Matááyo 5
5
Yíésu Guch Waaˈgiet gál hí léká ˈdiiyime
1Yíésu nyesebich argeká gurmit feˈjie, yíéđie, mú lalille mú ˈdu gáá yimie.#5:1 Matááyo 5:1 ˈjíig 7:29 ˈdiiyiminy Yíésu hí gurmit ˈdug gaa ˈdiiyimeká he ˈdeenyle hogoto. 2Aalé mu đo he onisinyle mé gáá kodhdhe, gáál geey, kieye,
3Gál hát lulle mán-, Waag bala ˈdú nieká
hé Waag hí ˈdú ˈjeˈjeenno.
Guch Waaˈgiet gál hí léká hé kinaallá.
4Gál buony gaa ijoká
hé Waag hí ˈdú ˈjeˈjeenno,
Waag hí imiro gaa shugudmicho.
5Gál hol ma egenyká
hé Waag hí ˈdú ˈjeˈjeenno,
aadh ˈdaatika lésallá lulle hai liileedhe.
6Gál hát Waag hí feˈdoká kuoˈdle ubaa barmle hí yegeská
hé Waag hí ˈdú ˈjeˈjeenno,
Waag hí fafaˈgsicho.
7Gál gálaat gerka guurá ˈguoká
hé Waag hí ˈdú ˈjeˈjeenno,
Waag hí geer guurá aargisicho.
8Gál hé ˈdeđewká ger ma ki sisin-, kasle Waag gaa iđieká
hé Waag hí ˈdú ˈjeˈjeenno,
gaal Waag hai aargira.
9Gál naanná gálaat hursam gaa sisidhoká
hé Waag hí ˈdú ˈjeˈjeenno,
gáál um Waaˈgieto gaalí yegedhe.
10Gál hát Waag hí feˈdoká el gaa igiro-, tá gaalí maanyjasuoká,
hé Waag hí ˈdú ˈjeˈjeenno.
Guch Waaˈgiet gál hí léká hé kinaallá.
11Itín af giri gaalí egesheyo-, gaalí maanyjasuo-,
he met lullé ˈdeđewká ˈdaachúka gaalí ˈdú hogodhoká,
it kinaallá Waag hé hí ˈdú ˈjeˈjeenno.
12Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.
Les shúgútle ubaa édhúmle yiedhíe
13Itín lésalláka, hát hí les shugutlé. Tá shúgút gaalí hé éíy taaka hol warase-, ˈjám ˈdabiyyeka háteeye midhab? Shúgút kinaallá hé hujich mán, hélle les ki okoˈdíti, giri gálaat hí ˈdug gaa seseenká.
14Hát ény gaalí gúm mé ˈdug gaa ˈdisse-, ereny mánkáka itín hí lésallá édhúmlé. 15Gálaat hé nyátáá ma bolmosiny, nyátáá he af ma bubuny. Nyátáá urgúaka úrro gaalí ki ređia, in édhúmle gál ˈbíl gaa ijoká lulle hí biiy ki arga. 16Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.
He onisiny ˈdaa hemuumuritiká
17Aaléka, haí kieye, mu ka yimíéllá mu hemuumurit Waag hí Móshe ka shiicheká ubaa ˈdeem gál Waag hí ˈdeem ka shigicheká hí veereká he les gaa beđia, hí ye chéen. Yú ka yimíéllá yáá hé kinaallá les ma gaa beđiny, yú hemuumurit kinaallá ubaa ˈdeem kinaallá héllé đuđusia. 18Yú hí hé ˈdúwaká geeye, ˈdaab úr ubaa les el met hí ma ˈgînká, hemuumuritééllá hé ˈdéé umut níínní ubaa sányárích níínní hí gaa baađawká mán, ˈjíig héllé huogodheká lulle ali kí ˈdee.
19Aaléka, máá hemuumuritééllá hemuritlé ninniká tikiˈd gaa ˈdeeneyo-, tá gálaat yaalmit kinaal ki oonisuoká, máá kinaallá Guch Waaˈgietka, máá biiy el ˈdaˈdká ha gaalí gaa yeedhe. Tá máá hemuumurít lulle tág chirat-, yaalmit kinaal gálaat oonisuoká, máá kinaallá Guch Waaˈgietka, máá guđoká ha gaali gaa yeedhe. 20Aaléká, yú hí geeye, itín har hát Waag hí feˈdoká hí hát ˈduwantiká el ma gaa igiriny-, hí gál Farisaay ubaa gál gálaat nyatalaam oonisuoká hí af mé ma ˈgisanka, af kinaalka itín gon Guch Waaˈgiet ál níínní hí ki higillaká mán.
Ídho hol gáá mony
21It hemurit Waaˈgiet-, Móshe hí gál heleká geey-, giri kieye, Ha máádhat chíésiny,#5:21 Yíéˈdími 20:13 máá máádhat yeeská hé ˈdéé ki iđiny hí met gaa iđo, chieká maalle. 22Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.
23Aaléka, har hé kua shiichoká kúb gaalí Waag hé shiicho ˈdug gaa shiguoká álle site-, tá nyárkú héllé ki ˈdeeneycheká ko táb ká ˈjieka, 24hé kua shiicho kinaallá kúb kinaal álle ki hash, sí, nyárkú makan ˈjé, tá hol nú, hé kua shiichoká Waag shíish. 25Máá ko ˈdéé gaa sisidho-, ko máá arra ˈdú egeetká hí hol ˈgayya-, hí ˈgierich gaa igiˈdaka, đo hol gár ˈdú naʼ, mu hai síen, ko máá gálaat ˈdéé ki iđimuo kinaal gíl gaa káany, máá kinaal ko máállé yuoyóká gíl gaa káany, gaal ko híígin. 26Yú ko hé ˈdúwaká geeye, har ˈbíl hiigin kinaallá gaalí ko gaa kaayka, kó yé ma ká ˈdeeminy, ˈdaab ew gaalí ko ki mureká lúl yé ma ˈdéenyká.
Herginy hol ˈdú buraaká
27Aaléka, ˈdaa gál hol shuunnekáka, it hemurit Waaˈgiet-, héle Móshe hí hodhe-, giri kieye, Haí hol ˈdú burúminy,#5:27 Yíéˈdími 20:14 chieká maalle. 28Tá yú íín hí geeye, máá min eiy hí il hergisato-, min baltle ˈguoká, gon hát máá minle ˈdú buraay. 29Har íl kua ˈdaa naanietká ko ađááb mé ki kokoyyoka, ali gaa sílish, lab. Gónkú ali tikiˈd manítaka kalat, hát gónkú alulle ˈgayyo-, tá Waag ko ˈjiet biiyoká ki lalaannóóllá muuniny. 30Héétí, har gíl ˈdaa kua naanietká ko ađááb mé ki kokoyyoka, ali gaa mur, lab. Gónkú ali tikiˈd manítaka kalat, hát gónkú alulle ˈgayyo-, tá Waag ko ˈjiet biiyoká ki lalaannóóllá muuniny.
Hol eiy gaa gálim
31Hemurit Waaˈgiet hát chieká úba hé Móshe hí hodhe, giri kieye, Máá minle điidhoká hí min warˈgat hol eiy gaa galimiká ki muro,#5:31 Hemuumurít ˈDéé Hótlé 24:1 chieká. 32Tá yú íín hí geeye, máá minle hí ma ˈdú hergîny-, min điidhoká, min herginy ađaabieto he mé ki koy. Tá máá min bélle hí điidheká eetká herginy ađaabieto he hile.
He ˈdoon hayyíe
33It úba hemurit Waaˈgiet Móshe hí gál heleká geey-, giri kieye, Waag ˈdoote-, he af iđicheka hé kinaallá ha hâny, hé Máá Guđo Waag af iđicheká ˈdúwash, chieká, maalle. 34Tá yú íín hí geeye, haí he tikiˈd úba ˈdóon. Haí úr ˈdóon, ur he Waag karallé guchiká. 35Haí les ˈdóon, les he kara Waag hí ˈgasle ˈdú kokoyyoká. Haí Yerúsalem ˈdóon, Yerúsalem he ény Kánsích kúnnaa Guđoká. 36Héétí haí metkícho ˈdoˈdóon, ˈdaa giri metkícho dhúrle tikiˈd hí édh, muuninyka, hí óngʼor ma hođinyká. 37Tá har hí iiy-hí chieka, đo ˈduwayyíe. Har hí híʼi chieka, đo ˈduwayyíe. He ˈdoon hayyíe, he ˈdoon máá súm ˈdeew-, Sátan léká he yé gáá ˈdeˈdeenne.
Máádhat hai hala káany
38It hemurit Waaˈgiet-, Móshe hí gál heleká geey-, giri kieye, Il ílle aˈgaˈd madía, kachint kachintle aˈgaˈd madía,#5:38 Yíéˈdími 21:24; ˈDeemano Gál Levi 24:20; Hemuumurít ˈDéé Hótlé 19:21 chieká, maalle. 39Tá yú íín hí geeye, máádhat ko hé ˈdeewká ki ekeyka, ha hala káany. Máádhat he ko nét ˈdaa naaniet gaa ˈdoyka, nétatí úba ki kog. 40Máádhat he ko ar met egew-, ko shaamít af ki ririatká fedoka, kótekú úba ki fur. 41Máá yuoyóká har ko ˈdéé ˈdú moy-, ko geey-, Ye shókódíchallá ˈgar éew, yieka, mú shokodich ˈgar éew, ál muí ko ˈdú moyká a naam af yíé ˈdé. 42Máá ko he ruogonoká he shíish, máá ko he gaa eergiatká fedoká ha he rîny.
Gál hí hol ka kídhká geelnedhíe
43It ˈdéé hót kieye, Máá olkú géélneb,#5:43 Hemuumurít ˈDéé Hótlé 19:18 kídhíchkú nébet, chieká maalle. 44Tá yú íín hí geeye, gál hí hol ka kídhká geelnée, gál hí maanyjasuoká Waag ki viivitíe, 45giri ˈJaa kíchia úr ijoká hí umle chegetoká. Hééllá he ˈdaa giri mu aadh gál ˈdeđewká ubaa gál ˈduuˈdúwaká ˈdú koy-, ir gál saas mánká ubaa gál saas ˈguoká ˈdú gáá haađuoká. 46Itín har gál hí geelnedheká tákáma hí geelneteka, ˈduuw máre hí yé ˈdú ˈdiiyye? Gál birm gugusatká hé úba hát tikiˈdééllá ekemesetká muunîny? 47Har gálkícho tákámle hí naa chegetoka, hé kinaallá hé hát aađa-, galaatká muunîny? Gál Waag muogká úba hé hát kinaallá ekemesetká muunîny? 48Aaléka, hát ˈJaa kíchia úr ijoká hí tagléélláka, itín úba gál tagléká yiedhíe, Yíésu hí gáál yie.
Zur Zeit ausgewählt:
Matááyo 5: dsh
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Bible Translation and Literacy
Matááyo 5
5
Yíésu Guch Waaˈgiet gál hí léká ˈdiiyime
1Yíésu nyesebich argeká gurmit feˈjie, yíéđie, mú lalille mú ˈdu gáá yimie.#5:1 Matááyo 5:1 ˈjíig 7:29 ˈdiiyiminy Yíésu hí gurmit ˈdug gaa ˈdiiyimeká he ˈdeenyle hogoto. 2Aalé mu đo he onisinyle mé gáá kodhdhe, gáál geey, kieye,
3Gál hát lulle mán-, Waag bala ˈdú nieká
hé Waag hí ˈdú ˈjeˈjeenno.
Guch Waaˈgiet gál hí léká hé kinaallá.
4Gál buony gaa ijoká
hé Waag hí ˈdú ˈjeˈjeenno,
Waag hí imiro gaa shugudmicho.
5Gál hol ma egenyká
hé Waag hí ˈdú ˈjeˈjeenno,
aadh ˈdaatika lésallá lulle hai liileedhe.
6Gál hát Waag hí feˈdoká kuoˈdle ubaa barmle hí yegeská
hé Waag hí ˈdú ˈjeˈjeenno,
Waag hí fafaˈgsicho.
7Gál gálaat gerka guurá ˈguoká
hé Waag hí ˈdú ˈjeˈjeenno,
Waag hí geer guurá aargisicho.
8Gál hé ˈdeđewká ger ma ki sisin-, kasle Waag gaa iđieká
hé Waag hí ˈdú ˈjeˈjeenno,
gaal Waag hai aargira.
9Gál naanná gálaat hursam gaa sisidhoká
hé Waag hí ˈdú ˈjeˈjeenno,
gáál um Waaˈgieto gaalí yegedhe.
10Gál hát Waag hí feˈdoká el gaa igiro-, tá gaalí maanyjasuoká,
hé Waag hí ˈdú ˈjeˈjeenno.
Guch Waaˈgiet gál hí léká hé kinaallá.
11Itín af giri gaalí egesheyo-, gaalí maanyjasuo-,
he met lullé ˈdeđewká ˈdaachúka gaalí ˈdú hogodhoká,
it kinaallá Waag hé hí ˈdú ˈjeˈjeenno.
12Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.
Les shúgútle ubaa édhúmle yiedhíe
13Itín lésalláka, hát hí les shugutlé. Tá shúgút gaalí hé éíy taaka hol warase-, ˈjám ˈdabiyyeka háteeye midhab? Shúgút kinaallá hé hujich mán, hélle les ki okoˈdíti, giri gálaat hí ˈdug gaa seseenká.
14Hát ény gaalí gúm mé ˈdug gaa ˈdisse-, ereny mánkáka itín hí lésallá édhúmlé. 15Gálaat hé nyátáá ma bolmosiny, nyátáá he af ma bubuny. Nyátáá urgúaka úrro gaalí ki ređia, in édhúmle gál ˈbíl gaa ijoká lulle hí biiy ki arga. 16Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.
He onisiny ˈdaa hemuumuritiká
17Aaléka, haí kieye, mu ka yimíéllá mu hemuumurit Waag hí Móshe ka shiicheká ubaa ˈdeem gál Waag hí ˈdeem ka shigicheká hí veereká he les gaa beđia, hí ye chéen. Yú ka yimíéllá yáá hé kinaallá les ma gaa beđiny, yú hemuumurit kinaallá ubaa ˈdeem kinaallá héllé đuđusia. 18Yú hí hé ˈdúwaká geeye, ˈdaab úr ubaa les el met hí ma ˈgînká, hemuumuritééllá hé ˈdéé umut níínní ubaa sányárích níínní hí gaa baađawká mán, ˈjíig héllé huogodheká lulle ali kí ˈdee.
19Aaléka, máá hemuumuritééllá hemuritlé ninniká tikiˈd gaa ˈdeeneyo-, tá gálaat yaalmit kinaal ki oonisuoká, máá kinaallá Guch Waaˈgietka, máá biiy el ˈdaˈdká ha gaalí gaa yeedhe. Tá máá hemuumurít lulle tág chirat-, yaalmit kinaal gálaat oonisuoká, máá kinaallá Guch Waaˈgietka, máá guđoká ha gaali gaa yeedhe. 20Aaléká, yú hí geeye, itín har hát Waag hí feˈdoká hí hát ˈduwantiká el ma gaa igiriny-, hí gál Farisaay ubaa gál gálaat nyatalaam oonisuoká hí af mé ma ˈgisanka, af kinaalka itín gon Guch Waaˈgiet ál níínní hí ki higillaká mán.
Ídho hol gáá mony
21It hemurit Waaˈgiet-, Móshe hí gál heleká geey-, giri kieye, Ha máádhat chíésiny,#5:21 Yíéˈdími 20:13 máá máádhat yeeská hé ˈdéé ki iđiny hí met gaa iđo, chieká maalle. 22Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.
23Aaléka, har hé kua shiichoká kúb gaalí Waag hé shiicho ˈdug gaa shiguoká álle site-, tá nyárkú héllé ki ˈdeeneycheká ko táb ká ˈjieka, 24hé kua shiicho kinaallá kúb kinaal álle ki hash, sí, nyárkú makan ˈjé, tá hol nú, hé kua shiichoká Waag shíish. 25Máá ko ˈdéé gaa sisidho-, ko máá arra ˈdú egeetká hí hol ˈgayya-, hí ˈgierich gaa igiˈdaka, đo hol gár ˈdú naʼ, mu hai síen, ko máá gálaat ˈdéé ki iđimuo kinaal gíl gaa káany, máá kinaal ko máállé yuoyóká gíl gaa káany, gaal ko híígin. 26Yú ko hé ˈdúwaká geeye, har ˈbíl hiigin kinaallá gaalí ko gaa kaayka, kó yé ma ká ˈdeeminy, ˈdaab ew gaalí ko ki mureká lúl yé ma ˈdéenyká.
Herginy hol ˈdú buraaká
27Aaléka, ˈdaa gál hol shuunnekáka, it hemurit Waaˈgiet-, héle Móshe hí hodhe-, giri kieye, Haí hol ˈdú burúminy,#5:27 Yíéˈdími 20:14 chieká maalle. 28Tá yú íín hí geeye, máá min eiy hí il hergisato-, min baltle ˈguoká, gon hát máá minle ˈdú buraay. 29Har íl kua ˈdaa naanietká ko ađááb mé ki kokoyyoka, ali gaa sílish, lab. Gónkú ali tikiˈd manítaka kalat, hát gónkú alulle ˈgayyo-, tá Waag ko ˈjiet biiyoká ki lalaannóóllá muuniny. 30Héétí, har gíl ˈdaa kua naanietká ko ađááb mé ki kokoyyoka, ali gaa mur, lab. Gónkú ali tikiˈd manítaka kalat, hát gónkú alulle ˈgayyo-, tá Waag ko ˈjiet biiyoká ki lalaannóóllá muuniny.
Hol eiy gaa gálim
31Hemurit Waaˈgiet hát chieká úba hé Móshe hí hodhe, giri kieye, Máá minle điidhoká hí min warˈgat hol eiy gaa galimiká ki muro,#5:31 Hemuumurít ˈDéé Hótlé 24:1 chieká. 32Tá yú íín hí geeye, máá minle hí ma ˈdú hergîny-, min điidhoká, min herginy ađaabieto he mé ki koy. Tá máá min bélle hí điidheká eetká herginy ađaabieto he hile.
He ˈdoon hayyíe
33It úba hemurit Waaˈgiet Móshe hí gál heleká geey-, giri kieye, Waag ˈdoote-, he af iđicheka hé kinaallá ha hâny, hé Máá Guđo Waag af iđicheká ˈdúwash, chieká, maalle. 34Tá yú íín hí geeye, haí he tikiˈd úba ˈdóon. Haí úr ˈdóon, ur he Waag karallé guchiká. 35Haí les ˈdóon, les he kara Waag hí ˈgasle ˈdú kokoyyoká. Haí Yerúsalem ˈdóon, Yerúsalem he ény Kánsích kúnnaa Guđoká. 36Héétí haí metkícho ˈdoˈdóon, ˈdaa giri metkícho dhúrle tikiˈd hí édh, muuninyka, hí óngʼor ma hođinyká. 37Tá har hí iiy-hí chieka, đo ˈduwayyíe. Har hí híʼi chieka, đo ˈduwayyíe. He ˈdoon hayyíe, he ˈdoon máá súm ˈdeew-, Sátan léká he yé gáá ˈdeˈdeenne.
Máádhat hai hala káany
38It hemurit Waaˈgiet-, Móshe hí gál heleká geey-, giri kieye, Il ílle aˈgaˈd madía, kachint kachintle aˈgaˈd madía,#5:38 Yíéˈdími 21:24; ˈDeemano Gál Levi 24:20; Hemuumurít ˈDéé Hótlé 19:21 chieká, maalle. 39Tá yú íín hí geeye, máádhat ko hé ˈdeewká ki ekeyka, ha hala káany. Máádhat he ko nét ˈdaa naaniet gaa ˈdoyka, nétatí úba ki kog. 40Máádhat he ko ar met egew-, ko shaamít af ki ririatká fedoka, kótekú úba ki fur. 41Máá yuoyóká har ko ˈdéé ˈdú moy-, ko geey-, Ye shókódíchallá ˈgar éew, yieka, mú shokodich ˈgar éew, ál muí ko ˈdú moyká a naam af yíé ˈdé. 42Máá ko he ruogonoká he shíish, máá ko he gaa eergiatká fedoká ha he rîny.
Gál hí hol ka kídhká geelnedhíe
43It ˈdéé hót kieye, Máá olkú géélneb,#5:43 Hemuumurít ˈDéé Hótlé 19:18 kídhíchkú nébet, chieká maalle. 44Tá yú íín hí geeye, gál hí hol ka kídhká geelnée, gál hí maanyjasuoká Waag ki viivitíe, 45giri ˈJaa kíchia úr ijoká hí umle chegetoká. Hééllá he ˈdaa giri mu aadh gál ˈdeđewká ubaa gál ˈduuˈdúwaká ˈdú koy-, ir gál saas mánká ubaa gál saas ˈguoká ˈdú gáá haađuoká. 46Itín har gál hí geelnedheká tákáma hí geelneteka, ˈduuw máre hí yé ˈdú ˈdiiyye? Gál birm gugusatká hé úba hát tikiˈdééllá ekemesetká muunîny? 47Har gálkícho tákámle hí naa chegetoka, hé kinaallá hé hát aađa-, galaatká muunîny? Gál Waag muogká úba hé hát kinaallá ekemesetká muunîny? 48Aaléka, hát ˈJaa kíchia úr ijoká hí tagléélláka, itín úba gál tagléká yiedhíe, Yíésu hí gáál yie.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Bible Translation and Literacy