŋii ŋɩ dɔŋ asanaŋ pɔɩ na alʋ a lʋrʋ na.

Ɩsʋɔ adugbe na tie aja laŋ, ama ma wɩɛ bɩrɛ, ŋii laŋ ŋ.>>

Akala takɩɛ bakpa fɔɩ aja kɔŋ ma yɩrɛ naŋ na baa gaa tawɩ sɛ baa n nyina Kirisito wʋŋ na baa pɩna bakpa fɔɩ.>>

Saŋa gana naŋ, baa lɩsɛ amɩɛ fa na baa nyala amɩɛ na baa kʋ amɩɛ. Ma dʋɔ, bakpa kpiniŋ aja kɔla amɩɛ. Saŋa gana naŋ, bakpa fɔɩ aaŋ ja yela ba lɩɛdi naŋ na baa lɩsɛ dɔŋa fa na baa kɔla dɔŋa. Akarɩɛ bajana fɔɩ aja kɔŋ gaa pɩna bakpa fɔɩ.

Yesu lɩsɛ ba nʋɔ sɛ, <<N kɩɛ amɩɛ wʋsɛ dʋɔ na dieli, na wʋrʋ n baa pɩna amɩɛ.

Dɩmʋŋ dʋɔ amɩɛ gba ŋɩ tiri gʋ n desina amɩɛ wʋsɛ ɩ dana, akala takɩɛ Wʋkpa Bu wʋŋ aja kɔŋ saŋa gaa ɩ ba kɩɛna wʋ gbɩɛ ɛ.>>

<<Dɩmʋŋ dʋɔ, n duo amɩɛ wʋsɛ dʋɔ, akala takɩɛ ɩ ba jiŋ wɩɩ gaa amɩɛ kpaŋjuo aja bɔrɛ kɔŋ ŋ.

Sɛ Yesu ju dʋɔ tawɩ sɛ, <<Wʋrʋ ba jiŋ wɩɩ gaa yaa saŋa gaa a. Ɩsʋɔ gabʋɔsɛ baa ba wɩɛ Ɩsʋɔ adugbe yaa Bu wʋŋ gba ba jiŋ ŋ, amʋɔ Juo wʋŋ nyiŋeŋ.

Akala takɩɛ barɛ baa baa yɩɛ akarɩɛ sɛ ba yɩɛ Kirisito na akarɩɛ bajana aja kɔŋ gaa yɩɛ daasɛ ajanɩɛ na adaŋgana na baa mʋ pɩna baa Ɩsʋɔ lɩsɛ ba na gba.

Ganaŋkʋ dɩ cha yɩɛ Nowa saŋa na, dɩmʋŋ sɛ Wʋkpa Bu wʋŋ bɔrɛ kɔŋ aja yɩɛ. Akala takɩɛ wɩɛ ŋina naŋ pɔɩ na lɩŋ a su walɛ mʋ dulunya na, bakpa cha baa di baa nyʋɔ yela baa fa sarɛ ga tala wɩɩ gaa Nowa jʋʋ buori janɛ gaa naŋ. Na ba cha ba ba jiŋ sɛ bʋrʋ garɛ aja tibi ba dʋɔ ɔ, mʋ ga tala gʋ lɩŋ su walɛ mʋ ba kpiniŋ laŋ. Dɩmʋŋ sɛ aja yɩɛ Wʋkpa Bu wʋŋ bɔrɛ kɔŋ naŋ.