METHIU 13
13
Sachii Ivorna Ynghuwnii
(Mk 4.1-9; Luk 8.4-8)
1Ama inii nache Jesu ing een tanii hungsuwhka chifhuw kuurting vaksa. 2#Luk 5.1-3Ama mapham nache akuurna mee inempak avaangkong tahnache Jesu ing ruwkuwngna hangkarka ngiirsa; changlaenche mee vakhae ing chifhuw kuurnache ingiir ae. 3Amana Jesu ing thamin atongthoh ynruw ing manchuw aeka eningna ariir, “Mee yngkheh ing sachii ivor hungsuwhsa, 4ama ing sachii avorlae lam kuurna ibuwchu vaati ing asahpa. 5Sachii areh inche rung kaarna bukka abur adongkhroh tahnache imaenhak ing hangmuwng khangnakho 6inii ynsa ing deengka manvuwsa, vokhehkho arajung paecheh mahka chongsa. 7Sachii areh inche iring kaarna bukka iring inche aabuum tahnache ynla chehmahsa. 8Sachii areh ingve ruwruw isana bukka isajaeh ing hang-muwngka sarup chaama, somruk, vokhehkho sarup somthum ithi ing ynlana.” 9Aana ipaar mee chaap inche siisa rasiing.
Ynghuwnii thamin khaena Amanden
(Mk 4.10-12; Luk 8.9-10)
10Amana sebok ae ing Jesu ningna ensii, “Ynchii khaena eningna yng-huwnii thamin ing natongva.” 11Jesu ing eningna abasang, “Ithuwhpak Thangnang lipah chong havi neningna chembe amandangpa, changvakonchu eningna chembe pimahri ae. 12#Met 25.29; Mk 4.25; Luk 8.18; 19.26Adeen mee ningna inempak adeennii ing pivakata; amanche adeenmah mee ningtanii chuve adeensah topohti chukho rivakata. 13Ki ing eningna ynghuwnii thamin ing katong havi en-khang ae nakho mumahnii ae, rungae vaatae changvakonchu siimahnii ae amanche ynghuwkho manghuwmahnii ae. 14Jaephar Isaia ing ajeerchu entaklina suwhna amachuve:
‘Enuw ing rungae chuve rungaevaatae, changvakonchu manghuwmah niiae,
enuw ing enchuve envaatae changvakonchu mumah niiae.
15Akhaechuve embarungriir musa vokhehkho engana pirsa,
amanche emik engasiingpa;
changmah nave emik ing muae naka, engana ing siiae naka,
embarungriirna manghuw ae naka,
vokhehkho kaningting hunganleh ae naka,
amanche ki ing enuwchu mandamva kachiipae.’
16 #
Luk 10.23,24 “Changvakonchu nenuw chuve aajaehmeh nenlaepah isava! Ne-nuwve nemupa, amanche isiikho nensiipa. 17Ki ing neningna atatak ing kariirnah, Jaephar aajaeh ing vokhehkho Thangnang mee aajaeh ing nenuw ing nemu havi munungka enchii muchehmah ae, amanche nensii chong havi siinungka enchii siichehmah ae.
Jesu ing Sachii ivorna Ynghuwnii ing ariir
(Mk 4.13-20; Luk 8.11-15)
18“Chutahnache sachii ivor thamin havi rungaeruw. 19Achuw yngkheh ing iruwng lipah chong havi siikhang nakho manghuwmah nave, ichamah thengka abarungriirna avorchu asiihpa; haviva lam kuurna sachii ynvorchu. 20Rung kaarna sachii ynvor chuve, ama ing chongchu asiithoh rotharohpak ing anikungna aaraangpa. 21Changvakonchu arajung ithuwh ing apaehmah tahnache among pangteh khaena abadaar. Chutahnache havana chong khaene inangnii abasuw raenche ama ing anikungna abathenpa. 22Iring kaarna sachii ynvor chuve, isa chongchu asiipa, changvakonchu laaruw paam vakhar re lerchii yndik ing chehka ynlachehmah chuva. 23Ruwruw isana sachii ynvor chuve chongchu siika amanghuwsa, amanche sarup chaama, somruk, vokhehkho sarup sothum ynlana.”
Ichuwr muwna Ynghuwnii
24Jesu ing eningna reentaang thamin yngkhehkho atong amachuve, “Thangbaen paam i mee yngkheh ing isa sachii avorthoh yndeeng arusa. 25Changvakonchu mee aenche enjaarthir aajeehnii mee ing thengka akaarna ichuwr amuw vorka yngkaesa. 26Chukhaenache hangmuwngka aanlarae ichuwr thoh hangmuwngsa. 27Amana ameenae aeng theng aeka aningna enriir, ‘Aafhuw naruwraena isa sachii vormah chiikhang? Ynsaang taka ichuwr ynvaeva?’ 28Jesu ing eningna ariir, ‘Havi ki eejeehnii mee aeng atupae.’ Amana meenae aeng embasang, ‘Chunuwcha vaknungka ichuwr chaap vaaphichir kente?’ 29Changvakonchu ama ing ariir, ‘Iphimah riruw,’ ichuwrchu kenga-phinah tatanuwka gehu burkho iphiniiva nenta. 30Khangkhe ichii ing muwnghak jaehtah ae rasiing, ikuumpha inii nache ki ing aakuum ae ningna ichuwr aekha ynthufhuw ing amaensana khuum nuwna phuwpruw, changvakonchu gehu chuve ki kaatomting thinruw tavakata.”
Encham muwna Ynghuwnii
(Mk 4.30-32; Luk 13.18-19)
31Jesu ing eningna reentaang thamin yngkhehkho atong, “Thang-baen lipah i mee yngkheh ing encham muw avorthoh aanghakna; 32havi sachii kaarna aasiingsehva, changvakonchu ahangmuwng raenchembe hangruungka thingbur vaang ruungna, amanche vaati aeng enrabuw enghuwniinah.”
Chor taklina Ynghuwnii
(Luk 13.20-21)
33Jesu ing eningna thamin reentaang yngkhehkho atongreeh, “Thangbaen lipah i rupanuw yngkheh ing jaamchu sarup ynthum chor thohche manvaenohka ahangpuur mahtaang athuur thoh aanghakna.”
Jesu ing Ynghuwnii thamin ing Ichong
(Mk 4.33-34)
34Jinge ichii ing Jesu ing eningna chong aangkheng ynghuwnii thamin ing atong; ynghuwnii thamin ynvaeru ing yntanga chongmah. 35Havi Jaephar ing ariir chongchu isuwhnii khaena ariirva,
“Ki kaner ing thamin tongva kata,
laaruw paam abasenraennii ing yndangmah ithuwh chong aangkheng riirva kata.”
Jesu ing Ichuwr omna Ynghuwnii ariir
36Aanuwna Jesu ing mee vakhaechu maka een sungting varuwhsa, amana asebok aeng theng aeka Jesu ningna enriir, “Ruwraena ichuwr om thamin natong khaenakhe isajaeh ing iriirpeehra.”
37Amana Jesu ing enuwchu basang-ka ariir, “Isa sachii avorchu Mee Sapa chuva; 38ruwrae inche laaruw paam iva; amanche isa sachii inche iruwng lipah siti aepae; ichuwr inche ichamah siti aepae, 39amanche ichamah avorchu umlaeva; ikuumpha ahenpha inche laaruw paam hungchi ynthongva amanche aakuum mee aechu vaarmee aepae. 40Ichuwr khuum aeka embathu vaangkhe, laaruw paam achipha nache changche suwhvaata. 41Mee Sapa inche avaarmee ae jenchiir vaata, enuw ing isii atu mee ae vokhehkho ichamah mee vakhae khuum vaatae. 42Amana enuwchu mi sungting renvaatae; amanache enuw ing chapvaatae vokhehkho engha iriir ae naka ijachaam phavaatae. 43Chang-laenche Thangnang mee aenche iruwng lipahna inii irengvaang rengvaatae. Aana ipaar mee chaap inche siisa rasiing.”
Ynthuurjaehka om Lerchiina Ynghuwnii
44“Thangbaen lipahchu ruwraena lerchii yndimka omthoh aanghakna, amachu mee yngkheh ing atuwhtahna mangkhum jaehka arutha iroh ing yngkaeka adeensah aangkheng juwrka ruwraechu aariithoh ynghakna.”
Amen Iruwpak Rungna Ynghuwnii
45“Athar vokheh, Thangbaen lipah-chu amen iruwpak rung ajong lerchii ataar mee yngkheh thoh aanghakna, 46ama ing amen iruwpak rung yngkhehchu atuwhpa; amana yngkaeka ama ing adeensah aangkheng juwrka amachu aariipa.”
Ichakna Ynghuwnii
47“Athar vokheh, thangbaen lipah-chu ngaklah aeng chifhuwna ichak deeng aeka nga masing ikip inempak ahengkhum pohthoh aanghakna, 48ichakchu sipka taangting aheng-kipae; amana ong aeka isa chaapchu khutheengna enthinpa changvakonchu isamah chaap chuve enrenpa. 49Chang-che ichii ing laaruw paam ikho achipha nache suwhvaata. Vaarmee aeng juwng ae naka isa mee ae kaartanii isamah mee aechu iteervaatae, 50amanche isamah vakhaechu mi sungting renvaatae; amanache chapvaatae vokhehkho engha iriir vaatae.”
Ithar Ichum re Baruw
51“Hava vakhae i nemanghuwpe?” Enuw ing Aafhuw kemanghuwpa ta aeka embasang. 52Amana Jesu ing eningna ariir, “Chukhaenache thang-baen lipah khaena kasebok ynsuwh thiimthang ae chaap ing endeen vakhae itharkho amanche baruwkho ahemandang eensung aafhuw thoh aanghakva.”
Nazaret na Jesu Enrumah
(Mk 6.1-6; Luk 4.16-30)
53Jesu ing thamin itong amanchi-dehna ympeenka 54ama ing aongnii paam tungka meekongnii nache mee aechu amanchuw, amana enuw ngik aeka enriir, “Hava mee inge hangjaeh ising iveer i vokhehkho mee ing atuchehmah nong atu havi utanii aphava? 55Atak chuve thing ichar nongtu siti khamah vakhang? Amnuw ruming Meri mahvakhang? Jems, Josep, Simon vokhehkho Judas aekha anaemah paekhang? 56Amanche asar ae chukho inuwthoh onghakmah muwkhang? Chunuwcha hava vakhae i ama ing utanii aphava?” 57#Jhn 4.44Changche ichii ing Jesu enrumahchu emandang. Changvakonchu Jesu ing eningna ariir, “Thangnang jaephar i reentaang paam navaang akhuwsung mee vokhehkho a-eengkuw mee ae rap ingkho teenmah ae.” 58Enuw ing aningna enthachamah khaenache, Jesu ing ama mapham nache iruungpak nong inempak tumah.
Zur Zeit ausgewählt:
METHIU 13: MOYO
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
METHIU 13
13
Sachii Ivorna Ynghuwnii
(Mk 4.1-9; Luk 8.4-8)
1Ama inii nache Jesu ing een tanii hungsuwhka chifhuw kuurting vaksa. 2#Luk 5.1-3Ama mapham nache akuurna mee inempak avaangkong tahnache Jesu ing ruwkuwngna hangkarka ngiirsa; changlaenche mee vakhae ing chifhuw kuurnache ingiir ae. 3Amana Jesu ing thamin atongthoh ynruw ing manchuw aeka eningna ariir, “Mee yngkheh ing sachii ivor hungsuwhsa, 4ama ing sachii avorlae lam kuurna ibuwchu vaati ing asahpa. 5Sachii areh inche rung kaarna bukka abur adongkhroh tahnache imaenhak ing hangmuwng khangnakho 6inii ynsa ing deengka manvuwsa, vokhehkho arajung paecheh mahka chongsa. 7Sachii areh inche iring kaarna bukka iring inche aabuum tahnache ynla chehmahsa. 8Sachii areh ingve ruwruw isana bukka isajaeh ing hang-muwngka sarup chaama, somruk, vokhehkho sarup somthum ithi ing ynlana.” 9Aana ipaar mee chaap inche siisa rasiing.
Ynghuwnii thamin khaena Amanden
(Mk 4.10-12; Luk 8.9-10)
10Amana sebok ae ing Jesu ningna ensii, “Ynchii khaena eningna yng-huwnii thamin ing natongva.” 11Jesu ing eningna abasang, “Ithuwhpak Thangnang lipah chong havi neningna chembe amandangpa, changvakonchu eningna chembe pimahri ae. 12#Met 25.29; Mk 4.25; Luk 8.18; 19.26Adeen mee ningna inempak adeennii ing pivakata; amanche adeenmah mee ningtanii chuve adeensah topohti chukho rivakata. 13Ki ing eningna ynghuwnii thamin ing katong havi en-khang ae nakho mumahnii ae, rungae vaatae changvakonchu siimahnii ae amanche ynghuwkho manghuwmahnii ae. 14Jaephar Isaia ing ajeerchu entaklina suwhna amachuve:
‘Enuw ing rungae chuve rungaevaatae, changvakonchu manghuwmah niiae,
enuw ing enchuve envaatae changvakonchu mumah niiae.
15Akhaechuve embarungriir musa vokhehkho engana pirsa,
amanche emik engasiingpa;
changmah nave emik ing muae naka, engana ing siiae naka,
embarungriirna manghuw ae naka,
vokhehkho kaningting hunganleh ae naka,
amanche ki ing enuwchu mandamva kachiipae.’
16 #
Luk 10.23,24 “Changvakonchu nenuw chuve aajaehmeh nenlaepah isava! Ne-nuwve nemupa, amanche isiikho nensiipa. 17Ki ing neningna atatak ing kariirnah, Jaephar aajaeh ing vokhehkho Thangnang mee aajaeh ing nenuw ing nemu havi munungka enchii muchehmah ae, amanche nensii chong havi siinungka enchii siichehmah ae.
Jesu ing Sachii ivorna Ynghuwnii ing ariir
(Mk 4.13-20; Luk 8.11-15)
18“Chutahnache sachii ivor thamin havi rungaeruw. 19Achuw yngkheh ing iruwng lipah chong havi siikhang nakho manghuwmah nave, ichamah thengka abarungriirna avorchu asiihpa; haviva lam kuurna sachii ynvorchu. 20Rung kaarna sachii ynvor chuve, ama ing chongchu asiithoh rotharohpak ing anikungna aaraangpa. 21Changvakonchu arajung ithuwh ing apaehmah tahnache among pangteh khaena abadaar. Chutahnache havana chong khaene inangnii abasuw raenche ama ing anikungna abathenpa. 22Iring kaarna sachii ynvor chuve, isa chongchu asiipa, changvakonchu laaruw paam vakhar re lerchii yndik ing chehka ynlachehmah chuva. 23Ruwruw isana sachii ynvor chuve chongchu siika amanghuwsa, amanche sarup chaama, somruk, vokhehkho sarup sothum ynlana.”
Ichuwr muwna Ynghuwnii
24Jesu ing eningna reentaang thamin yngkhehkho atong amachuve, “Thangbaen paam i mee yngkheh ing isa sachii avorthoh yndeeng arusa. 25Changvakonchu mee aenche enjaarthir aajeehnii mee ing thengka akaarna ichuwr amuw vorka yngkaesa. 26Chukhaenache hangmuwngka aanlarae ichuwr thoh hangmuwngsa. 27Amana ameenae aeng theng aeka aningna enriir, ‘Aafhuw naruwraena isa sachii vormah chiikhang? Ynsaang taka ichuwr ynvaeva?’ 28Jesu ing eningna ariir, ‘Havi ki eejeehnii mee aeng atupae.’ Amana meenae aeng embasang, ‘Chunuwcha vaknungka ichuwr chaap vaaphichir kente?’ 29Changvakonchu ama ing ariir, ‘Iphimah riruw,’ ichuwrchu kenga-phinah tatanuwka gehu burkho iphiniiva nenta. 30Khangkhe ichii ing muwnghak jaehtah ae rasiing, ikuumpha inii nache ki ing aakuum ae ningna ichuwr aekha ynthufhuw ing amaensana khuum nuwna phuwpruw, changvakonchu gehu chuve ki kaatomting thinruw tavakata.”
Encham muwna Ynghuwnii
(Mk 4.30-32; Luk 13.18-19)
31Jesu ing eningna reentaang thamin yngkhehkho atong, “Thang-baen lipah i mee yngkheh ing encham muw avorthoh aanghakna; 32havi sachii kaarna aasiingsehva, changvakonchu ahangmuwng raenchembe hangruungka thingbur vaang ruungna, amanche vaati aeng enrabuw enghuwniinah.”
Chor taklina Ynghuwnii
(Luk 13.20-21)
33Jesu ing eningna thamin reentaang yngkhehkho atongreeh, “Thangbaen lipah i rupanuw yngkheh ing jaamchu sarup ynthum chor thohche manvaenohka ahangpuur mahtaang athuur thoh aanghakna.”
Jesu ing Ynghuwnii thamin ing Ichong
(Mk 4.33-34)
34Jinge ichii ing Jesu ing eningna chong aangkheng ynghuwnii thamin ing atong; ynghuwnii thamin ynvaeru ing yntanga chongmah. 35Havi Jaephar ing ariir chongchu isuwhnii khaena ariirva,
“Ki kaner ing thamin tongva kata,
laaruw paam abasenraennii ing yndangmah ithuwh chong aangkheng riirva kata.”
Jesu ing Ichuwr omna Ynghuwnii ariir
36Aanuwna Jesu ing mee vakhaechu maka een sungting varuwhsa, amana asebok aeng theng aeka Jesu ningna enriir, “Ruwraena ichuwr om thamin natong khaenakhe isajaeh ing iriirpeehra.”
37Amana Jesu ing enuwchu basang-ka ariir, “Isa sachii avorchu Mee Sapa chuva; 38ruwrae inche laaruw paam iva; amanche isa sachii inche iruwng lipah siti aepae; ichuwr inche ichamah siti aepae, 39amanche ichamah avorchu umlaeva; ikuumpha ahenpha inche laaruw paam hungchi ynthongva amanche aakuum mee aechu vaarmee aepae. 40Ichuwr khuum aeka embathu vaangkhe, laaruw paam achipha nache changche suwhvaata. 41Mee Sapa inche avaarmee ae jenchiir vaata, enuw ing isii atu mee ae vokhehkho ichamah mee vakhae khuum vaatae. 42Amana enuwchu mi sungting renvaatae; amanache enuw ing chapvaatae vokhehkho engha iriir ae naka ijachaam phavaatae. 43Chang-laenche Thangnang mee aenche iruwng lipahna inii irengvaang rengvaatae. Aana ipaar mee chaap inche siisa rasiing.”
Ynthuurjaehka om Lerchiina Ynghuwnii
44“Thangbaen lipahchu ruwraena lerchii yndimka omthoh aanghakna, amachu mee yngkheh ing atuwhtahna mangkhum jaehka arutha iroh ing yngkaeka adeensah aangkheng juwrka ruwraechu aariithoh ynghakna.”
Amen Iruwpak Rungna Ynghuwnii
45“Athar vokheh, Thangbaen lipah-chu amen iruwpak rung ajong lerchii ataar mee yngkheh thoh aanghakna, 46ama ing amen iruwpak rung yngkhehchu atuwhpa; amana yngkaeka ama ing adeensah aangkheng juwrka amachu aariipa.”
Ichakna Ynghuwnii
47“Athar vokheh, thangbaen lipah-chu ngaklah aeng chifhuwna ichak deeng aeka nga masing ikip inempak ahengkhum pohthoh aanghakna, 48ichakchu sipka taangting aheng-kipae; amana ong aeka isa chaapchu khutheengna enthinpa changvakonchu isamah chaap chuve enrenpa. 49Chang-che ichii ing laaruw paam ikho achipha nache suwhvaata. Vaarmee aeng juwng ae naka isa mee ae kaartanii isamah mee aechu iteervaatae, 50amanche isamah vakhaechu mi sungting renvaatae; amanache chapvaatae vokhehkho engha iriir vaatae.”
Ithar Ichum re Baruw
51“Hava vakhae i nemanghuwpe?” Enuw ing Aafhuw kemanghuwpa ta aeka embasang. 52Amana Jesu ing eningna ariir, “Chukhaenache thang-baen lipah khaena kasebok ynsuwh thiimthang ae chaap ing endeen vakhae itharkho amanche baruwkho ahemandang eensung aafhuw thoh aanghakva.”
Nazaret na Jesu Enrumah
(Mk 6.1-6; Luk 4.16-30)
53Jesu ing thamin itong amanchi-dehna ympeenka 54ama ing aongnii paam tungka meekongnii nache mee aechu amanchuw, amana enuw ngik aeka enriir, “Hava mee inge hangjaeh ising iveer i vokhehkho mee ing atuchehmah nong atu havi utanii aphava? 55Atak chuve thing ichar nongtu siti khamah vakhang? Amnuw ruming Meri mahvakhang? Jems, Josep, Simon vokhehkho Judas aekha anaemah paekhang? 56Amanche asar ae chukho inuwthoh onghakmah muwkhang? Chunuwcha hava vakhae i ama ing utanii aphava?” 57#Jhn 4.44Changche ichii ing Jesu enrumahchu emandang. Changvakonchu Jesu ing eningna ariir, “Thangnang jaephar i reentaang paam navaang akhuwsung mee vokhehkho a-eengkuw mee ae rap ingkho teenmah ae.” 58Enuw ing aningna enthachamah khaenache, Jesu ing ama mapham nache iruungpak nong inempak tumah.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.