Beliebte Verse in Genesis 27

Teilen

Itao logod saimo nin Dios an ambon hale sa langit, magin matubang logod an saimong daga, dangan magdakul logod an saimong ani asin arak. Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”

Nagsabi si Esau, “Tama mananggad na nginaranan siyang Jacob, huli ta duwang beses na niya akong inagawan. Inagaw na niya an sakong deretso bilang matuang aking lalaki, asin ngunyan inagaw pa niya an bendisyon na para sako. Mayo ka nang natadang bendisyon para sako?”

Kaya sinabihan siya ni Isaac, “Mayong ambon hale sa langit para saimo; mayong matubang na daga para saimo. Mabubuhay ka huli sa saimong espada asin magigin sorogoon ka kan tugang mo. Alagad kun magrebelde ka, makakatalingkas ka sa saiyang kapangyarihan.”

Alagad padagos na nakimaherak si Esau sa saiyang ama: “Saro sana nanggad an bendisyon mo? Ama ko, bendisyonan mo man ako!” Dangan nagpoon siyang maghibi.