Matiu 8
8
Yisọs akọk awo akpamfia
1Ke Yisọs amaakesọihọ ito abod idi, akwa atu awo emaekeene anye. 2Ndin awo akpamfia adi aditọọñọ edọñ anọ anye ate: “Abọọñ, adieke afo amaaha, nnam miin nsana.”
3Yisọs amaasio ubọk atuuk anye, abo anye ate, “Mmenyịmme, sana.” Kpa ke idahado, udọñọ akpamfia ado amakweeñe anye. 4Ndin Yisọs abo anye ate, “Kpeme, kuudọkkọ awo nte keed. Ado ben idem mfo ke wọt aku Abasi, nyʌñ nọ enọ a-asañake akekem nte Moses aketemmeke nte ñkpọ ntiense.”
Mbuọdidem sentudiọn
5Ke Yisọs amaakekewuọ Kapanọm, awo ekọñ sentudiọn amaadi adikpeiye anye ayem unwam. 6Anye amaabo Yisọs ate, “Abọọñ, ayịnufọk mmi adọñọ akpaubeñ anyʌñ aba ke ata akpọsọñ ubiak.”
7Do ndin Yisọs amaabo anye, “Ami ñyaadi ndikọk anye.”
8Awo ekọñ sentudiọn amaabọọrọ ate, “Abọọñ, ami ndotto nte afo akpedʌkkọ ke idak akọm ufọk mmi; kap sʌk tañ ikọ, ke ayịnufọk mmi ayaakop nsọñidem. 9Ami ke idem mmi ndo awo e-enọọhọ akwa adudu, mbon ekọñ ñko enyʌn eba ke idak mmi. Ndin mmekeme ibo awo anyem, ‘Kaa,’ ndin anye aka; nnyʌñ mbo awo mfen, ‘Di mi,’ anye anyʌñ adi. Mmekeme ibo ayịnufọk mmi, ‘Nam ami,’ ndin anye anyʌñ anam.”
10Ke Yisọs akoppo ami, idem amaakpa anye, ndin anye abo mbon e-ekekeeneke anye ate, “Ntañ akpanikọ, tọọñọ anam ami ñkịtte awo a-anieeghe utọ ekamba mbuọdidem ami ke afịd isọñ Isred. 11Ñko ami ntañ inọ ndufo, ata umiañ awo eyaeto ke usiak utịn ye usobutịn edidat itie ammọ ke usọrọ ye Ebraham, Aisik ye Yekọb ke abio ubọọñ Abasi. 12Ado eyaekappa ebịn nditọ e-ekpekedʌkkọ abio ubọọñ esịn ke akịm, ke itie ntuaaña ye ntaeded ediiba.”
13Do ndin Yisọs abo awo ekọñ sentudiọn ate, “Nyọñ! Yak asu unọ fiin nte mbuọdidem mfo adooho.” Ndin idem amaasọñ ayịnufọk amọ kpa ke awa ado.
Yisọs akọk uwak awo udọñọ
14Idaha Yisọs akaaha ufọk Bita, anye amaakịt eka anwaan Bita naña ana ke ikʌk ye ufiobidem. 15Ke ini Yisọs amaaketuuk anye ke ubọk, ufiobidem ado amaakweeñe anye, ndin anye adakka ada atọọñọ adise ñkpọ mbaña Yisọs.
16Ke ndubi usen ado, emaekoono umiañ mbon a-adimọn akefịnake esọk anye. Anye adat ikọ inua abịn mme ndiọi sịbidịd asiooño, ndin amaakọọk afịd mbon udọñọ. 17Ami akedo adinam se brọfed Aisaya aketañ asu:
“Anye ke idem amọ amaabiom mme udọñọ ñnyịn
anyʌñ aben mme ubiak ñnyịn.”
Ekọmudua adikeene Yisọs
18Ke Yisọs akịtte ke mme atu awo ewak ebọhọ, anye anọ mme mbed amọ uyo ate ekappa eka edem ibiok uko. 19Ndin akpeeb ibed keed adibịne anye akebo ate, “Andikpeeb, ami nyaukeene fiin nsaaña nte afo adiikaka.”
20Yisọs amaabọọrọ anye ate, “Mme ewaikọd enieeñe adu, mme inuen anyọñ enyʌñ enieeñe efọk, ado Ayịn Awo inieeghe itie nte adaak iwuod.”
21Awo mfen, keed ke atu mme mbed Yisọs, abo anye ate, “Abọọñ, yak ami ñka diin ñkebuuk ete mmi.”
22Ado Yisọs abo anye, “Ñkeene miin, yak mme akpañkpa ebuuk mme akpañkpa ammọ.”
Yisọs anam ayobio adop
23Akem Yisọs adidʌk ubom, ndin mme mbed amọ enyʌñ ekeene anye. 24Ke unana idodanyen, ata ekandịk ayobio atọọñọ ke ibiok, tutu inua akpa afʌññọ ikọd afʌk ubom. Ado Yisọs ake daadaiya. 25Ndin ammọ eketọi anye ke idab ete, “Abọọñ, inyaaña ñnyịn mbaak ñnyịn idisịp.”
26Ado Yisọs abo ammọ, “Ndufo mbon ntək mbuọdidem, nsinam idem inyeñ ndufo ntom?” Ndin anye adakka ada anyʌñ asua anọ ayobio ye abufịd akpa, do ndin afịd ñkpọ edobo.
27Idem amaanekke akpa ammọ ndin ammọ ebịp ete, “Nso utọ awo ido ami? Afịm ye abufịd inyañ ekop ikọ enọ anye.”
Yisọs akọk ideen iba a-dimọn akesọppọ
28Yisọs amaakekanna ikiwuọ edem inyañ ukañ idʌñ Kadarin, ideen iba a-dimọn akesọppọ eto mme itiad udi ewuọọñọ ebịne anye. Afai-afai ido ammọ ikiyakka awo nte keed asaña aboiyo itie ado. 29Ke ata idahado ammọ emaesio ñkpo ete, “Nso-o ke afo ayem ito ñnyịn, Ayịn Abasi? Afo adi adinọ ñnyịn ufen mbemiso ini akem?”
30Itie ami akekpere itie uwak udịm edi ekebaññake ediaha ñkpọ. 31Ndin ndiọi sịbidịd ami ekpeiye Yisọs ete, “Mbọk afo akpebịn ñnyịn aduọọñọ, isịññe ñnyịn dọñ ke idem mme edi ami.”
32Do ndin anye abo ammọ ate, “Ikaa!” Ndin ammọ enyʌñ ewuọọñọ edọñọ idem mme edi ado. Akenam ntodo, afịd mme edi ado efeeñe ediad abedeñ, edʌk ibiok ndin ekekpañña ke mmọọñ. 33Mme akpeme edi ado emaefeeñe enyʌñ ekaiya abio, eketañ afịd mbʌk ami ye se ikitịppe inọ ideen a-dimọn akesọppọ. 34Ke ndondo ado, afịd awo ke abio emaewuọọñọ eka ikịt Yisọs; ndin ammọ ekesʌk ekekịt anye, ekpeiye anye ete akpọñ ñkanñkʌk mmimọ.
Zur Zeit ausgewählt:
Matiu 8: NAAM
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.
Matiu 8
8
Yisọs akọk awo akpamfia
1Ke Yisọs amaakesọihọ ito abod idi, akwa atu awo emaekeene anye. 2Ndin awo akpamfia adi aditọọñọ edọñ anọ anye ate: “Abọọñ, adieke afo amaaha, nnam miin nsana.”
3Yisọs amaasio ubọk atuuk anye, abo anye ate, “Mmenyịmme, sana.” Kpa ke idahado, udọñọ akpamfia ado amakweeñe anye. 4Ndin Yisọs abo anye ate, “Kpeme, kuudọkkọ awo nte keed. Ado ben idem mfo ke wọt aku Abasi, nyʌñ nọ enọ a-asañake akekem nte Moses aketemmeke nte ñkpọ ntiense.”
Mbuọdidem sentudiọn
5Ke Yisọs amaakekewuọ Kapanọm, awo ekọñ sentudiọn amaadi adikpeiye anye ayem unwam. 6Anye amaabo Yisọs ate, “Abọọñ, ayịnufọk mmi adọñọ akpaubeñ anyʌñ aba ke ata akpọsọñ ubiak.”
7Do ndin Yisọs amaabo anye, “Ami ñyaadi ndikọk anye.”
8Awo ekọñ sentudiọn amaabọọrọ ate, “Abọọñ, ami ndotto nte afo akpedʌkkọ ke idak akọm ufọk mmi; kap sʌk tañ ikọ, ke ayịnufọk mmi ayaakop nsọñidem. 9Ami ke idem mmi ndo awo e-enọọhọ akwa adudu, mbon ekọñ ñko enyʌn eba ke idak mmi. Ndin mmekeme ibo awo anyem, ‘Kaa,’ ndin anye aka; nnyʌñ mbo awo mfen, ‘Di mi,’ anye anyʌñ adi. Mmekeme ibo ayịnufọk mmi, ‘Nam ami,’ ndin anye anyʌñ anam.”
10Ke Yisọs akoppo ami, idem amaakpa anye, ndin anye abo mbon e-ekekeeneke anye ate, “Ntañ akpanikọ, tọọñọ anam ami ñkịtte awo a-anieeghe utọ ekamba mbuọdidem ami ke afịd isọñ Isred. 11Ñko ami ntañ inọ ndufo, ata umiañ awo eyaeto ke usiak utịn ye usobutịn edidat itie ammọ ke usọrọ ye Ebraham, Aisik ye Yekọb ke abio ubọọñ Abasi. 12Ado eyaekappa ebịn nditọ e-ekpekedʌkkọ abio ubọọñ esịn ke akịm, ke itie ntuaaña ye ntaeded ediiba.”
13Do ndin Yisọs abo awo ekọñ sentudiọn ate, “Nyọñ! Yak asu unọ fiin nte mbuọdidem mfo adooho.” Ndin idem amaasọñ ayịnufọk amọ kpa ke awa ado.
Yisọs akọk uwak awo udọñọ
14Idaha Yisọs akaaha ufọk Bita, anye amaakịt eka anwaan Bita naña ana ke ikʌk ye ufiobidem. 15Ke ini Yisọs amaaketuuk anye ke ubọk, ufiobidem ado amaakweeñe anye, ndin anye adakka ada atọọñọ adise ñkpọ mbaña Yisọs.
16Ke ndubi usen ado, emaekoono umiañ mbon a-adimọn akefịnake esọk anye. Anye adat ikọ inua abịn mme ndiọi sịbidịd asiooño, ndin amaakọọk afịd mbon udọñọ. 17Ami akedo adinam se brọfed Aisaya aketañ asu:
“Anye ke idem amọ amaabiom mme udọñọ ñnyịn
anyʌñ aben mme ubiak ñnyịn.”
Ekọmudua adikeene Yisọs
18Ke Yisọs akịtte ke mme atu awo ewak ebọhọ, anye anọ mme mbed amọ uyo ate ekappa eka edem ibiok uko. 19Ndin akpeeb ibed keed adibịne anye akebo ate, “Andikpeeb, ami nyaukeene fiin nsaaña nte afo adiikaka.”
20Yisọs amaabọọrọ anye ate, “Mme ewaikọd enieeñe adu, mme inuen anyọñ enyʌñ enieeñe efọk, ado Ayịn Awo inieeghe itie nte adaak iwuod.”
21Awo mfen, keed ke atu mme mbed Yisọs, abo anye ate, “Abọọñ, yak ami ñka diin ñkebuuk ete mmi.”
22Ado Yisọs abo anye, “Ñkeene miin, yak mme akpañkpa ebuuk mme akpañkpa ammọ.”
Yisọs anam ayobio adop
23Akem Yisọs adidʌk ubom, ndin mme mbed amọ enyʌñ ekeene anye. 24Ke unana idodanyen, ata ekandịk ayobio atọọñọ ke ibiok, tutu inua akpa afʌññọ ikọd afʌk ubom. Ado Yisọs ake daadaiya. 25Ndin ammọ eketọi anye ke idab ete, “Abọọñ, inyaaña ñnyịn mbaak ñnyịn idisịp.”
26Ado Yisọs abo ammọ, “Ndufo mbon ntək mbuọdidem, nsinam idem inyeñ ndufo ntom?” Ndin anye adakka ada anyʌñ asua anọ ayobio ye abufịd akpa, do ndin afịd ñkpọ edobo.
27Idem amaanekke akpa ammọ ndin ammọ ebịp ete, “Nso utọ awo ido ami? Afịm ye abufịd inyañ ekop ikọ enọ anye.”
Yisọs akọk ideen iba a-dimọn akesọppọ
28Yisọs amaakekanna ikiwuọ edem inyañ ukañ idʌñ Kadarin, ideen iba a-dimọn akesọppọ eto mme itiad udi ewuọọñọ ebịne anye. Afai-afai ido ammọ ikiyakka awo nte keed asaña aboiyo itie ado. 29Ke ata idahado ammọ emaesio ñkpo ete, “Nso-o ke afo ayem ito ñnyịn, Ayịn Abasi? Afo adi adinọ ñnyịn ufen mbemiso ini akem?”
30Itie ami akekpere itie uwak udịm edi ekebaññake ediaha ñkpọ. 31Ndin ndiọi sịbidịd ami ekpeiye Yisọs ete, “Mbọk afo akpebịn ñnyịn aduọọñọ, isịññe ñnyịn dọñ ke idem mme edi ami.”
32Do ndin anye abo ammọ ate, “Ikaa!” Ndin ammọ enyʌñ ewuọọñọ edọñọ idem mme edi ado. Akenam ntodo, afịd mme edi ado efeeñe ediad abedeñ, edʌk ibiok ndin ekekpañña ke mmọọñ. 33Mme akpeme edi ado emaefeeñe enyʌñ ekaiya abio, eketañ afịd mbʌk ami ye se ikitịppe inọ ideen a-dimọn akesọppọ. 34Ke ndondo ado, afịd awo ke abio emaewuọọñọ eka ikịt Yisọs; ndin ammọ ekesʌk ekekịt anye, ekpeiye anye ete akpọñ ñkanñkʌk mmimọ.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.