OMOCHANKO 3
3
Okogwa kwa mwanyabanto ase ebibe
1Bono eng’iti engenda inse nigo yarenge eng’ainereria kobua ching’iti chinde chionsi chi’orosana, echi Omonene Nyasae akorete. Erio ekaboria omokungu, “Inee! Namaene ng’a Nyasae nigo abakanetie ng’a timoria amatunda ’omote onde bwonsi ore mogondo?”
2Omokungu oria akairaneria eng’iti eria, “Amatunda a kera omote ore ase omogondo natonyare koria, 3otatiga amatunda ’omote ore mogondo gatigati. Nyasae nigo atotebetie: Moise koyaria gose koyakuna nigo morakwe.”
4Eng’iti egatebia omokungu, “Ogokwa, timogokwa nonya ng’ake. 5Naki Nyasae namanyete ng’a ekero morarie amatunda ’omote oyio nigo moraramokigwe amaiso aino, na inwe mobe buna Nyasae, mokomanya amaya na amabe.”
6Omokungu agachia korora omote oria ng’a nomuya ore ase okoriegwa na okogwenera amaiso, na omote oria noyo bw’okoganigwa, ekiagera okobaa okomanya, agatwa amatunda aye, akaria. Erio akaa omosacha oye, nere akaria. 7Na amaiso abo bonsi babere akaramokigwa, bakamanya ng’a ngetirianda bare; bagatabora amato ’omoko, bakayabwatania, bakeboyia.
8Omonto oria na mokaye bakaigwa eriogi ri’Omonene Nyasae kagotaara ase omogondo engaki ya mogoroba ense koyakendire, na barabwo bakebisa mogondo gati y’emete, ng’a Omonene Nyasae tabarora. 9Omonene Nyasae akarangeria omonto oria, akamoboria, “Ng’ai ore?”
10Ere akamoiraneria, “Nigo naigwa eriogi riao kogotaara ase omogondo, noboa ekiagera ngetirianda nare; ase ayio nebisa.”
11Nyasae akamoboria, “Ing’o ogotebia ng’a ngetirianda ore? Inee! Nkwarire amatunda ’omote oria nagokanetie ng’a toria?”
12Omonto oria akamoiraneria, “Omokungu oyo kwang’ete ng’a abe amo nainche, nere ong’ete amatunda ’omote oyio, na inche nkaria.”
13Erio Omonene Nyasae akaboria omokungu oria, “Ninki eke gwakorire?” Omokungu oria akamoiraneria, “Neng’iti yang’ainete, nkaria.”
Nyasae okurua okoragereria ase engencho y’ebibe
14Omonene Nyasae agatebia eng’iti eria,
“Ekiagera gwakorire aya,
aye kwaragererigwe kobua ching’iti chionsi chigotugwa,
ne ching’iti chionsi chi’orosana;
aye nenda oragendere,
na orotu orarie ase obogima bwao bwonsi.
15Inche nimbeke obobisa ase egati yao na omokungu oyo,
na ase egati y’oroiboro rwao na oroiboro rwaye;
rororwo narogosenyente omotwe oo,
na aye nomorome egetingiro kiaye.”
16Akaonchokera omokungu, akamotebia,
“Ninkomentere emechando emenge ekero okoba morito,
na ekero okoibora abana nonyore obororo;
nonya nabo okogania kwao nigo korabe ase omosacha oo,
na ere nakogambere.”
17Agatebia Adamu,
“Ekiagera kwaigwerete mokao
na okaria amatunda ’omote oria nagokanetie ng’a toria,
riroba riaragererigwe ase engencho yao.
Ase ogwechanda norie okwama kwaye
amatuko onsi ay’obogima bwao.
18Riroba narikwamere amagwa na amageri,
na aye norie okwama kw’ebimeri bi’orosana.
19Noiteke ebigeri korwa ase obosio bwao
omanye konyora endagera orie;
goika oirane ase riroba, ekiagera agwo nao kwarwete.
Naki aye norotu,
naende noirane ase orotu.”
20Omonto oria akaroka mokaye Hawa#3:20 Hawa, engencho yaye: okoba moyo, ekiagera ere nere ng’ina bw’abare moyo bonsi. 21Omonene Nyasae akaroiseria Adamu na mokaye chingobo chi’amasankwa, akababoyia.
Adamu na Hawa bagoserigwa korwa ase omogondo
22Erio Omonene Nyasae agateba, “Rora, omonto oyo obeire buna oyomo oito ase okomanya amaya na amabe. Aande nabaise gochia korambora okoboko kwaye atwe amatunda ’omote bw’obogima arie, erinde abe moyo kare na kare.” 23Ase ayio Omonene Nyasae akamoseria korwa ase omogondo o Edeni, akamobeka areme riroba agwo ase arwete. 24Igo agaseria omonto oria, na ensemo ya moocha y’omogondo o Edeni akabeka omokerubi, na omoyio o birende ogwoka omorero okona‐koonchaonchoka chinsemo chionsi korenda enchera ekogenda ase omote bw’obogima.
Zur Zeit ausgewählt:
OMOCHANKO 3: EKEGUSIIBBLE
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
OLD EKEGUSII BIBLE PROTESTANT EDITION
©Bible Society of Kenya, 2020
OMOCHANKO 3
3
Okogwa kwa mwanyabanto ase ebibe
1Bono eng’iti engenda inse nigo yarenge eng’ainereria kobua ching’iti chinde chionsi chi’orosana, echi Omonene Nyasae akorete. Erio ekaboria omokungu, “Inee! Namaene ng’a Nyasae nigo abakanetie ng’a timoria amatunda ’omote onde bwonsi ore mogondo?”
2Omokungu oria akairaneria eng’iti eria, “Amatunda a kera omote ore ase omogondo natonyare koria, 3otatiga amatunda ’omote ore mogondo gatigati. Nyasae nigo atotebetie: Moise koyaria gose koyakuna nigo morakwe.”
4Eng’iti egatebia omokungu, “Ogokwa, timogokwa nonya ng’ake. 5Naki Nyasae namanyete ng’a ekero morarie amatunda ’omote oyio nigo moraramokigwe amaiso aino, na inwe mobe buna Nyasae, mokomanya amaya na amabe.”
6Omokungu agachia korora omote oria ng’a nomuya ore ase okoriegwa na okogwenera amaiso, na omote oria noyo bw’okoganigwa, ekiagera okobaa okomanya, agatwa amatunda aye, akaria. Erio akaa omosacha oye, nere akaria. 7Na amaiso abo bonsi babere akaramokigwa, bakamanya ng’a ngetirianda bare; bagatabora amato ’omoko, bakayabwatania, bakeboyia.
8Omonto oria na mokaye bakaigwa eriogi ri’Omonene Nyasae kagotaara ase omogondo engaki ya mogoroba ense koyakendire, na barabwo bakebisa mogondo gati y’emete, ng’a Omonene Nyasae tabarora. 9Omonene Nyasae akarangeria omonto oria, akamoboria, “Ng’ai ore?”
10Ere akamoiraneria, “Nigo naigwa eriogi riao kogotaara ase omogondo, noboa ekiagera ngetirianda nare; ase ayio nebisa.”
11Nyasae akamoboria, “Ing’o ogotebia ng’a ngetirianda ore? Inee! Nkwarire amatunda ’omote oria nagokanetie ng’a toria?”
12Omonto oria akamoiraneria, “Omokungu oyo kwang’ete ng’a abe amo nainche, nere ong’ete amatunda ’omote oyio, na inche nkaria.”
13Erio Omonene Nyasae akaboria omokungu oria, “Ninki eke gwakorire?” Omokungu oria akamoiraneria, “Neng’iti yang’ainete, nkaria.”
Nyasae okurua okoragereria ase engencho y’ebibe
14Omonene Nyasae agatebia eng’iti eria,
“Ekiagera gwakorire aya,
aye kwaragererigwe kobua ching’iti chionsi chigotugwa,
ne ching’iti chionsi chi’orosana;
aye nenda oragendere,
na orotu orarie ase obogima bwao bwonsi.
15Inche nimbeke obobisa ase egati yao na omokungu oyo,
na ase egati y’oroiboro rwao na oroiboro rwaye;
rororwo narogosenyente omotwe oo,
na aye nomorome egetingiro kiaye.”
16Akaonchokera omokungu, akamotebia,
“Ninkomentere emechando emenge ekero okoba morito,
na ekero okoibora abana nonyore obororo;
nonya nabo okogania kwao nigo korabe ase omosacha oo,
na ere nakogambere.”
17Agatebia Adamu,
“Ekiagera kwaigwerete mokao
na okaria amatunda ’omote oria nagokanetie ng’a toria,
riroba riaragererigwe ase engencho yao.
Ase ogwechanda norie okwama kwaye
amatuko onsi ay’obogima bwao.
18Riroba narikwamere amagwa na amageri,
na aye norie okwama kw’ebimeri bi’orosana.
19Noiteke ebigeri korwa ase obosio bwao
omanye konyora endagera orie;
goika oirane ase riroba, ekiagera agwo nao kwarwete.
Naki aye norotu,
naende noirane ase orotu.”
20Omonto oria akaroka mokaye Hawa#3:20 Hawa, engencho yaye: okoba moyo, ekiagera ere nere ng’ina bw’abare moyo bonsi. 21Omonene Nyasae akaroiseria Adamu na mokaye chingobo chi’amasankwa, akababoyia.
Adamu na Hawa bagoserigwa korwa ase omogondo
22Erio Omonene Nyasae agateba, “Rora, omonto oyo obeire buna oyomo oito ase okomanya amaya na amabe. Aande nabaise gochia korambora okoboko kwaye atwe amatunda ’omote bw’obogima arie, erinde abe moyo kare na kare.” 23Ase ayio Omonene Nyasae akamoseria korwa ase omogondo o Edeni, akamobeka areme riroba agwo ase arwete. 24Igo agaseria omonto oria, na ensemo ya moocha y’omogondo o Edeni akabeka omokerubi, na omoyio o birende ogwoka omorero okona‐koonchaonchoka chinsemo chionsi korenda enchera ekogenda ase omote bw’obogima.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
OLD EKEGUSII BIBLE PROTESTANT EDITION
©Bible Society of Kenya, 2020