Beliebte Verse in Iroomaani 14

Teilen

Ukwaasanaayt tehadꞌaayi mꞌariiti tamtiiwwa gwꞌitiiwwa kiiki. Laakiin batuuh Aashuuk Imugaddasa iyawneet shibootwa, mꞌasigwa firhaatwa tikati. Oon usalalii Umasiih shagaamiiniibka, Ukwaasana afirhisiini aree uudehay barooh hamooyseen.

Hinin nikweereek, Wꞌankwanaay dehaay nikweer. Niyaayeek aree Wꞌankwanaay dehaay niyaayi. Aflaay needhhaniyeek tari niyaayeek, Wꞌankwanaay nikati.

Shaawti hinin mꞌasigwa taktakeet sꞌakrooywa ikwasi shaga nidꞌeet toonaati.

Shaawti taktaki whaakamti nisingid. Usaniyook salal tingiifna tari maagtiib dhibsitniina baadꞌiya.

Tuun batuuh uktaabiib kataabtu: “Wꞌankwana ‘Ani umidhhaniisu halafooyaabu, Uudehay kassaah anii suurii kuurami iyadna, kassaah imiidalab aree Ukwaasanaay dehaay itfidhidh iyadna.’ indi.” diyaabi. Aflaay hinin kassaan gaalka Ukwaasanaay suurii ugarooyooh haasabi indi.

Wꞌiimaanuuh nꞌakw ikatiyeeb baliib agbilaana, bareeh halaagaaytiib amgwasaartiit baahaakamaana.

Weer taki kishiya haakamiini baruuk aabwa? Baruuh ooknaay kishiya yaksiini tari dhibsiini. Wꞌankwana barooh yaksiiniyeet toona adgiriini.