Beliebte Verse in Luugaay W'injiil 14

Teilen

“Anii dehaay yꞌiiniib uutakka, Baaboohwa, deetoohwa, tutakatoohwa, yꞌareehwa, isanaayeehwa, tikwaateehwa biihimaagayeek, umidhhanooh ookna han biihimaagayeek, anii kwiriyaataayi kiiꞌaki.

Aree usaliibooh yaksiitka aneeb baaraam, anii kwiriyaataayi kiiꞌaki.

Ugarooyooh tageegsiiniib been dhoomi indi, ugarooyooh dhoomsiiniib been aree tageegi indi.” idi.

Aflaay oontꞌaaneet gaalka tutibariyi kastooh ishtiit aneeb biiraameek, anii kwiriyaataayi kiiꞌaki.” idi.

Bareesookna gaal win siraayaati dꞌuur harriiweek, awwal baruuh nꞌati sꞌatiit utaman naan ikatiyeeb, mheen mhallaga oogaw dehaay faayseen ibariyeeb biibariyeeb kiishibib han? Baruuh wꞌasaas daasiit oogawi faaysiti biiꞌadgirayeek, beet toona rhiiniibka bariiyooh iifiyad indi: ‘Uun uutak gawi dꞌuur badooyaayt, ifaayisti igwooy.’ iyaad indi.

Laakiin aduumaat danꞌiyihoob, oodehay yhamraabwa, yꞌamꞌadhdhaabwa, igarbamaabwa, yhamashayaawwa waliika! Aree baarakami tindiya. Aan baraah barook ikweesneena kiibariin. Tooyin uudehay aashiboob tuyatii yakeenihoob, Ukwaasana ijir iyaaw hook indi.” idi.

Yasuuꞌa, “Umiilak daayiibu, laakiin uudꞌaam hooy giigiiniyeek, kak uudꞌam masi dehaay itꞌagiir? Baruuh whaashii dehaay daayiib kiiki. Wꞌandhooy dehaay han daayiib kiiki. Uudehay barraab eefifna. Eemsiiw angwil ibariibka, baꞌiimsaw!” idi.