Čơdơ̆ng Phŭn 3
3
Ană mơnuih tŭ tơlơi plư laih anŭn lĕ rơbuh
1Amăng abih bang khul hlô mơnơ̆ng Yêhôwa Ơi Adai hmâo hrih pơjing laih, ala jing hlô mơnơ̆ng mơneč hloh kơ abih bang. Ala laĭ kơ đah kơmơi: “Djơ̆ mơ̆ Ơi Adai hmâo pơtă laih kơ ƀing gih ƀu dưi ƀơ̆ng khul boh kơyâo amăng đang ôh hă?”#Bơrđ 12:9; 20:2. 2Đah kơmơi laĭ glaĭ kơ ala: “Gơmơi dưi ƀơ̆ng boh mơ̆ng abih bang phŭn kơyâo amăng war, 3samơ̆ boh kơ phŭn kơyâo pla tơ̆ng krah war, Ơi Adai hmâo laĭ laih: ‘Ƀing gih ƀu dưi ƀơ̆ng ôh, ăt kŏn dưi ruaih djơ̆ boh kơyâo anŭn mơ̆n, hwĭ dah ƀing gih či djai’ ”. 4Ala laĭ kơ đah kơmơi: “Huaĭ ôh, sĭt ƀing gih ƀu djai ôh! 5Yua kơ Ơi Adai thâo klă hơbin pă ƀing gih ƀơ̆ng boh kơyâo anŭn, mơta ƀing gih či pŏk, laih anŭn ƀing gih či jing kar hăng Ơi Adai,#3:5 Dưi pơblang dơ̆ng: ƀing yang. thâo krăn tơlơi hiam laih anŭn tơlơi sat.”
6Tơ đah kơmơi ƀuh boh phŭn kơyâo anŭn rŏ dah ƀơ̆ng jơman, lăng hiam mơta laih anŭn yom yua kơ ngă brơi ñu jing rơgơi kơhnâo, tui anŭn ñu pĕ laih anŭn ƀơ̆ng, giơ̆ng anŭn ñu brơi kơ rơkơi ñu hlăk dŏ giăm ñu; rơkơi ñu ăt ƀơ̆ng mơ̆n. 7Hlăk anŭn mơta dua gơñu leng kơ pŏk hĭ laih anŭn gơñu thâo krăn gơñu dŏ mơhlŭn. Gơñu sĭt hla kơyâo hra ngă mơnơ̆ng gom drơi jan gơñu.
8Tơ gơñu hmư̆ dơnai Yêhôwa Ơi Adai rơbat amăng war hlăk klam rơơ̆, Ađam hăng bơnai ñu đuaĭ kơdŏp mơ̆ng ƀô̆ mơta Yêhôwa Ơi Adai amăng pum kơyâo amăng đang. 9Yêhôwa Ơi Adai iâu Ađam laih anŭn tơña kơ ñu: “Pơpă ih?” 10Ađam laĭ glaĭ: “Hmư̆ dơnai Ih amăng war, kâo hwĭ hnŭn yơh kâo đuaĭ kơdŏp hĭ, yua kơ kâo dŏ mơhlŭn.” 11Ơi Adai tơña: “Hlơi laĭ brơi ih thâo ih dŏ mơhlŭn? Djơ̆ mơ̆ ih hmâo ƀơ̆ng laih boh kơyâo Kâo hmâo khă găn ƀu brơi ƀơ̆ng anŭn?” 12Ađam laĭ glaĭ: “Đah kơmơi, pô Ih hmâo pioh jĕ kâo hmâo brơi laih kâo boh kơyâo anŭn laih anŭn kâo hmâo ƀơ̆ng laih.” 13Yêhôwa Ơi Adai tơña kơ đah kơmơi: “Hơgĕt ih hmâo ngă laih?” Đah kơmơi laĭ glaĭ: “Ala hmâo pleč ƀlor kâo laih anŭn kâo hmâo ƀơ̆ng laih.”#II Kôr 11:3; I Tim 2:14.
Ơi Adai klă kơđi
14Yêhôwa Ơi Adai ƀuah kơ ala:
“Yua kơ ŏng hmâo ngă laih tơlơi anŭn
Hnŭn yơh amăng abih bang hlô mơnơ̆ng rong laih anŭn hlô glai,
Kơnơ̆ng ŏng đôč mă tŭ tơlơi hơtơ̆m pah;
Ŏng či rui hăng hlŭng
Laih anŭn ƀơ̆ng ƀruih lŏn amăng abih hrơi ŏng hơdip.
15Kâo či ngă brơi ŏng hăng đah kơmơi,#Bơrđ 12:17.
Kơnŭng djuai ŏng hăng kơnŭng djuai đah kơmơi či pơkơdơ̆ng hăng tơdruă.
Ñu či juă akŏ ŏng,
Ŏng či čoh hĭ kơđôl ñu.”
16Ñu laĭ kơ pô đah kơmơi:
“Kâo či brơi kơ ih lu tơlơi gleh tơnap hloh dơ̆ng tơdang ih pi kian,
Laih anŭn thim lu tơlơi ruă nuă rĭm wơ̆t ih tơkeng.
Wơ̆t dah tui anŭn, ih ăt dŏ kiăng hơdip hăng rơkơi ih,
Laih anŭn rơkơi ih či jing khua ih.”
17Ñu laĭ hăng Ađam:#Hêb 6:8.
“Yua kơ ih hmâo gưt laih hiăp bơnai ih,
Hmâo ƀơ̆ng laih boh kơyâo Kâo ƀu brơi ƀơ̆ng,
Yua kơ anŭn yơh lŏn tơnah či tŭ tơlơi hơtơ̆m pah yua kơ ih;
Ih khŏm tŭ tơlơi tơnap tap amăng abih hrơi ih dŏ hơdip kiăng kơ ih dưi hmâo mơnơ̆ng ƀơ̆ng huă tơbiă rai mơ̆ng lŏn tơnah.
18Lŏn či čăt kơyâo drơi laih anŭn hrĕ drơi,
Laih anŭn ih či ƀơ̆ng añăm rơ̆k amăng hmua.
19Ih khŏm mă bruă tuh ia hô̆ ƀơi athơi
Kiăng kơ dưi hmâo mơnơ̆ng ƀơ̆ng huă
Tơl truh hrơi ih wơ̆t glaĭ pơ lŏn,
Jing anih ih hmâo tơbiă rai.
Yua kơ ih jing ƀruih lŏn,
Ih či wơ̆t glaĭ hăng ƀruih lŏn.”
20Ađam pơanăn bơnai ñu jing Êwa#3:20 Êwa: Amăng boh pơhiăp ƀing Hêbrơ, boh hră anai hmâo dơnai pơđok kar hăng arăng pơđok boh hră “tơlơi hơdip”; Amăng črăn pơtô anai, boh hră anai kiăng laĭ nao kơ “ană mơnuih”. yua kơ ñu jing amĭ kơ abih bang mơnuih.
21Yêhôwa Ơi Adai mă klĭ hlô mơnơ̆ng ngă jing ao phyung brơi kơ Ađam hăng bơnai ñu, laih anŭn Ñu buh brơi gơñu.
22Yêhôwa Ơi Adai laĭ: “Anai nê, ană mơnuih jing laih kar hăng Ƀing Ta, thâo krăn tơlơi hiam laih anŭn tơlơi sat. Tui anŭn ră anai brơi răng bĕ, hwĭ dah ană mơnuih či yơr tơngan pĕ boh kơyâo tơlơi hơdip hăng ƀơ̆ng hĭ laih anŭn dưi dŏ hơdip hlŏng lar.”#Bơrđ 22:14. 23Yua kơ anŭn, Yêhôwa Ơi Adai puh pơđuaĭ hĭ ană mơnuih mơ̆ng war Êđen kiăng kơ jêk jah lŏn tơnah, jing anih mơ̆ng anŭn yơh ană mơnuih hmâo tơbiă rai. 24Ñu puh pơđuaĭ hĭ ană mơnuih mơ̆ng war. Ƀơi anih gah ngŏ kơ war Êđen, Ñu dưm khul čêrubim djă đao gưm kơmlă, dar wir nanao, kiăng pơgang wai jơlan nao pơ phŭn kơyâo tơlơi hơdip.
Zur Zeit ausgewählt:
Čơdơ̆ng Phŭn 3: JRA2016
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016 United Bible Societies. All rights reserved.
Čơdơ̆ng Phŭn 3
3
Ană mơnuih tŭ tơlơi plư laih anŭn lĕ rơbuh
1Amăng abih bang khul hlô mơnơ̆ng Yêhôwa Ơi Adai hmâo hrih pơjing laih, ala jing hlô mơnơ̆ng mơneč hloh kơ abih bang. Ala laĭ kơ đah kơmơi: “Djơ̆ mơ̆ Ơi Adai hmâo pơtă laih kơ ƀing gih ƀu dưi ƀơ̆ng khul boh kơyâo amăng đang ôh hă?”#Bơrđ 12:9; 20:2. 2Đah kơmơi laĭ glaĭ kơ ala: “Gơmơi dưi ƀơ̆ng boh mơ̆ng abih bang phŭn kơyâo amăng war, 3samơ̆ boh kơ phŭn kơyâo pla tơ̆ng krah war, Ơi Adai hmâo laĭ laih: ‘Ƀing gih ƀu dưi ƀơ̆ng ôh, ăt kŏn dưi ruaih djơ̆ boh kơyâo anŭn mơ̆n, hwĭ dah ƀing gih či djai’ ”. 4Ala laĭ kơ đah kơmơi: “Huaĭ ôh, sĭt ƀing gih ƀu djai ôh! 5Yua kơ Ơi Adai thâo klă hơbin pă ƀing gih ƀơ̆ng boh kơyâo anŭn, mơta ƀing gih či pŏk, laih anŭn ƀing gih či jing kar hăng Ơi Adai,#3:5 Dưi pơblang dơ̆ng: ƀing yang. thâo krăn tơlơi hiam laih anŭn tơlơi sat.”
6Tơ đah kơmơi ƀuh boh phŭn kơyâo anŭn rŏ dah ƀơ̆ng jơman, lăng hiam mơta laih anŭn yom yua kơ ngă brơi ñu jing rơgơi kơhnâo, tui anŭn ñu pĕ laih anŭn ƀơ̆ng, giơ̆ng anŭn ñu brơi kơ rơkơi ñu hlăk dŏ giăm ñu; rơkơi ñu ăt ƀơ̆ng mơ̆n. 7Hlăk anŭn mơta dua gơñu leng kơ pŏk hĭ laih anŭn gơñu thâo krăn gơñu dŏ mơhlŭn. Gơñu sĭt hla kơyâo hra ngă mơnơ̆ng gom drơi jan gơñu.
8Tơ gơñu hmư̆ dơnai Yêhôwa Ơi Adai rơbat amăng war hlăk klam rơơ̆, Ađam hăng bơnai ñu đuaĭ kơdŏp mơ̆ng ƀô̆ mơta Yêhôwa Ơi Adai amăng pum kơyâo amăng đang. 9Yêhôwa Ơi Adai iâu Ađam laih anŭn tơña kơ ñu: “Pơpă ih?” 10Ađam laĭ glaĭ: “Hmư̆ dơnai Ih amăng war, kâo hwĭ hnŭn yơh kâo đuaĭ kơdŏp hĭ, yua kơ kâo dŏ mơhlŭn.” 11Ơi Adai tơña: “Hlơi laĭ brơi ih thâo ih dŏ mơhlŭn? Djơ̆ mơ̆ ih hmâo ƀơ̆ng laih boh kơyâo Kâo hmâo khă găn ƀu brơi ƀơ̆ng anŭn?” 12Ađam laĭ glaĭ: “Đah kơmơi, pô Ih hmâo pioh jĕ kâo hmâo brơi laih kâo boh kơyâo anŭn laih anŭn kâo hmâo ƀơ̆ng laih.” 13Yêhôwa Ơi Adai tơña kơ đah kơmơi: “Hơgĕt ih hmâo ngă laih?” Đah kơmơi laĭ glaĭ: “Ala hmâo pleč ƀlor kâo laih anŭn kâo hmâo ƀơ̆ng laih.”#II Kôr 11:3; I Tim 2:14.
Ơi Adai klă kơđi
14Yêhôwa Ơi Adai ƀuah kơ ala:
“Yua kơ ŏng hmâo ngă laih tơlơi anŭn
Hnŭn yơh amăng abih bang hlô mơnơ̆ng rong laih anŭn hlô glai,
Kơnơ̆ng ŏng đôč mă tŭ tơlơi hơtơ̆m pah;
Ŏng či rui hăng hlŭng
Laih anŭn ƀơ̆ng ƀruih lŏn amăng abih hrơi ŏng hơdip.
15Kâo či ngă brơi ŏng hăng đah kơmơi,#Bơrđ 12:17.
Kơnŭng djuai ŏng hăng kơnŭng djuai đah kơmơi či pơkơdơ̆ng hăng tơdruă.
Ñu či juă akŏ ŏng,
Ŏng či čoh hĭ kơđôl ñu.”
16Ñu laĭ kơ pô đah kơmơi:
“Kâo či brơi kơ ih lu tơlơi gleh tơnap hloh dơ̆ng tơdang ih pi kian,
Laih anŭn thim lu tơlơi ruă nuă rĭm wơ̆t ih tơkeng.
Wơ̆t dah tui anŭn, ih ăt dŏ kiăng hơdip hăng rơkơi ih,
Laih anŭn rơkơi ih či jing khua ih.”
17Ñu laĭ hăng Ađam:#Hêb 6:8.
“Yua kơ ih hmâo gưt laih hiăp bơnai ih,
Hmâo ƀơ̆ng laih boh kơyâo Kâo ƀu brơi ƀơ̆ng,
Yua kơ anŭn yơh lŏn tơnah či tŭ tơlơi hơtơ̆m pah yua kơ ih;
Ih khŏm tŭ tơlơi tơnap tap amăng abih hrơi ih dŏ hơdip kiăng kơ ih dưi hmâo mơnơ̆ng ƀơ̆ng huă tơbiă rai mơ̆ng lŏn tơnah.
18Lŏn či čăt kơyâo drơi laih anŭn hrĕ drơi,
Laih anŭn ih či ƀơ̆ng añăm rơ̆k amăng hmua.
19Ih khŏm mă bruă tuh ia hô̆ ƀơi athơi
Kiăng kơ dưi hmâo mơnơ̆ng ƀơ̆ng huă
Tơl truh hrơi ih wơ̆t glaĭ pơ lŏn,
Jing anih ih hmâo tơbiă rai.
Yua kơ ih jing ƀruih lŏn,
Ih či wơ̆t glaĭ hăng ƀruih lŏn.”
20Ađam pơanăn bơnai ñu jing Êwa#3:20 Êwa: Amăng boh pơhiăp ƀing Hêbrơ, boh hră anai hmâo dơnai pơđok kar hăng arăng pơđok boh hră “tơlơi hơdip”; Amăng črăn pơtô anai, boh hră anai kiăng laĭ nao kơ “ană mơnuih”. yua kơ ñu jing amĭ kơ abih bang mơnuih.
21Yêhôwa Ơi Adai mă klĭ hlô mơnơ̆ng ngă jing ao phyung brơi kơ Ađam hăng bơnai ñu, laih anŭn Ñu buh brơi gơñu.
22Yêhôwa Ơi Adai laĭ: “Anai nê, ană mơnuih jing laih kar hăng Ƀing Ta, thâo krăn tơlơi hiam laih anŭn tơlơi sat. Tui anŭn ră anai brơi răng bĕ, hwĭ dah ană mơnuih či yơr tơngan pĕ boh kơyâo tơlơi hơdip hăng ƀơ̆ng hĭ laih anŭn dưi dŏ hơdip hlŏng lar.”#Bơrđ 22:14. 23Yua kơ anŭn, Yêhôwa Ơi Adai puh pơđuaĭ hĭ ană mơnuih mơ̆ng war Êđen kiăng kơ jêk jah lŏn tơnah, jing anih mơ̆ng anŭn yơh ană mơnuih hmâo tơbiă rai. 24Ñu puh pơđuaĭ hĭ ană mơnuih mơ̆ng war. Ƀơi anih gah ngŏ kơ war Êđen, Ñu dưm khul čêrubim djă đao gưm kơmlă, dar wir nanao, kiăng pơgang wai jơlan nao pơ phŭn kơyâo tơlơi hơdip.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2016 United Bible Societies. All rights reserved.