San Juan 15
15
Jesús ti inta to uva
1’Janhan mé ti nta to uva la Tꞌaná mé ti nkexro tꞌayakohen. 2Jehe chꞌan tsꞌochrínjin chꞌan chaon ti inta tꞌónahña ito, a̱ndá nchetjuákꞌá chꞌan ti chaon inta tꞌóna ito kixin a̱ntsí itsjé to tsꞌóna. 3A̱ndá jahara la kótjuáxinra ti itan kꞌuétjo̱nkara. 4Ti tsi̱to̱éhyara ti janhan, ndá kja̱xin janhan tsi̱to̱a̱hya ti jahara. Kixin éxi ijnko chaon inta ti tsíkꞌaxrjentehe, la xrokjuahya tsꞌóna ito, mé xi̱kaha ti jahóra la xitjahya si̱chꞌera ti ixra̱ kuénta̱na.
5’Janhan mé ti nta to uva, a̱ndá jahara la ti chaon ti inta to uva tsíkꞌañántá. Ti nkexro nkoko̱a tjeki̱a̱n mé tsꞌóna nchónhña ito. A̱ndá ti tsi̱to̱héra ti janhan, la ninkehó ixra̱ tsjáchahyara si̱chꞌera. 6A̱ndá ti nkexro nkoko̱ahya tjéki̱a̱n la mé éxi ti inta tꞌónahña to uva la tsochrijin tsjikꞌitjí kixin tsoxámá, ndá chrꞌéxi̱n tsoxrejó la tsoche.
7’Méxra̱ ti chaxín tsi̱to̱éhyara tsitekaonra ti janhan la ko tsꞌitjáñahñara ti nkehe kjuákohára, ndá ti tsjanchiara ichrén nkehe tjinkáonra la tsꞌayéhéra. 8A̱ndá Tꞌaná la tso̱chéhe̱ chꞌan ti si̱chꞌera itsjé ixra̱. Mé xi̱kaha tsjáko̱xi̱nra kixin tinkachónkira ti janhan. 9Janhan tjua̱hára éxi tjua̱na Tꞌaná. Chrókui̱to̱éhyara ti janhan kixin imá tjua̱hára. 10Ti tsítekáonra ti nkehe kuétua̱hanra ndá tso̱nohara kixin tjua̱hára éxi janhan nta̱xiteyá ti nkehe kꞌue̱to̱an Tꞌaná, ndá nona kixin jehe chꞌan mé tjue̱he chꞌan ti janhan.
11’Mé xi̱kaha tjo̱nka̱ra kaín tíhi kixin tso̱cháhara, éxi chàna xi̱kaha mé tso̱chèxin a̱sánra. 12#Jn. 13:34; 15:17; 1Jn. 3:23; 2Jn. 1:5.*Ti nkehe tétua̱hanra la mé tíhi: chrótjue̱héra kichuara éxi janhan tjua̱hára xi̱kaha. 13Ti nkexro tja̱ko̱xi̱n nkexrín imá tjue̱hé ti nkexro chóxin, la tꞌenyákohe̱n ti jehe sin. 14Jahara mé chojni choxián ti tsítekáonra ti nkehe tétua̱hanra. 15Ndáxrja̱nhña kixin jahara la chojni chꞌexón ixra̱, kixin ti chojni chꞌexón ixra̱ la noehña nkehe ixra̱ ichꞌe ti làmoé. A̱ndá jahara la chojni choxián janhan kixin kaín nkehe kjuako Tꞌaná la kjuákohára. 16Jahara la kjuéyáhyara ti janhan. Náhí. Janhan kjuéyá ti jahara kixin tso̱tja̱hára ixra̱, la éxi ti inta náxrjón tꞌóna itsjé to uva mé chrókꞌuaxrje jína ti ixra̱ si̱chꞌera la tsꞌitjáñahña. Ndá Tꞌaná mé tso̱tjáhara kaín ti nkehe tsjanchexínra ni̱ná. 17Mé xi̱kaha tétua̱hanra kixin chrótjue̱héra kichuara.
Ti sin chjasintajni nínkakohen ti chꞌin Jesús
18’Ti tso̱nínkakohanra ti chojni chjasintajni la xráxinkaonra kixin senó janhan kónínkakóna sin. 19Ti jahara na̱xa̱ chrókjuíchꞌera éxi ti ti nkehe ichꞌe ti chojni chjasintajni, ndá ti chojni chjasintajni la chrótjue̱hé ti jahara. Kjánchó janhan kjuéyá ti jahara kixin chrókꞌuaxrjekjanxínra ti chojni chjasintajni. Méxra̱ ti chojni chjasintajni la nínkakohanra kixin í tjénka̱yáxinhñara éxi jehe sin xi̱kaha. 20#Mt. 10:24; Lc. 6:40; Jn. 13:16.*Xráxinkaonra ti nkehe tjo̱nka̱ra kixin ti nkexro chꞌehe ixra̱ ijnko lamo la kanhñó tꞌe̱to̱an. Ti nínkakohen sin ti janhan la tjinkaon sin chrókꞌóñána sin, la kja̱xin xi̱kaha sichꞌehe sin ti jahara. A̱ndá ti kuitekaon sin ti nkehe kjuákohá sin, ndá kja̱xin tsitekaon sin ti nkehe na̱xa̱ tsjákohéra sin. 21Mé xi̱kaha kaín tíhi sitꞌahara sin kixin jahara tinkachónkira ti janhan kixin jehe sin mé chónhña sin ti nkexro ichrꞌán ti janhan kꞌuinka.
22’Ti chrókꞌuinkahya ntihi la chrónixja̱hya sin, ndá chróchóntahya sin ijie̱. Ndá ijie kohya nketí tsaáxin sin kixin ti ijie̱ kjuasin sin. 23Ti sin nínkakona mé kja̱xin nínkakohen sin Tꞌaná. 24Jehe sin chróchóntahya sin ijie̱ ti chrókꞌuejokianhña sin ntihi ti kjuásian kjuaxroan ninkexró tsíkjasinhña senó. Ndá ijie ó kꞌuíkon sin kaín ti kjuaxroan la kjónté nínkakohen sin ti janhan, la ko kja̱xin nínkakohen sin Tꞌaná. 25#Sal. 35:19; 69:4.*Mé xi̱kaha tso̱hen kaín tíha ndá tsoxiteyá ti nkehe ndáchro ti ley chónta sin ndáchro: “Janhan la kjuásinhña ijie̱ la kónínkakóna sin.” 26A̱ndá ti ó itsi ti Ncha̱kuén Díos chaxín mé tsjinki̱tsa, la tsochronka nkexrín itjen janhan, kixin janhan mé tsochrꞌanxián ti itjen Tꞌaná. 27La ko jahara kja̱xin tso̱chro̱nkara nkexrín itjén janhan kixin nkoko̱a kꞌuéjoni ndesi xránkíxixín.
Zur Zeit ausgewählt:
San Juan 15: poeNTplus
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.
San Juan 15
15
Jesús ti inta to uva
1’Janhan mé ti nta to uva la Tꞌaná mé ti nkexro tꞌayakohen. 2Jehe chꞌan tsꞌochrínjin chꞌan chaon ti inta tꞌónahña ito, a̱ndá nchetjuákꞌá chꞌan ti chaon inta tꞌóna ito kixin a̱ntsí itsjé to tsꞌóna. 3A̱ndá jahara la kótjuáxinra ti itan kꞌuétjo̱nkara. 4Ti tsi̱to̱éhyara ti janhan, ndá kja̱xin janhan tsi̱to̱a̱hya ti jahara. Kixin éxi ijnko chaon inta ti tsíkꞌaxrjentehe, la xrokjuahya tsꞌóna ito, mé xi̱kaha ti jahóra la xitjahya si̱chꞌera ti ixra̱ kuénta̱na.
5’Janhan mé ti nta to uva, a̱ndá jahara la ti chaon ti inta to uva tsíkꞌañántá. Ti nkexro nkoko̱a tjeki̱a̱n mé tsꞌóna nchónhña ito. A̱ndá ti tsi̱to̱héra ti janhan, la ninkehó ixra̱ tsjáchahyara si̱chꞌera. 6A̱ndá ti nkexro nkoko̱ahya tjéki̱a̱n la mé éxi ti inta tꞌónahña to uva la tsochrijin tsjikꞌitjí kixin tsoxámá, ndá chrꞌéxi̱n tsoxrejó la tsoche.
7’Méxra̱ ti chaxín tsi̱to̱éhyara tsitekaonra ti janhan la ko tsꞌitjáñahñara ti nkehe kjuákohára, ndá ti tsjanchiara ichrén nkehe tjinkáonra la tsꞌayéhéra. 8A̱ndá Tꞌaná la tso̱chéhe̱ chꞌan ti si̱chꞌera itsjé ixra̱. Mé xi̱kaha tsjáko̱xi̱nra kixin tinkachónkira ti janhan. 9Janhan tjua̱hára éxi tjua̱na Tꞌaná. Chrókui̱to̱éhyara ti janhan kixin imá tjua̱hára. 10Ti tsítekáonra ti nkehe kuétua̱hanra ndá tso̱nohara kixin tjua̱hára éxi janhan nta̱xiteyá ti nkehe kꞌue̱to̱an Tꞌaná, ndá nona kixin jehe chꞌan mé tjue̱he chꞌan ti janhan.
11’Mé xi̱kaha tjo̱nka̱ra kaín tíhi kixin tso̱cháhara, éxi chàna xi̱kaha mé tso̱chèxin a̱sánra. 12#Jn. 13:34; 15:17; 1Jn. 3:23; 2Jn. 1:5.*Ti nkehe tétua̱hanra la mé tíhi: chrótjue̱héra kichuara éxi janhan tjua̱hára xi̱kaha. 13Ti nkexro tja̱ko̱xi̱n nkexrín imá tjue̱hé ti nkexro chóxin, la tꞌenyákohe̱n ti jehe sin. 14Jahara mé chojni choxián ti tsítekáonra ti nkehe tétua̱hanra. 15Ndáxrja̱nhña kixin jahara la chojni chꞌexón ixra̱, kixin ti chojni chꞌexón ixra̱ la noehña nkehe ixra̱ ichꞌe ti làmoé. A̱ndá jahara la chojni choxián janhan kixin kaín nkehe kjuako Tꞌaná la kjuákohára. 16Jahara la kjuéyáhyara ti janhan. Náhí. Janhan kjuéyá ti jahara kixin tso̱tja̱hára ixra̱, la éxi ti inta náxrjón tꞌóna itsjé to uva mé chrókꞌuaxrje jína ti ixra̱ si̱chꞌera la tsꞌitjáñahña. Ndá Tꞌaná mé tso̱tjáhara kaín ti nkehe tsjanchexínra ni̱ná. 17Mé xi̱kaha tétua̱hanra kixin chrótjue̱héra kichuara.
Ti sin chjasintajni nínkakohen ti chꞌin Jesús
18’Ti tso̱nínkakohanra ti chojni chjasintajni la xráxinkaonra kixin senó janhan kónínkakóna sin. 19Ti jahara na̱xa̱ chrókjuíchꞌera éxi ti ti nkehe ichꞌe ti chojni chjasintajni, ndá ti chojni chjasintajni la chrótjue̱hé ti jahara. Kjánchó janhan kjuéyá ti jahara kixin chrókꞌuaxrjekjanxínra ti chojni chjasintajni. Méxra̱ ti chojni chjasintajni la nínkakohanra kixin í tjénka̱yáxinhñara éxi jehe sin xi̱kaha. 20#Mt. 10:24; Lc. 6:40; Jn. 13:16.*Xráxinkaonra ti nkehe tjo̱nka̱ra kixin ti nkexro chꞌehe ixra̱ ijnko lamo la kanhñó tꞌe̱to̱an. Ti nínkakohen sin ti janhan la tjinkaon sin chrókꞌóñána sin, la kja̱xin xi̱kaha sichꞌehe sin ti jahara. A̱ndá ti kuitekaon sin ti nkehe kjuákohá sin, ndá kja̱xin tsitekaon sin ti nkehe na̱xa̱ tsjákohéra sin. 21Mé xi̱kaha kaín tíhi sitꞌahara sin kixin jahara tinkachónkira ti janhan kixin jehe sin mé chónhña sin ti nkexro ichrꞌán ti janhan kꞌuinka.
22’Ti chrókꞌuinkahya ntihi la chrónixja̱hya sin, ndá chróchóntahya sin ijie̱. Ndá ijie kohya nketí tsaáxin sin kixin ti ijie̱ kjuasin sin. 23Ti sin nínkakona mé kja̱xin nínkakohen sin Tꞌaná. 24Jehe sin chróchóntahya sin ijie̱ ti chrókꞌuejokianhña sin ntihi ti kjuásian kjuaxroan ninkexró tsíkjasinhña senó. Ndá ijie ó kꞌuíkon sin kaín ti kjuaxroan la kjónté nínkakohen sin ti janhan, la ko kja̱xin nínkakohen sin Tꞌaná. 25#Sal. 35:19; 69:4.*Mé xi̱kaha tso̱hen kaín tíha ndá tsoxiteyá ti nkehe ndáchro ti ley chónta sin ndáchro: “Janhan la kjuásinhña ijie̱ la kónínkakóna sin.” 26A̱ndá ti ó itsi ti Ncha̱kuén Díos chaxín mé tsjinki̱tsa, la tsochronka nkexrín itjen janhan, kixin janhan mé tsochrꞌanxián ti itjen Tꞌaná. 27La ko jahara kja̱xin tso̱chro̱nkara nkexrín itjén janhan kixin nkoko̱a kꞌuéjoni ndesi xránkíxixín.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016, Wycliffe Bible Translators, Inc. All rights reserved.