Beliebte Verse in Mattaay 18

Teilen

Aniib oosmii maloob tari mhay gaal mhiin hiddaab yꞌeeneek, beentooy ani bareeyooh geeb eefi.” idi.

Masi gwidaana sooyi hookna andi: maloob bareesookna tubuutiib naat gaanaatiib taafagsameetiit raatteeneek, Baabu tibreeteeb eefi dehookna iitkwikw indi.

Yasuuꞌa dis oor waliikiyaayt, bareeyooh bitik isingad. Malya baruuh “Oosdik andi hookna, baraak gayyarameetiit yꞌar idadis tꞌiiteeb iikti bitdiineek, tibreeteet hadꞌaayi door han shuumi kitdiina.

Shaawti oon wꞌooriit ugarooyooh isoodiiska, tibreeteet hadꞌaayeetiib oowinkaab ikati.

Aree oon wꞌoor oodis tꞌiiteeb aniib oosmii daayiib anshiishka, aneeb han daayiib anshiishheeb.

Ani oosdik andi hookna: baraak tubuutiib tehankwiirneet tuuna, tibreeteeb han itehikwir tindi. Baraak tubuutiib tifadigneet tuuna, tibreeteeb han itfidig tindi.

Usanook uginꞌiisook afooyi bitdiiyeek, Baabu tibreeteeb eefi han kasseekna bak iiwari hookna indi.” idi Yasuuꞌa.

Laakiin een bareeh idabalooya aneeb aamaneen gaal maagnaayt isidꞌiibka, barooh bidhdhigil riyaati awi tꞌalaatiyooh hakwirtiit ubhariit hooytiib uudhib dehaay hanyiis.

Naan hiisteena? Tak sheeb arginaab ibariyeek, aree gaal kwidhiiniyeek, yꞌashshadhig tamuunwa yꞌashshadhig oorbaay kehii ishti dꞌiit, oongaal ukwidhaab kiihariw han?