1 Tesalonaika 3
3
Pol Niuwuwul Timoti La Tesalonaika Nako Mintenkitneip Ntiel
1-3Yipm ka ntinkirai apulp sank Wulapm Weink ka nakimp anel apulp wankepm kana ninkemp an omoule ka sopilel. Aser an numpul apulp yipm, ka yipm ninkemp wankepm nkamp yakop apulp nio Jisasel. An nak na wankepm irpm kilelel ko yupul yapmonemp aiyipmel na yer mitimitink, arokn? Kakilpe an karokn walil, an ka kitip sank amu lekekn apulp na Silvanus nti Pol ko yer Atens, et an ko niuwuwul Timoti ko la nser yipm. Timoti ka mamuntoump Kristenel antelel, kil kana yet yipm opmoump na mintenkitneip yapmonemp aiyipmel na yer mintenk yentemp Wulapm Weinkel. 4Kumpueik an antemp yipm arel, an ka nakimp yipm na wankepm mitinkel irpm kileyar ninkemp an omoule Kristenel. Aser keielel yipm aser amorel, sinsi koretel kilelel karep niminink. 5Apm ka wonempwaiyimp apulp na Satan ko ninkai yipm na waker yapmonemp tikikn. Kona ntokilelel, niokn antelel kako nkupmus kitapm. Kakilpe karokn walil, apm pelkel niuwuwul Timoti la ser yipm, apulp nako apm semp ntinkirai yupulp yipm, ka yipm etn mintenk, arokn? Yapmonemp yipm ka ar mintenk apulp Krais, arokn?
Pol Aiyimp Wulapm Weink Apulp Na Sikinipil Aiyapel Na La Ser Ntiel
6Aser keielel, Timoti naimpil nanketel sukueimp an apulp yipm, apulp yapmonemp aiyipmel ka ar mintenk apulp Wulapm Weink. Kil nak na yipm ka akei ontonipuknel nkrawomp nti omoule eikusukn. Kil nakimp an na aninkanink yipm ka akei yapmonemp niuluknunel wonempwaiyimp an, mpuaimpuai apulp an. Kil nak na upuikn aiyipmel ka suknelip na ser anel, ka soplekekn yapmonemp antelel apulp yipmel. An ka naimpil eipm sopilelel, yapmonemp antelel ka mpuaimpuai yatip apulp yipm, 7et yipm ka akei Krais nkael. Sank keielel ka mintenkitneip an na yetn mintenk yorkuos wankepm irpm yakop kipe ninkemp anel. 8-9Sank an eipm apulp yipm ka etn mintenkel ka apul an yapmonemp naimpil pipilaknimp. An ka nak naremp Wulapm Weink apulp yipm yatip. An kona etn niampepm Wulapm Weinkel antemp mpuaimpuai suknel apulp yipm. 10-11Wunomp awun an markipninket Wulapm Weink mintenk nako kil krak aiyapel nako an la ser yipmel. Sinsi mpurel ka yipm akei wieel, ko an nimpil nikimp yipm yiki yapmonempel nako yapmonemp aiyipmel yer mintenk, yapmonemp yipm kakorokn wank. 12An aiyimp Sepmel Antelel ko kil yupulp yipm yapmonemp na serp sukn nako yipm yekei onto nipuknel nkrawomp yipm aiyipm yentempel nti omoule eikusuknel. Et ntokilelel, yipm ko yupul soplekekn nuarep yapmonemp antelel apulp yipmel. 13Sepmel Antelel kako mintenkitneip yipm yapmonemp nako yipm yer ntinkirai yer niampepm Wulapm Weinkel ka Waiek antelelel. Kona Sepmel Antelel Jisas na nimpil yo yentemp nti omoule ntinkiraiel eikusukn, et yipm ko yer ntinkirai soplekekn. Emelel kakorokn ninkemp sank koretel lekekn na mperp yipmel.
Zur Zeit ausgewählt:
1 Tesalonaika 3: xbiW
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2000, Wycliffe Bible Translators, Inc. All rights reserved.
1 Tesalonaika 3
3
Pol Niuwuwul Timoti La Tesalonaika Nako Mintenkitneip Ntiel
1-3Yipm ka ntinkirai apulp sank Wulapm Weink ka nakimp anel apulp wankepm kana ninkemp an omoule ka sopilel. Aser an numpul apulp yipm, ka yipm ninkemp wankepm nkamp yakop apulp nio Jisasel. An nak na wankepm irpm kilelel ko yupul yapmonemp aiyipmel na yer mitimitink, arokn? Kakilpe an karokn walil, an ka kitip sank amu lekekn apulp na Silvanus nti Pol ko yer Atens, et an ko niuwuwul Timoti ko la nser yipm. Timoti ka mamuntoump Kristenel antelel, kil kana yet yipm opmoump na mintenkitneip yapmonemp aiyipmel na yer mintenk yentemp Wulapm Weinkel. 4Kumpueik an antemp yipm arel, an ka nakimp yipm na wankepm mitinkel irpm kileyar ninkemp an omoule Kristenel. Aser keielel yipm aser amorel, sinsi koretel kilelel karep niminink. 5Apm ka wonempwaiyimp apulp na Satan ko ninkai yipm na waker yapmonemp tikikn. Kona ntokilelel, niokn antelel kako nkupmus kitapm. Kakilpe karokn walil, apm pelkel niuwuwul Timoti la ser yipm, apulp nako apm semp ntinkirai yupulp yipm, ka yipm etn mintenk, arokn? Yapmonemp yipm ka ar mintenk apulp Krais, arokn?
Pol Aiyimp Wulapm Weink Apulp Na Sikinipil Aiyapel Na La Ser Ntiel
6Aser keielel, Timoti naimpil nanketel sukueimp an apulp yipm, apulp yapmonemp aiyipmel ka ar mintenk apulp Wulapm Weink. Kil nak na yipm ka akei ontonipuknel nkrawomp nti omoule eikusukn. Kil nakimp an na aninkanink yipm ka akei yapmonemp niuluknunel wonempwaiyimp an, mpuaimpuai apulp an. Kil nak na upuikn aiyipmel ka suknelip na ser anel, ka soplekekn yapmonemp antelel apulp yipmel. An ka naimpil eipm sopilelel, yapmonemp antelel ka mpuaimpuai yatip apulp yipm, 7et yipm ka akei Krais nkael. Sank keielel ka mintenkitneip an na yetn mintenk yorkuos wankepm irpm yakop kipe ninkemp anel. 8-9Sank an eipm apulp yipm ka etn mintenkel ka apul an yapmonemp naimpil pipilaknimp. An ka nak naremp Wulapm Weink apulp yipm yatip. An kona etn niampepm Wulapm Weinkel antemp mpuaimpuai suknel apulp yipm. 10-11Wunomp awun an markipninket Wulapm Weink mintenk nako kil krak aiyapel nako an la ser yipmel. Sinsi mpurel ka yipm akei wieel, ko an nimpil nikimp yipm yiki yapmonempel nako yapmonemp aiyipmel yer mintenk, yapmonemp yipm kakorokn wank. 12An aiyimp Sepmel Antelel ko kil yupulp yipm yapmonemp na serp sukn nako yipm yekei onto nipuknel nkrawomp yipm aiyipm yentempel nti omoule eikusuknel. Et ntokilelel, yipm ko yupul soplekekn nuarep yapmonemp antelel apulp yipmel. 13Sepmel Antelel kako mintenkitneip yipm yapmonemp nako yipm yer ntinkirai yer niampepm Wulapm Weinkel ka Waiek antelelel. Kona Sepmel Antelel Jisas na nimpil yo yentemp nti omoule ntinkiraiel eikusukn, et yipm ko yer ntinkirai soplekekn. Emelel kakorokn ninkemp sank koretel lekekn na mperp yipmel.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2000, Wycliffe Bible Translators, Inc. All rights reserved.