Beliebte Verse in Yuuhannaay 16

Teilen

Ani bareek een haay andiyeetookna toona, aflaay aniib amshawwaaytiit mꞌasig imaar tiyadna. Tuduniya lhasi hookna tindi. Laakiin ariknaa! Ani tuduniya agrib!” idi.

Laakiin Aashuuk yꞌeenihoob, Ukwaasanaay oosdik rhisi iyadna. Kassooh oosdik ookiik rhisi hookna iyadna. Baraah iknaayeet hadꞌaayeetii hadiidi kiidiin. Laakiin baraah toona tꞌeemsiiwneet hadiideena, teena harꞌook yꞌeent aree sooyi hookna iyadna.

Oontꞌa ookiik baraak aniib oosmii naat han raataab kitteen. Raataana imaar tiyadna, aflaay tifirhaataakna timmiimi iyadna.” idi.

Laakiin oosdik andi hookna: ani giiganiyeet tuuna dehookna hanyiis. Ani baagiigayeek, ishamaamiiga yꞌi hookna kiidi. Laakiin ani giiganiyeek, malya barooh dehookna diigwati andi. Aashuuk yꞌeenihoob, tuduniyaati dehay danuub ibariineet toona sooyi iyadna. Masi tooshbu sooyi iyadna, Ukwaasanaay hukwim han sooyi iyadna.

Baraakna han bak tikatiina: oontꞌa gadabteena, laakiin malya masi rhi hookna andi, aree afirhi tiyadna. Baliit tifirha aree gaal han hookna iniinee dehaay kaꞌadgiriya. Been uumbꞌi yꞌiiniyihoob, baraak naat han raati kitdiinaheeb. Oosdik andi hookna: aniib oosmii Ubaabaay tehariwneet toona kastooh iyaaw hookna indi.

Oosdik andi hookna: baraak waawi tiyadna, milooti tiyadna. Laakiin uudehay afirhi iyadna, aree baraak gadabi tiyadna. Laakiin igadabaakna firhaat iikti iyadna.