Beliebte Verse in Matalikilo 39

Teilen

Lino Jehova wakali a-Josefa, aboobo wakajana coolwe muŋanda yasimalelo wakwe mu-Egepita.

Nkabela zyoonse biyo nzyakajisi wakazisia mumaanza aa-Josefa. Walo mwini takwakaziba cintu neciba comwe ncaakali aco cita insima njaakali kulya. Lino Josefa kali aciwa cibotu, keebeka loko.

Nkabela mulangi wantolongo wakabika baange boonse buyo bamuntolongo mumaanza aa-Josefa, aboobo kufumbwa cintu cakacitwa oko, ngonguwe wakali kucicita.

Mpawo simalelo wa-Josefa wakamujata, wamubika muntolongo, baange bamwami mobakaangidwe, nkabela wakakala mumonya muntolongo. Pele Jehova kali a-Josefa, wamufwida luzyalo, wamupa buuya mumeso aamulangi wantolongo.

Nkabela kusule lyayaaya, mukasimalelo wakwe wakavundula meso aakwe kuli-Josefa, wati, Atweende ayebo. Pele wakakaka. Wakaambila mukasimalelo wakwe kuti, Bona! Simalelaangu talikataazyi kucintu neciba comwe muŋanda; zyoonse buyo nzyaajisi wazyaaba mumaanza aangu. Taakwe mupati kwiinda ndime muŋanda ino. Tana kundikasizye cintu neciba comwe, cita nduwe luzutu nkaambo uli banakwe. Nkacite buti bubi bupati buli boobu akubisizya Leza?

Pele buzuba bumwi naakanjila muŋanda kukubeleka milimo yakwe, katakwe naba omwe wabasiŋanda bamwi omo muŋanda, nkabela wakajata cikobela cakwe, wati, Atulale ayebo. Mpawo wakasia cikobela cakwe mujanza lyakwe, wacija, waya anze.