Mwanzo 10
10
Aana a Nuuhi
1Eti warakha ya ojama wa Sheemu, Haamu na Yafeeti, aana a Nuuhi. Yo awaapatthiye aana wakathi opule wiishiyeevo nnyeri.
2Aana a Yafeeti aari apa: Komeeri, Makhoko, Matayi, Yavani, Tupaali, Mesheki na Tirasi. 3Aana a Komeeri aari apa: Ashikenazi, Rifwathi na Tokaama. 4Aana a Yavani aari apa: Elisha, Taarisi, Kitimu na Rotanimu. 5Aana atthaapo, atthu a mmavisura khwaawanyana mmuti mwaya, wakhula mmote na luuka yawe, nkatthi wa lihimo laya, na khapila yaya.
6Aana a Haamu aari apa: Kuushi, Misuri, Puuti na Kanaani. 7Aana a Kuushi aari apa: Seepa, Havila, Saapita, Raama na Sapiteeka. Aana a Raama aari apa: Sheeba na Dedaani.
8Kuushi khunvokola theenya Ninrooti, otu ti ye aaziyeeyo wiiya ntthu wooshintta vathi apha. 9Ye aari namasaya wookhomaala wa anamasaya. Tiito enlupiwaaye yoori “Ntthu nkhama Ninrooti, namasaya wookhomaala.” 10Ofwalume awe waaza nti wa Babeeli, Ereki, Akati na Kalini, zooshi epo zaari miti za Shinaari. 11Khulankha nti wa Shinaari khulawa mpakha Ashuuru khujeka sitati ya Neniive, ya Rehopoothi Yiiri na ya Kaala, 12na sitati ya Reseeni, sitati khuluyeene yaari vakatthi wa sitati ya Neniive na ya Kaala.
13Misuri khunvokola aluti, anaamu, alehaapi, anafituhi, 14apaturusi na akasuluhi apa pa yo awaavokoliyeeyo Afiliishiti na akafitoori.
15Kanaani khunvokola Sitooni mwanawe wa mwanzo na Heethi, 16theenya na ayepuzi, amoori na akirikashi, 17amwiivi, ariki, asiini, 18aravati, azemaari na ahamati.
Khwa etthiipo lihimo la a Kanaani khumwazeya. 19Mwiinano wa a Kanaani waaziye Sitooni olawaka Keraari, mpakha Kaaza, na phantte ya Sotooma na Komoora, Atima na Zeboyimu, mpakha Laasha.
20Apa aari aana a Haamu na mahimo aya, luuka zaya, miti zaya na khapila zaya.
21Sheemu nttunkhulu wa Yafeeti, na ye aawaavokoliye aana; Sheemu aari pwaapu wa aana a Heebere#10:21 Aana a Heebere pi atthaapo azaniyeeyo nzina la Hebereewu. .
22Aana a Sheemu aari apa: Elamu, Ashuuru, Arifwakisaati, Luthi na Aramu. 23Aana a Aramu aari apa: Wuuzi, Huuli, Keteeri na Maashi. 24Arifwakisaati khunvokola Sheela, na ye Sheela khunvokola Heebere.
25Heebere khuwaavokola aana awiri: mmote khuntthaja nzina la Peleekhi#10:25 Nzina ntthi la Peleekhi lina maana a waawanyiwa. mwaasa yoori siikhu zawe tuniya yeettiye waawanyiwa. Otu wa phiiri khuntthaja nzina la Yokitaani. 26Yokitaani khunvokola Alimotathi, Shelefu, Hazarimawethi, Yeera, 27Hatoramu, Yuzaali, Tiikala, 28Opaali, Apimayeeli, Sheeba, 29Ofiiri, Havila na Yobaabu, ooshi apa aana a Yokitaani. 30Apa aari wiikhala waaza nti wa Meesha mpakha nnyaako phantte ya okhu lintthamuwaawo njuwa nti wa Sefaari. 31Apa aari aana a Sheemu na mahimo aya, luuka zaya, miti zaya na khapila zaya.
32Opu ojama wa aana a Nuuhi, waawanyeyiyeeyo khapila khwa khapila na ojama aya paata yawiisha nnyeri. Khapila zooshi zimwazeyeliyeeyo voolumwenku zalankha voojama otthuupo.
Zur Zeit ausgewählt:
Mwanzo 10: eko
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2020, Wycliffe Bible Translators, Inc. All rights reserved.